ໃນຊ່ວງທີ່ເປັນປະຈຳເດືອນ ເປັນຊ່ວງທີ່ສາວໆ ຮູ້ສຶກອຶດອັດ ແລະຢາກຜ່ານມັນໄປໄວໆ ເພາະທັງທໍລະມານກາຍ ແລະໃຈຈາກການປວດປະຈຳເດືອນ, ອາການທາງອາລົມຍັງໃຈຮ້າຍໃສ່ຄົນອ້ອມຂ້າງອີກ, ແຕ່ອາການເຫຼົ່ານີ້ສາມາດແກ້ໄຂໄດ້ ດ້ວຍການປະຕິບັດຕາມ 6 ຂໍ້ດັ່ງນີ້
- ດື່ມນໍ້າໃຫ້ຫຼາຍໆ: ເຖິງຈະບໍ່ແມ່ນຊ່ວງເປັນປະຈຳເດືອນກໍຕາມ ການດື່ມນໍ້າໜ້ອຍກໍບໍ່ແມ່ນເລື່ອງທີ່ສາວໆຄວນເຮັດ, ຖ້າດື່ມໜ້ອຍໃນຊ່ວງປະຈຳເດືອນ ຈະເຮັດໃຫ້ເຈັບທ້ອງນ້ອຍຫຼາຍຂຶ້ນ ເພາະເລືອດໄຫຼວຽນບໍ່ສະດວກ
- ກິນອາຫານທີ່ມີໄຟເບີຫຼາຍໆ: ລະຫວ່າງທີ່ເປັນປະຈຳເດືອນ ຄວນກິນອາຫານໄຟເບີຫຼາຍໆ, ເພາະການກິນອາຫານທີ່ມີໄຟເບີໜ້ອຍຈະເຮັດໃຫ້ລະບົບການຍ່ອຍອາຫານຜິດປົກກະຕິ
- ກິນຜັກໃບສີຂຽວ: ເພາະຜັກໃບຂຽວເປັນສິ່ງທີ່ຄວນກິນໃຫ້ໄດ້ເປັນປະຈຳທຸກມື້, ຊ່ວງທີ່ເປັນປະຈຳເດືອນຄວນກິນຜັກໃບຂຽວທີ່ເປັນແຫຼ່ງສະສົມຂອງແຄວຊຽມ ຈະຊ່ວຍຫຼຸດອາການປວດປະຈຳເດືອນໄດ້
- ກິນຊ໊ອກໂກແລັດ: ການກິນຊ໊ອກໂກແລັດໃນຊ່ວງເປັນປະຈຳເດືອນດີ ໂດຍສະເພາະຊ໊ອກໂກແລັດທີ່ມີສ່ວນປະສົມຂອງໂກໂກ້ 60% ຈະຊ່ວຍຄວບຄຸມຄວາມຢາກອາຫານ ແລະເພີ່ມລະດັບໂຮໂມນເຊໂຣໂທນິນ ເປັນໂຮໂມນທີ່ດີ
- ກິນອາຫານທີ່ບໍ່ເຄັມ: ເພາະອາຫານທີ່ມີໂຊດຽມຫຼາຍເຊັ່ນພວກຜັກສົ້ມ, ປາສົ້ມ ກິນໃນຊ່ວງເປັນປະຈຳເດືອນຫຼາຍໆຈະເຮັດໃຫ້ເປັນບວມໄດ້
- ກິນອາຫານທີ່ມີບໍ່ມີໄຂມັນອິ່ມຕົວ: ຖ້າເຈົ້າເປັນຄົນມັກກິນຊີ້ນສັດ, ນົມ, ເນີຍ, ທີ່ມີໄຂມັນອິ່ມຕົວ ຄວນຢຸດກິນກ່ອນເພາະໃນຊ່ວງເປັນປະຈຳເດືອນຈະເຮັດໃຫ້ເຈົ້າເຈັບທ້ອງຫຼາຍຂຶ້ນ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ