- ໝາກພິລາ: ຜົນການວິໄຈໃນສາຫະລັດພົບວ່າ ໝາກພິລາສາມມາດຊ່ວຍປິ່ນປົວຜູ້ທີ່ເປັນເບົາຫວານໄດ້ ຄຸນສົມບັດຊ່ວຍກັກເກັບເຊວເມັດເລືອດແດງ ໂດຍໃຫ້ຜູ້ເປັນເບົາຫວານຈໍານວນ 10 ຄົນດື່ມນໍ້າໝາກພິລາຄັ້ນສົດວັນລະ 1 ຈອກ ເປັນເວລາ 3 ເດືອນ ຜົນອອກມາຄືຮ່າງກາຍມີລະດັບອິນຊູລິນໃນກະແສເລືອດຫຼຸດລົງ ລະບົບໄຫຼວຽນຂອງໂລຫິດເປັນປົກກະຕິຂຶ້ນ, ອາກນມຶ່ນ, ອ່ອນເພຍ ແລະຜົມຫຼົ່ນຫຼຸດລົງ ແລະຜິວພັນສົດໃສຂຶ້ນກວ່າເກົ່າ.
- ໝາກມັງກອນ: ອຸດົມໄປດ້ວຍໂປຣຕີນ ຈຶ່ງຊ່ວຍເຕີມຮ່ອງຮອຍຜິວໃຫ້ເຄັ່ງຕຶງ ຜົນວິໄຈພົບວ່າ ໝາກມັງກອນສີແດງດີຕໍ່ລະບົບໄຫຼວຽນຂອງໂລຫິດ ແລະມີທາດເຫຼັກຢູ່ໃນປະລິມານທີ່ເໝາະສົມສໍາຫຼັັບການສ້າງເຊວເມັດເລືອດ ນອກຈາກນີ້ ໄຟເບີຣ໌ໃນໝາກມັງກອນຍັງຊ່ວຍຟື້ນຟູຄວາມແຂງແຮງບໍລິເວນຊ່ອງຄອດ, ບັນເທົາອາການລົງຂາວທີ່ຜິດປົກກະຕິ( ມີສີເຫຼືອງປົນໜອງ, ປົນເລືອດ ແລະມີກິ່ນເໝັນ ).
- ໝາກສະຕໍເບີຣີ່: ດ້ວຍຄຸນສົມບັດຂອງວິຕາມິນຢູ່ໃນໝາກສະຕໍເບີຣີ່ ຊ່ວຍບໍາລຸງເຊວເມັດເລືອດແດງ ເມັດນ້ອຍໆທີ່ນໍາໝາກສະຕໍເບີຣີ່ຊ່ວຍລໍາລຽງອອກຊີເຈນໃນຂະບວນການກໍາຈັດເລືອດເສຍ.
- ໝາກກ້ວຍ: ຄຸນສົມບັດຂອງແຮ່ທາດແມກນີຊຽມທີ່ອຸດົມຢູ່ໃນໝາກກ້ວຍ ຊ່ວຍບໍາລຸງຜິວທີ່ຂາວແບບຈາງໆໃຫ້ກັບມາເປັ່ງປັ່ງເບິ່ງຄືມີເລືອດ ຈາກຜົນການວິໄຈໃນ American Journal of Epidemiology ເຜີຍວ່າການບໍລິໂພກໝາກກ້ວຍເປັນປຈໍາທຸກວັນສົ່ງຜົນຕໍ່ສຸຂະພາບເລືອດຄື ຊ່ວຍຫຼຸດຄວາມສ່ຽງພະຍາດມະເຮັງເມັດເລືອດຂາວ ໂດຍສະເພາະໃນເດັກນ້ອຍຊ່ວງ 0-2 ປີ.
- ໝາກແຕງໂມ: ຈາກການວິໄຈຂອງມະຫາວິທະຍາໄລເນຣາດາໃນສາຫະລັດເຜີຍວ່າ ຫາກກິນໝາກແຕງໂມພຽງເຄິ່ງໜ່ວຍຕໍ່ວັນດີຕໍ່ລະບົບໄຫຼວຽນຂອງໂລຫິດ ເພາະກົດອະມິໂນອາຣ໌ຈີໂນ ທີ່ຮ່າງກາຍປ່ຽນໃຫ້ເປັນສານໃນຕິກອອກໄຊດ໌ ເຮັດໃຫ້ເລືອດສົມບູນຂຶ້ນເຖິງຮ້ອຍລະ 22 ຈຶ່ງຊ່ວຍປ້ອງກັນພາວະກ້າມຊີ້ນຫົວໃຈຕາຍ ແລະພາວະຫຼອດເລືອດແຂງຕົວ