ສະໝອງເປັນອະໄວຍະວະທີ່ສຳຄັນໃນການຄວບຄຸມການເຮັດວຽກຂອງຮ່າງກາຍ ຫາກສະໝອງໄດ້ຮັບການກະທົບກະເທືອນ ຈະເຮັດໃຫ້ຮ່າງກາຍບໍ່ສາມາດເຮັດວຽກໄດ້ຢ່າງປົກກະຕິ ເຮົາຈຶ່ງຄວນຮັກສາສະໝອງໃຫ້ຢູ່ໃນສະພາບດີ ແລະຝຶກໃຫ້ສະໝອງສະຫຼາດຢູ່ສະເໝີ ເພື່ອເຮັດໃຫ້ຊີວິດມີຄວາມສຸກ
- ພັກຜ່ອນບໍ່ພຽງພໍ: ຫຼາຍຄັ້ງທີ່ເຮົາຕິດເປັນນິໄສເຊິ່ງທຳລາຍສະໝອງເຊັ່ນ: ການນອນຫຼັບບໍ່ພຽງພໍ ເຊິ່ງເປັນສາເຫດເຮັດໃຫ້ມັກລືມ, ເປັນພະຍາດຄວາມຈຳເສື່ອມ
- ໃຊ້ເວລາຢູ່ຄົນດຽວດົນເກີນໄປ: ຖ້າຫາກມັກຢູ່ຄົນດຽວ ແລະປ່ອຍໃຫ້ຕົນເອງເຫງົາ ຈະເປັນຜົນຮ້າຍຕໍ່ສະໝອງ ດັ່ງນັ້ນ ເຮົາຄວນມີໝູ່ ເພື່ອຈະໄດ້ເວົ້າລົມນຳກັນ ເພື່ອເຮັດໃຫ້ສະໝອງປອດໂປ່ງ
- ກິນອາຫານທີ່ບໍ່ມີປະໂຫຍດຫຼາຍເກີນໄປ: ໜ້າທີ່ສ່ວນໜຶ່ງຂອງສະໝອງຄືການເຊື່ອມໂຍງຄວາມຈຳ ແລະການຮຽນຮູ້ ສຸຂະພາບຈິດຂອງຄົນທີ່ກິນອາຫານບໍ່ມີປະໂຫຍດເຊັ່ນ: ແຮມເບີເກີ, ໝາກມັນຈືນ, ເຄື່ອງດື່ມໂຊດາຕ່າງໆ ຈະທຳລາຍສະໝອງໄດ້ຫຼາຍກວ່າຄົນທີ່ກິນອາຫານທີ່ມີສຸຂະພາບເຊັ່ນ: ສາລີ, ຖົ່ວ, ຜັກ
- ໃສ່ສາຍສະເບົ້າຕະຫຼອດ: ເມື່ອເຮົາໃສ່ສາຍສະເບົ້າແລ້ວເປີດເພງດັງໆ ສຽງນັ້ນຈະເຂົ້າໄປທຳລາຍສະໝອງ ແລະຫູໄດ້, ຍັງເຮັດໃຫ້ເກີດພະຍາດສະໝອງເສື່ອມ ຫຼືສູນເສຍເຊວຕ່າງໆໃນສະໝອງ
- ສູບຢາ: ຈະເຮັດໃຫ້ສະໝອງຖືກທຳລາຍ ແລະເຮັດໃຫ້ຄວາມຈຳເສື່ອມ, ຍັງເປັນສາເຫດຂອງພະຍາດຫົວໃຈ, ພະຍາດເບົາຫວານ, ເສັ້ນເລືອດໃນສະໝອງແຕກ ແລະຄວາມດັນເລືອດສູງອີກດ້ວຍ
- ກິນອາຫານຫຼາຍເກີນໄປ: ຫາກເຮົາກິນອາຫານຫຼາຍເກີນໄປ ເຖິງແມ່ນວ່າຈະເປັນອາຫານທີ່ດີ ແຕ່ຈະສົ່ງຜົນເສຍກັບສະໝອງ ເພາະສະໝອງບໍ່ສາມາດສ້າງເຄືອຂ່າຍໃນການເຊື່ອມໂຍງຄວາມຄິດ ແລະຄວາມຈຳໄດ້, ການກິນອາຫານຫຼາຍເກີນໄປ ຈະເປັນອັນຕະລາຍຕໍ່ສຸຂະພາບອີກ ເພາະການມີນໍ້າໜັກຫຼາຍ ເຮັດໃຫ້ເປັນພະຍາດຫົວໃຈ, ເບົາຫວານ ແລະພະຍາດອື່ນໆອີກ
- ຢູ່ບ່ອນມືດຫຼາຍເກີນໄປ: ຫາກເຮົາບໍ່ໄດ້ຮັບແສງຈາກທຳມະຊາດ ເຮົາຈະຮູ້ສຶກເຄັ່ງຄຽດ ແລະເຮັດໃຫ້ສະໝອງເຮັດວຽກຊ້າ, ນັກວິໄຈຄົ້ນພົບວ່າ ແສງຕາເວັນ ສາມາດເຮັດໃຫ້ສະໝອງຂອງຄົນເຮົາດີຂຶ້ນ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ