ອີງຕາມສໍານັກຂ່າວຕ່າງປະເທດລາຍງານໃນວັນທີ 6 ທັນວາທີ່ຜ່ານມາວ່າ: ສື່ທ້ອງຖິ່ນມົນທົນຢູນານປະເທດຈີນ ໄດ້ເຜີຍແຜ່ພາບອາຄານຫໍພັກຫຼັງໜຶ່ງຂອງ Yunnan Forestry Technological College ທີ່ມີຮອຍແຕກລ້າວຂະໜາດໃຫຍ່ທົ່ວທັ້ງອາຄານ ຊຶ່ງຫຼັງຈາກມີການຊ່ອມແຊມຝາດ້ານນອກກໍເກີດເປັນຮອຍຄືຮອບຜ້າຕິດບາດແຜຕິດຢູ່ທົ່ວອາຄານ.

ໂດຍເຈົ້າໜ້າທີ່ຝ່າຍປະຊາສໍາພັນຂອງທາງວິທະຍາໄລນີ້ເຜີຍວ່າ ອາຄານຫໍພັກດັ່ງກ່າວເປັນອາຄານທີ່ໃຊ້ໂຄງສ້າງຫຼັກເປັນເຫຼັກກ້າ ເຄືອບໂລຫະປະສົມປ້ອງກັນຂີ້ມ້ຽງ ດັ່ງນັ້ນ ງ່າຍທີ່ຈະເກີດຮອຍແຕກລ້້າວ ຊຶ່ງເປັນເລື່ອງປົກກະຕິທໍາມະດາ ພຽງແຕ່ຮອຍແຕກລ້າວຈະເຮັດໃຫ້ພື້ນຜິວຝາຂອງອາຄານບໍ່ສວຍງາມເທົ່ານັ້ນ ແຕ່ຈະບໍ່ມີຜົນກະທົບຕໍ່ປະສິດທິພາບ ແລະຄວາມປອດໄພຂອງອາຄານ ສ່ວນດ້ານໃນອາຄານຈາກການກວດສອບກໍບໍ່ພົບຮອຍແຕກລ້າວ.

ທັ້ງນີ້ ເຈົ້າໜ້າທີ່ຍັງເຜີຍແຜ່ອີກວ່າ ຝາຂອງອາຄານຫໍພັກດັ່ງກ່າວໄດ້ມີການໃຊ້ວັດສະດຸປິດພື້ນຝາທີ່ຮອງຮັບແຮງສັ່ນສະເທືອນຈາກແຜ່ນດິນໄຫວຊະນິດໃໝ່ ເພື່ອພົບກັບຄວາມຮ້ອຍ ແລະຄວາມຊຸ່ມ ຈຶ່ງເຮັດໃຫ້ຝາເກີດຮອຍແຕກລ້າວຂຶ້ນ ຊຶ່ງວ່າເປັນເລື່ອງປົກກະຕິ ແຕ່ທີ່ເຫັນວ່າຮອຍດັ່ງກ່າວເປັນສີເຂັ້ມ ເພາະເກີດຈາກວັດສະດຸທີ່ໃຊ້ຕິດຮອຍແຕກລ້າວ ແລະເພື່ອຕ້ອງການເຮັດໃຫ້ຝາຂອງອາຄານສວຍງາມ ຈຶ່ງໄດ້ອອກແບບໃຫ້ເຮັດແບບນັ້ນທົ່ວທັ້ງອາຄານ.