ບັນເທີງດາລາ ມື້ນີ້ເຮົາຈະມາອັບເດດກ່ຽວກັບງານແຂ່ງຂັນ Pepsi Cheerleading Contest 2016 ເຊິ່ງງານດັ່ງກ່າວນີ້ໄດ້ຈັດຂຶ້ນໃນຕອນບ່າຍຂອງວັນທີ 25 ພະຈິກ 2016 ທີ່ຜ່ານມາ ທີ່ສູນກິລາໃນຮົ່ມບຶງຂະຫຍອງ ເຊິ່ງໄດ້ເລີ່ມຕັ້ງແຕ່ເວລາ 14:00 ໂມງເປັນຕົ້ນໄປ. ການແຂ່ງຂັນດັ່ງກ່າວມີບັນດາສະໂມສອນກິລາຂອງໂຮງຮຽນ ແລະ ສະຖາບັນຕ່າງໆເຂົ້າຮ່ວມຫຼາຍເຖິງ 22 ທີມທົ່ວນະຄອນຫຼວງວຽງຈັນ.
ເຊິ່ງກໍມີຫຼາຍພາກສ່ວນເຂົ້າຮ່ວມທັງພາກລັດ-ເອກະຊົນ ແລະ ຜູ້ສະໜັບສະໜູນ, ຈຸດປະສົງຂອງການຈັດງານແມ່ນເພື່ອສະໜັບສະໜູນໃຫ້ນັກຮຽນ-ນັກສຶກສາ ໄດ້ມີເວທີສະແດງຄວາມສາມາດຂອງຕົນສູ່ສາຍຕາມວນຊົນໃນການເຕັ້ນທີ່ມີສິລະປະກິລາທີ່ບົ່ງບອກເຖິງການອອກກໍາລັງກາຍ ເພື່ອເຮັດໃຫ້ສຸຂະພາບແຂງແຮງ ແລະ ຫ່າງໄກຈາກສິ່ງເສບຕິດ ການແຂ່ງຂັນເຕັມໄປດ້ວຍຄວາມເບີກບານມ່ວນຊື່ນຈາກກອງເຊຍຂອງແຕ່ລະທີມຢ່າງຟົດຟື້ນ ຜົນການແຂ່ງຂັນສະຫຼຸບອອກມາຄື:
- ປະເພດການເຕັ້ນເຊຍຟຣີສະຕາຍ ລະດັບມັດທະຍົມສຶກສາ ລາງວັນຊະນະເລີດໄດ້ແກ່: ໂຮງຮຽນສອງພາສາ ລາວ-ຫວຽດນາມ ຫງວຽນຢູ ໄດ້ຮັບທຶນການສຶກສາ 12 ລ້ານກີບພ້ອມດ້ວຍຂັນລາງວັນ, ຮອງຊະນະເລີດອັນດັບ 1 ໄດ້ແກ່: ໂຮງຮຽນ ມັດທະຍົມສຶກສາສົມບູນໂພນທັນ ໄດ້ຮັບທຶນການສຶກສາ 10 ລ້ານກີບພ້ອມດ້ວຍໂລ້ກຽດຕິຍົດ, ຮອງຊະນະເລີດອັນດັບ 2 ໄດ້ແກ່: ໂຮງຮຽນມັດທະຍົມສຶກສາສົມບູນ ວຽງຈັນ ໄດ້ຮັບທຶນການສຶກສາ 8 ລ້ານກີບພ້ອມດ້ວຍໂລ້ກຽດຕິຍົດ, ຮອງຊະນະເລີດອັນດັບ 3 ໄດ້ແກ່: ໂຮງຮຽນມັດທະຍົມສຶກສາສົມບູນ ຕານມີໄຊ ໄດ້ຮັບທຶນການສຶກສາ 6 ລ້ານກີບພ້ອມດ້ວຍໂລ້ກຽດຕິຍົດ ແລະ ລາງວັນຊົມເຊີຍສໍາຫຼັບທີມທີ່ເຂົ້າຮ່ວມການແຂ່ງຂັນທີມລະ 3 ລ້ານກີບ.
- ປະເພດການເຊຍຕໍ່ໂຕ ລະດັບມະຫາວິທະຍາໄລ-ວິທະຍາໄລ ລາງວັນຊະນະເລີດ ໄດ້ແກ່:ວິທະຍາໄລຣັດຕະນະບໍລິ ຫານທຸລະກິດ ໄດ້ຮັບທຶນການສຶກສາ 25 ລ້ານກີບພ້ອມດ້ວຍຂັນລາງວັນ, ຮອງຊະນະເລີດອັນດັບ 1 ໄດ້ແກ່: ມະຫາວິທະຍາໄລແຫ່ງຊາດ ໄດ້ຮັບທຶນການສຶກສາ 18 ລ້ານກີບພ້ອມດ້ວຍໂລ້ກຽດຕິຍົດ, ຮອງຊະນະເລີດອັນດັບ 2 ໄດ້ແກ່: ວິທະຍາໄລ ລາວທ໋ອບ ໄດ້ຮັບທຶນການສຶກສາ 14 ລ້ານກີບພ້ອມດ້ວຍໂລ້ກຽດຕິຍົດ, ຮອງຊະນະເລີດອັນດັບ 3 ໄດ້ແກ່: ທີມຮີໂຣ່ ໄດ້ຮັບທຶນການສຶກສາ 12 ລ້ານກີບພ້ອມດ້ວຍໂລ້ກຽດຕິຍົດ ແລະ ລາງວັນຊົມເຊີຍສໍາຫຼັບທີມທີ່ເຂົ້າຮ່ວມການແຂ່ງຂັນທີມລະ 4 ລ້ານກີບ.
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!