ຄວາມຄືບໜ້າ ເຫດແຜ່ນດິນໄຫວໃນອິນໂດເນເຊຍ ມີຜູ້ເສຍຊີວິດແລ້ວ 25 ຄົນ ເຈົ້າໜ້າທີ່ລະດົມຄົ້ນຫາຜູ້ລອດຊີວິດ ຄາດວ່າຍັງມີຕິດຢູ່ກ້ອງຕຶກອາຄານທີ່ຖະລົ່ມ.
ຄວາມຄືບໜ້າລ່າສຸດ ເຫດແຜ່ນດິນໄຫວທີ່ເມືອງ ອາເຈະຫ໌ ປະເທດອິນໂດເນເຊຍ ແຮງສັ່ນສະເທືອນ 6.4 ເປັນເຫດໃຫ້ມີຕຶກອາຄານເປ່ເພຖະລົ່ມກວ່າ 40 ແຫ່ງ ຕອນເຊົ້າທີ່ຜ່ານມາ ມີຜູ້ບາດເຈັບເພີ່ມຂຶ້ນເປັນຈໍານວນຫຼາຍ ແລະເສຍຊີວິດເພີ່ມເປັນ 25 ຄົນແລ້ວ ໂດຍທາງການປະກາດນໍາເຄື່ອງຈັກລົດໜັກເຂົ້າມາຍັງພື້ນທີ່ ເພື່ອຮື້ຖອນເສດທີ່ຫັກຈາກຕຶກອາຄານຖະລົ່ມ ເພື່ອຄົ້ນຫາຜູ້ລອດຊີວິດທີ່ຄາດວ່າຍັງຄົງມີຢູ່ກ້ອງຕຶກອາຄານຫຼາຍແຫ່ງ.
ທັງນີ້ ລາຍງານລະບຸວ່າ ມີປະຊາຊົນທີ່ປະສົບເຫດເຂົ້າປິ່ນປົວໃນສູນການແພດເກືອບ 20 ຄົນ ແລະຜູ້ບາດເຈັບ 1 ຄົນຖືກສົ່ງໂຕໄປຍັງໂຮງໝໍເນື່ອງຈາກວ່າມີອາການສາຫັດ.