ເຊື່ອວ່າເຮືອນຂອງຫຼາຍໆຄົນຕ້ອງພົບບັນຫາມົດນ້ອຍໃຫຍ່ຂຶ້ນເຮືອນ ມາຂົນເອົາອາຫານ, ມາອາໄສຢູ່ໃນມຸມຕ່າງໆຂອງເຮືອນ ແລະບໍລິເວນອ້ອມເຮືອນ ສ້າງຄວາມລຳຄານໃຈບໍ່ໜ້ອຍ ມື້ນີ້ແອັດມິນມີວິທີກຳຈັດມົດມາບອກກັນ ເພື່ອບໍ່ໃຫ້ມົດມາສ້າງຄວາມລຳຄານໃຫ້ອີກ
- ວິທີທີ່1 ນໍ້າຢາລ້າງຖ້ວຍຊ່ວຍກຳຈັດມົດ: ເອົານໍ້າຢາລ້າງຖ້ວຍມາໃສ່ກວດສະເປໄວ້ 1 ບ່ວງແກງ ແລະເອົານໍ້າໃສ່ ແລ້ວເຍົ່າໃຫ້ເຂົ້າກັນ ແລ້ວເອົາໄປສີດບໍລິເວນຮັງມົດ ແລະບ່ອນມົດຢູ່
- ວິທີທີ່2 ເປືອກໄຂ່ໄລ່ມົດ: ເອົາເປືອກໄຂ່ມາເຜົາໄຟ ແລ້ວເອົາໄປປະໄວ້ບ່ອນທີ່ມົດຢູ່
- ວິທີທີ່3 ໝາກເຜັດໄລ່ມົດ: ເອົາໝາກເຜັດປົ່ນມາ 100 ກຼາມ ແລ້ວປະສົມນໍ້າ 1 ລິດ ໝັກປະໄວ້ 1 ຄືນ ແລ້ວຕອງເອົານໍ້າ ມາປະສົມສະບູ 1/5 ສ່ວນ ໃຊ້ສີດໃສ່ບ່ອນທີ່ມົດຢູ່ ມົດຈະໜີທັນທີ
- ວິທີທີ່4 ໝາກເຜັດປົ່ນປິດຮູມົດ: ໂຮຍໝາກເຜັດປົ່່ນ, ກາບກາເຟ ລົງລໍລິເວນທີ່ມົດເຮັດໂຂຍຢູ່ ຫຼືບີບນໍ້າໝາກນາວຕາມຮູຂອງມົດ ແລ້ວກໍຖິ້ມເປືອກໝາກນາວໄວ້ບ່ອນນັ້ນເລີຍ ແລ້ວມົດກໍຈະໜີໄປ
- ວິທີທີ່5 ໄລ່ມົດດ້ວຍຂີ້ມິ້ນ: ໃຫ້ເອົາຂີ້ມິ້ນມາຕຳຈົນລະອຽດ ຈາກນັ້ນເອົານໍ້າມັນກ໊າດມາປະສົມລົງໄປ ຄົນໃຫ້ເຂົ້າກັນ, ແລ້ວກໍເອົາໄປໂຮຍລົງບ່ອນທີ່ມົດຢູ່ ແລ້ວມົດກໍຈະໜີທັນທີ
- ວິທີທີ່6 ໃຊ້ຫີນສົ້ມປ້ອງກັນມົດ: ເອົາຫີນສົ້ມມາແຊ່ໃນນໍ້າອຸ່ນທີ່ເຮົາກຽມໄວ້ ຈາກນັ້ນເອົາໄປຫົດບໍລິເວນທີ່ມົດຢູ່, ແຕ່ວິທີນີ້ໃຊ້ໄດ້ດີແຕ່ມົດດຳເທົ່ານັ້ນ ເພາະມັນບໍ່ມັກກິ່ນຫີນສົ້ມ ແລະຈະບໍ່ມາບໍລິເວນນັ້ນອີກ