ພະຍາດທີ່ເຮັດໃຫ້ເຫື່ອອອກຫຼາຍໄດ້ແກ່:
- ພະຍາດຄຽດ: ລັກສະນະຂອງເຫື່ອທີ່ອອກຫຼາຍບໍລິເວນຝ່າມື, ຝາຕີນ ແລະໜ້າຜາກ ອາດຈະມີອາການອື່ນໆຮ່ວມດ້ວຍເຊັ່ນ ໃຈສັ່ນ, ຊີບພະຈອນເຕັ້ນໄວ ແລະມືສັ່ນ.
- ຕ່ອມໄທລອຍເປັນພິດ: ຈະມີເຫື່ອຊຶມອອກມາທົ່ວໂຕ ແລະບໍລິເວນຝ່າມືທັ້ງ 2 ຂ້າງ ອາດມີອາການງຸດງິດ, ມືສັ່ນ, ຕົກໃຈງ່າຍ, ຕາໂປ-ຜົມຫຼົ່ມ ແລະຫິວນໍ້າຕະຫຼອດ.
- ວັນນະໂຣກ: ເຫື່ອອອກຫຼາຍທົ່ວຕົນໂຕ ໃນເວລາກາງຄືນ ສະລັບກັບມີອາການໄອຊໍ້າເຮື້ອພ້ອມ.
- ພະຍາດເບົາຫວານ: ຈະມີເຫື່ອຊຶຶມທົ່ວຕົນໂຕ ໂດຍສະເພາະຝ່າມື, ຝາຕີນ, ໃຈສັ່ນ, ເມື່ອຍຫອບຄ້າຍຄືວ່າຊິເປັນລົມ.
- ພະຍາດຫົວໃຈ: ຈະມີອາການເຫື່ອອອກ, ໃຈສັ່ນ, ເມື່ອຍຫອບຂະນະອອກກໍາລັງກາຍ ຫາກມີອາການແໜ້ນໜ້າເອິກ, ເຫື່ອອອກຕາມນີ້ວມື, ນີ້ວຕີນທຸກຄັ້ງທີ່ອອກກໍາລັງກາຍ ມີຄວາມສ່ຽງເປັນພະຍາດຫົວໃຈສູງ.
- ພາວະໃກ້ໝົດປະຈໍາເດືອນ: ຄົນທີ່ໃກ້ຈະໝົດປະຈໍາເດືອນ ສະໝອງຈະຫຼັ່ງຮອກໂມນເພດຍິງໜ້ອຍລົງ ເຮັດໃຫ້ເຫື່ອອອກຫຼາຍໃນເວລາກາງຄືນ
ເຖິງແມ່ນວ່າອາການເຫື່ອອອກຫຼາຍຈະບົ່ງບອກອາການຂອງພະຍາດໄດ້ ແຕ່ກໍຕ້ອງມີປັດໄຈອື່ນໆຮ່ວມດ້ວຍ ຫາກມີອາການເຫື່ອອອກຫຼາຍຜິດປົກກະຕິຄວນເບິ່ງສຸຂະພາບ ຫາວິທີປ້ອງກັນ ແລະໄປພົບແພດໝໍເພື່ອກວດສອບຮ່າງກາຍ.