- ຜູ້ຍິງເປັນລົງຂາວ ຫຼືມີເລືອດອອກຈາກຊ່ອງຄອດຢ່າງຜິດປົກກະຕິ ແລະການກວດພົບບາດແຜ ຫຼືກ້ອນທີ່ປາກມົດລູດ ( ສັນຍານເຕືອນຂອງມະເຮັງປາກມົດລູກ ແລະມະເຮັງມົດລູກ )
- ກ້ອນທີ່ເຕົ້ານົມ ລວມໄປເຖິງຄວາມຜິດປົກກະຕິຂອງເຕົ້ານົມ ຂະໜາດທີ່ໃຫຍ່ຂຶ້ນ ຫຼືນ້ອຍລົງ ແຂງ, ຫົວນົມບຸ່ມເຂົ້າໄປ, ຜິວໜັງເຕົ້ານົມແຫ້ງ ຫຼືມີຮອຍບຸ່ມ ມີນໍ້າເຫຼືອງ ຫຼືເລືອດໄຫຼຊຶມອອກມາຈາກຫົວນົມ, ພົບກ້ອນທີ່ຂີ້ແຮ້ ມີບາດແຜ ຫຼືບາດແຜຊໍ້າເຮື້ອທີ່ຫົວນົມ ( ສັນຍານເຕືອນມະເຮັງເຕົ້ານົມ )
- ເຈັບຫຼັງ, ໂຕເຫຼືອງ, ຕາເຫຼືອງ ແລະປັດສະວະສີເຫຼືອງ ມີອການເຈັບແໜ້ນນທ້ອງບໍລິເວນດ້ານຂວາ ( ສັນຍານເຕືອນມະເຮັງຕັບ )
- ໄອຊໍ້າເຮື້ອ, ສຽງແຫບ ຫຼືໄອມີເລືອດອອກ ( ສັນຍານເຕືອນມະເຮັງປອດ, ມະເຮັງຕ່ອມໄທລອຍ ຫຼືມະເຮັງຕ່ອມນໍ້າເຫຼືອງ )
- ຝ້າຂາວ, ຝ້າແດງໃນປາກ, ມີກ້ອນທີ່ຄໍມີໂອກາດພັດທະນາເປັນມະເຮັງໄດ້ໃນພາຍຫຼັງ ຕຸ່ມກ້ອນໃນປາກທີ່ໃຫຍ່ຂຶ້ນເລື່ອຍໆ, ມີກ້ອນທີ່ຄໍ,ເປັນບາດແຜຊໍ້າເຮື້ອ ທີ່ປິ່ນປົວບໍ່ດີພາຍໃນ 3 ທິດ ແຂ້ວຫຼົ່ນເນື່ອງມາຈາກເນື້ອງອກ ( ສັນຍານເຕືອນມະເຮັງຊ່ອງປາກ )
- ມີອາການຫູອື້, ກ້ອນທີ່ຄໍ, ຄັນດັງ, ເລືອດດັງອອກ, ເຈັບຫົວ, ໜ້າຊາເບິ່ງເຫັນພາບຊ້ອນ ( ສັນຍານເຕືອນມະເຮັງຜົ້ງດັງ )
- ເຈັບທ້ອງ, ນໍ້າໜັກຫຼຸດ ແລະເປັນບີຮົ່ວ ( ສັນຍານເຕືອນມະເຮັງຖົງນໍ້າບີ ແລະທໍ່ນໍ້າບີ )
- ຖ່າຍອາຈົມເປັນເລືອດ ຫຼືມູກປົນເລືອດ ຫຼມີເລືອດອອກໃນຖ່າຍເປັນເວລາດົນ ( ສັນຍານເຕືອນມະເຮັງລໍາໄສ້ໃຫຍ່ ແລະທະວານໜັກ )
- ຜູ້ຍິງ ມີກ້ອນໃນທ້ອງນ້ອຍ,ເຈັບ, ແໜ້ນທ້ອງ, ມີອາການທ້ອງອືດເປັນປະຈໍາ ແລະຖ້າກ້ອນມະເຮັງໃຫຍ່ຫຼາຍຈະກົດກະເພາະປັດສະວະ ຫຼືລໍາໄສ້ສ່ວນປາຍ ເຮັດໃຫ້ຖ່າຍປັດສະວະ ຫຼືອາຈົມລໍາບາກ ໃນໄລຍະທ້າຍໆອາດມີນໍ້າໃນຊ່ອງທ້ອງ ເຮັດໃຫ້ທ້ອງໃຫຍ່ຂຶ້ນກວ່າເກົ່າ ເບື່ອອາຫານ ແລະນໍ້າໜັກຫຼຸດ ( ສັນຍານເຕືອນມະເຮັງຮັງໄຂ່ )
- ກ້ອນແຂງ ຫຼືກ້ອນອອກມາຈາກກະດູກ, ກ້ອນໃຫຍ່ໄວ ຕໍ່ມາອາດເຈັບພ້ອມ ບາງລາຍກະດູກຫັກແຕກໄດ້ງ່າຍຈາກການກະທົົົບກະເທືອນພຽງເລັກນ້ອຍ ( ສັນຍານເຕືອນມະເຮັງກະດູກ )
- ການປ່ຽນແປງຂອງຂີ້ແມງວັນ, ປານ ອາດເລີ່ມຕົ້ນເປັນບາດແຜເລັກນ້ອຍ ແລ້ວຄ່ອຍໆໃຫຍ່ຂຶ້ນ ອາດມີສີດໍາຕາມແຄມບາດແຜ ແລະເມື່ອເປັນຫຼາຍຈະເປັນກ້ອນຄ້າຍຄືຫົວກະລໍາປີ ( ສັນຍານເຕືອນມະເຮັງຜິວໜັງ )
- ຜູ້ຊາຍປັກສະວະເປັນເລືອດ, ອ່ອນເພຍ, ເບື່ອອາຫານ, ນໍ້າໜັກຫຼຸດ ແລະອາດມີອາການເຈັບຫຼັງ ແລະເຈັບກະດູກລວມດ້ວຍ ( ສັນຍານເຕືອນມະເຮັງຕ່ອມລູກໝາກ )
- ໜ້າມືດ, ເມົາຫົວ, ເມື່ອຍງ່າຍ,ເລືອດອອກງ່າຍ, ເປັນຈໍ້າຕາມໂຕ, ຕ່ອມນໍ້າເຫຼືອງໃຫຍ່ ອາດພົບກ້ອນໃນທ້ອງເນື່ອງຈາກ ຕັບ ແລະມ້ານໃຫຍ່ ລະບົບພູມຄຸ້ມກັນຂອງຮ່າງກາຍຜິດປົກກະຕິ ( ສັນຍານເຕືອນຂອງມະເຮັງເມັດເລືອດຂາວ )
- ເຈັບຫົວແຮງໂດຍບໍ່ມີເຫດຜົນ, ຕາມົວ ແລະປວດຮາກ ( ສັນຍານເຕືອນຂອງມະເຮັງ ແລະເນື້ອງອກໃນລະບົບປະສາດ )