ໝາກອຶ ນອກຈາກເຮົາຈະເອົາມາປຸງແຕ່ງອາຫານແລ້ວ ໝາກອຶຍັງມີລິດເປັນຢາໄດ້ດ້ວຍ ເພາະໃນໝາກອຶມີວິຕາມິນຫຼາຍຊະນິດ ສາມາດປ້ອງກັນ ແລະປິ່ນປົວໄດ້ຫຼາຍພະຍາດເຊັ່ນ: ພະຍາດເບົາຫວານ, ພະຍາດຄວາມດັນເລືອດສູງ, ພະຍາດຕັບ ແລະໝາກໄຂ່ຫຼັງ.
- ໝາກອຶມີສານຕໍ່ຕ້ານອະນຸມຸນອິດສະລະທີ່ມີສ່ວນຊ່ວຍໃນການຕ້ານຄວາມແກ່ຊະລາ.
- ຊ່ວຍບໍາລຸງສຸຂະພາບຜິວ ໃຫ້ເປັ່ງປັ່ງສົດໃສ ແລະຊ່ວຍປົກປ້ອງຜິວບໍ່ໃຫ້ຫ່ຽວຍານ.
- ໝາກອຶມີເບຕ້າແຄໂຣທີນສູງ ຊ່ວຍບໍາລຸງ ແລະປິ່ນປົວສາາຍຕາ
- ສາມາດກະຕຸ້ນການລັ່ງອິນຊູລິນ ແລະຊ່ວຍຫຼຸດລະດັບນໍ້າຕານໃນເລືອດໄດ້.
- ສາມາດຄວບຄຸມຄວາມດັນໂລຫິດ, ບໍາລຸງຕັບ, ບໍາລຸງໝາກໄຂ່ຫຼັງ, ບໍາລຸງດວງຕາ ແລະສ້າງເຊວໃຫມ່ທົດແທນເຊວເກົ່າທີ່ເສື່ອມສະພາບ.
- ໃນໝາກອຶມີຄໍລາເຈນຕາມທໍາມະຊາດ ຈຶ່ງຊ່ວຍສ້າງ ຄໍລາເຈນໃຕ້ຜິວໜັງຊ່ວຍເຮັດໃຫ້ຜິວໜັງຜ່ອງໃສ
- ມີກົດໂປຣໄພໂອນິ ຊຶ່ງມີສ່ວນເຮັດໃຫ້ເຊວມະເຮັງອ່ອນແອລົງ
- ໃຫ້ພະລັງງານຕໍ່າ, ໄຂມັນໜ້ອຍ ທີ່ເໝາະແກ່ຄົນທີ່ຕ້ອງການຄວບຄຸມນໍ້າໜັກ
- ປ້ອງກັນການເກີດນິ້ວ ເພາະໃນໝາກອຶມີສານຄິວເຄີຣ໌ບິຕິນ ມີລິດຊ່ວຍຂັບປັດສະວະ ສາມາດປ້ອງກັນການເກີດພະຍາດນິ້ວໄດ້
- ໝາກອຶມີລິດອຸ່ນ ຊຶ່ງຈະຊ່ວຍຍ່ອຍອາຫານໄດ້ເປັນຢ່າງດີ