ຂອງໃຊ້ສ່ວນຕົວເປັນສິ່ງທີ່ຈຳເປັນທີ່ຕ້ອງມີ ແລະໃຊ້ສ່ວນຕົວ ເພາະເຄື່ອງໃຊ້ບາງຢ່າງນັ້ນ ບໍ່ສາມາດໃຊ້ຮ່ວມຄົນອື່ນໄດ້ ເພາະເລື່ອງອະນາໄມເປັນສິ່ງສຳຄັນ, ຫາກເຮົາໃຊ້ເຄື່ອງໃຊ້ສ່ວນຕົວກັບຄົນອື່ນ ເຄື່ອງໃຊ້ນັ້ນ ກໍຈະຕິດພະຍາດ ແລະເຮົາກໍຈະໄດ້ຮັບເຊື້ອພະຍາດໂດຍກົງ ເຊິ່ງເປັນສາເຫດຂອງອາການເຈັບປ່ວຍຕາມມາ
- ສະບູ: ເມື່ອຖືກປະໄວ້ບ່ອນປຽກ ຄວາມປຽກຊື້ນນັ້ນຈະເຮັດໃຫ້ແບັກທີເລຍ, ເຊື້ອລາ ແລະເຊື້ອພະຍາດຕ່າງໆ ເຕີບໂຕໄດ້ດີ ແລ້ວກໍສາມາດສົ່ງຜ່ານທາງຜິວໜັງໄດ້
- ຜ້າເຊັດໂຕ: ເມື່ອເຮົາເຊັດໂຕແລ້ວ ຈະເຮັດໃຫ້ຜ້າເຊັດນັ້ນປຽກຊື້ນ ຫາກບໍ່ຕາກໃຫ້ແຫ່ງ ຈະເຮັດໃຫ້ເກີດກິ່ນອັບຊື້ນ ເຊິ່ງເປັນສິ່ງສະແດງເຖິງການມີເຊື້ອພະຍາດ ເຊິ່ງຜ້າເຊັດໂຕ ຖືເປັນແຫຼ່ງທີ່ເຊື້ອພະຍາດຢູ່ ເມື່ອຖືກແຂວນໄວ້ໃນຫ້ອງນໍ້າທີ່ອັບຊື້ນ ອາດເປັນສາເຫດທີ່ເຮັດໃຫ້ເປັນສິວໄດ້
- ໝວກ: ໝວກທຸກຊະນິດ ທີ່ໃສ່ໃນເທິງຫົວ ບາງຄັ້ງຜົມອາດເປືອ້ນ ມີທັງເຫື່ອ, ສະສົມເຊື້ອພະຍາດ ຈຶ່ງເປັນເຄື່ອງໃຊ້ທີ່ເປັນສ່ວນຕົວຫຼາຍທີ່ສຸດ
- ເກີບແຕະ: ເຮົາໃສ່ທຸກມື້ນັ້ນ ຈະເຮັດໃຫ້ມີຝຸ່ນ ແລະເຊື້ອພະຍາດຕິດຢູ່ ຖ້າເຮົາໄປໃສ່ຂອງຄົນອື່ນອາດຕິດເຊື້ອພະຍາດໄດ້
- ມີດໂກນ ແລະມີດຕັດເລັບ: ຫຼັງຈາກທີ່ໃຊ້ມີດໂກນ ເຊວຜິວທີ່ຕາຍແລ້ວ ແລະແບັກທີເລຍຈະເກາະຢູ່ນຳມີດ ຫາກເກີດບາດແຜ ມີດນັ້ນກໍຈະເປັນໂຕສົ່ງເຊື້ອພະຍາດໃນກະແສເລືອດໄດ້ ແລະສ່ວນມີດຕັດເລັບກໍຄືກັນ ຄວນລະວັງເວລາທີ່ເຮົາໄປຕັດຢູ່ຮ້ານ ເພາະເຮົາບໍ່ຮູ້ວ່າມີດຕັດນັ້ນສະສົມເຊື້ອພະຍາດມາຫຼາຍປານໃດ
- ອຸປະກອນແຕ່ງຕາ: ບໍ່ວ່າຈະເປັນມາສຄາຣ່າ, ອາຍໄລເນີ, ສໍແຕ້ມຕາ ບໍ່ຄວນໃຊ້ຮ່ວມກັນ ເພາະຖ້າຫາກອີກຄົນຫາກເປັນພະຍາດກ່ຽວກັບຕາ ຈະເຮັດໃຫ້ຕິດພະຍາດໄດ້ງ່າຍ
- ລິບສະຕິກ: ເປັນເລື່ອງທີ່ງ່າຍຫຼາຍ ທີ່ເຊື້ອພະຍາດຈະເຂົ້າມາທາງກະແສເລືອດ, ເພາະເສັ້ນເລືອດຈຳນວນຫຼາຍທີ່ເຊື່ອງຢູ່ໃນຮີມປາກ ແລະຈະດູດຊຶມສິ່ງຕ່າງໆທີ່ທາລົງໄປ ຖ້າໝູ່ເພື່ອນຫາກເປັນພະຍາດກໍຈະຕິດໄດ້ງ່າຍເຊັ່ນກັນ
- ຕ້າງຫູ: ເຊິ່ງເປັນເຄື່ອງປະດັບທີ່ເຂົ້າເລິກໄປເຖິງເນື້ອໜັງຂອງເຮົາ, ດັ່ງນັ້ນ ຈຶ່ງບໍ່ຄວນໃຊ້ຮ່ວມກັນ ເພາະຕ້າງຫູອາດສຳຜັດກັບເລືອດຂອງເຮົາໄດ້
- ສາຍສະເບົ້າ: ສາຍສະເບົ້າມີເຊື້ອແບັກທີເລຍຈາກຫູຫຼາຍ ໂດຍສະເພາະເມື່ອໃຊ້ໃນເວລາອອກກຳລັງກາຍ, ແບັກທີເລຍກໍຈະເພີ່ມຈຳນວນຫຼາຍຂຶ້ນ ແລະບໍ່ຄວນໃຊ້ຮ່ວມຄົນອື່ນເດັດຂາດ
- ໄມ້ສີແຂ້ວ: ເຮົາຮູ້ນຳກັນດີແລ້ວວ່າ ບໍ່ຄວນໃຊ້ຮ່ວມກັນເພາະເປັນເລື່ອງທີ່ບໍ່ສົມຄວນເຮັດ ເຊື້ອພະຍາດຕ່າງໆ ຍັງຕິດຢູ່ໃນໄມ້ສີແຂ້ວ ແລະເຕີບໃຫຍ່ເຖິງແມ່ນວ່າຈະລ້າງສະອາດແລ້ວ, ຖ້າຫາກເຮົາໃຊ້ຮ່ວມກັນ ຈະເຮັດໃຫ້ຕິດເຊື້ອພະຍາດໄດ້ງ່າຍ