“ອາໂວກາໂດ” ເປັນໝາກໄມ້ຊະນິດໜຶ່ງ ທີ່ມີສັບພະຄຸນຕໍ່ສຸຂະພາບຂອງຄົນເຮົາ, ມີທັງວິຕາມິນ, ແຮ່ທາດ, ໂປຣຕີນ, ໄຂມັນດີ ຊ່ວຍປ້ອງກັນພະຍາດຕ່າງໆ, ກິນໜ່ວຍໜຶ່ງກໍໃຫ້ສານອາຫານທີ່ດີຕໍ່ຮ່າງກາຍຫຼາຍຢ່າງ, ນອກຈາກນັ້ນແລ້ວຍັງຊ່ວຍເລື່ອງຄວາມງາມໃຫ້ສາວໆ ແຕ່ວ່າຈະເອົາມາເສີມຄວາມງາມໄດ້ແນວໃດນັ້ນ ມື້ນີ້ແອັດມິນມີເຄັດລັບດີໆ ຈາກອາໂວກາໂດມາບອກ
- ກຳຈັດລັງແຄ: ໂດຍການເອົາໝາກອາໂວກາໂດ ປັ່ນກັບກະທິໃຫ້ເປັນເນື້ອລະອຽດ, ຈາກນັ້ນເອົາໄປຕົ້ມດ້ວຍໄຟອ່ອນໆ ແລະຄົນໃນທຸກໆ 5 ນາທີ ຈົນໃຫ້ນໍ້າລະເຫີຍອອກໄປ, ຈາກນັ້ນເອົາໄປຕອງດ້ວຍຜ້າຂາວບາງ ກໍຈະໄດ້ນໍ້າມັນອາໂວກາໂດ ເຊິ່ງກົດອະມິໂນ ແລະໂປຣຕີນໃນໝາກໄມ້ຈະຊຶມເຂົ້າໄປໃນໜັງຫົວ, ຊ່ວຍຟື້ນຟູ ບໍ່ໃຫ້ໜັງຫົວມີລັງແຄອີກຕໍ່ໄປ
- ເຮັດໃຫ້ເສັ້ນຜົມເງົາງາມ: ເອົາອາໂວກາໂດ 1 ໜ່ວຍມາ ແລ້ວເອົາແກ່ນອອກ, ແລ້ວເອົາບົດລະອຽດ ຈາກນັ້ນເອົານໍາມັນໝາກພ້າວ 1 ບ່ວງແກງ ແລະໄຂ່ແດງ 1 ໜ່ວຍ, ຄົນໃງົງຫ້ເຂົ້າກັນເປັນເນື້ອດຽວກັນ ເອົາມາທາໃສ່ຜົມໝັກໄວ້ 20 ນາທີແລ້ວລ້າງອອກ ສະຜົມຕາມປົກກະຕິ ເຮັດອາທິດລະ 2 ຄັ້ງ ຕໍ່ອາທິດ ຮັບຮອງວ່າຜົມເງົາງາມແນ່ນອນ
- ເຮັດໃຫ້ຂອບຕາດຳຈາງລົງ: ສຳລັບໃຜທີ່ນອນບໍພໍ ຈົນເຮັດໃຫ້ຂອບຕາດຳ, ແລ້ວປາດອາໂວກາໂດເປັນປ່ຽງບາງໆ ແລ້ວເອົາມາແປະຕາກ່ອນນອນທຸກຄືນຈັກ 15 ນາທີ, ພຽງເທົ່ານີ້ ກໍສາມາດເຮັດໃຫ້ ຮອຍດຳຈາງລົງ
- ພອກໜ້າດ້ວຍອາໂວກາໂດ: ອາໂວກາໂດສາມາດເອົາມາພອກໜ້າໄດ້ ຈະເຮັດໃຫ້ໜ້າຂາວ ອ່ອນກ່ອນໄວ ແລະສົດໃສຂຶ້ນ
- ຮັກສາສິວ, ຜິວໜ້າງາມ: ສິວເປັນບັນຫາທີ່ເຮັດໃຫ້ຫຼາຍຄົນລຳຄານ, ເອົາອາໂວກາໂດມາພອກໜ້າດ້ວຍສູດອາໂວກາໂດ, ສ່ວນປະສົມມີອາໂວກາໂດ 1 ໜ່ວຍ, ໄຂ່ຂາວ 1 ໜ່ວຍ ແລະນໍ້າໝາກນາວ 1 ບ່ວງແກງ, ປະສົມໃຫ້ເປັນເນື້ອດຽວກັນ ແລ້ວພອກໜ້າປະມານ 15 ນາທີ, ແລ້ວລ້າງອອກດ້ວຍນໍ້າອຸ່ນ ເຊິ່ງອາໂວກາໂດຈະຊ່ວຍຫຼຸດຄວາມມັນຂອງໃບໜ້າ ບໍ່ເຮັດໃຫ້ເກີດສິວໄດ້
- ໂລຊັ່ນອະໂວກາໂດ: ນໍ້າມັນອາໂວກາໂດ ມີຄວາມໃກ້ຄຽງກັບນໍ້າມັນໃນຜິວໜັງຂອງເຮົາ ເຊິ່ງຈະຊ່ວຍປັບສະພາບຜິວໃຫ້ອ່ອນນຸ້ມ, ຍັງມີວິຕາມິນຊ່ວຍຫຼຸດຮອຍແຜຕ່າງໆ ໂດຍທານໍ້າມັນອາໂວກາໂດລົງຜິວໜັງໃນສ່ວນທີ່ແຫ້ງເຊັ່ນ: ສອກ, ຫົວເຂົ່າ, ທາປະໄວ້ປະມານ 5 ນາທີແລ້ວລ້າງອອກຕາມປົກກະຕິ
ຕິດຕາມນານາສາລະ ກົດໄລຄ໌ເລີຍ!