ອາການຢາກນອນ ເປັນອາການໜຶ່ງທີ່ບົ່ງບອກວ່າ ຮ່າງກາຍບໍ່ໄດ້ຮັບການພັກຜ່ອນພຽງພໍ ເຊິ່ງອາດເກີດຂຶ້ນໄດ້ໃນຊ່ວງເວລາທີ່ເຮັດວຽກ, ເວລາຂັບລົດ, ເວລາຂີ່ລົດ, ເວລາອ່ານໜັງສື, ເວລາຮຽນ ໂດຍອາດສົ່ງຜົນເສຍຕາມມາຫຼາກຫຼາຍ, ດັ່ງນັ້ນ ເຮົາມາເບິ່ງ 10 ວິທີແກ້ການຢາກນອນ ແບບໄດ້ຜົນນຳກັນ
- ນອນຫຼັບພັກຜ່ອນໃຫ້ເຕັມທີ່: ໂດຍປົກກະຕິຄົນເຮົາຄວນນອນຢ່າງໜ້ອຍມື້ລະ 7-8 ຊົ່ວໂມງ ເພື່ອເຮັດໃຫ້ຮ່າງກາຍໄດ້ພັກຜ່ອນ ແລະພັກຟື້ນພຽງພໍ
- ແສງແດດໃນຍາມເຊົ້າ: ແສງແດດຍາມເຊົ້າ ເປັນອີກວິທີໜຶ່ງ ທີ່ຊ່ວຍກະຕຸ້ນການໄຫຼວຽນຂອງເລືອດໄດ້ດີ ເຮັດໃຫ້ຮ່າງກາຍສົດຊື່ນ, ແຈ່ມໃສ ພ້ອມເຮັດວຽກໝົດມື້
- ດື່ມນໍ້າຕະຫຼອດມື້: ການດື່ມນໍ້າ ຈະຊ່ວຍໃຫ້ອົກຊີແຊນໃນຮ່າງກາຍເພີ່ມຂຶ້ນ ເຮັດໃຫ້ຮ່າງກາຍສົດຊື່ນ
- ພັກສະໝອງໃນຊ່ວງຕອນສວາຍ: ການນອນໃນຕອນສວາຍຈັກ 10-15 ນາທີ ຈະເຮັດໃຫ້ມີສະມາທິຂຶ້ນ ລວມທັງຊ່ວຍໃຫ້ຮ່າງກາຍສົດຊື່ນ ບໍ່ຢາກນອນໃນຊ່ວງເວລາຕອນບ່າຍ
- ກິນໂປຣຕີນ: ການກິນອາຫານທີ່ມີໂປຣຕີນເຊັ່ນ: ນົມ, ໄຂ່, ຖົ່ວ ຈະຊ່ວຍຫຼຸດການຢາກນອກໄດ້
- ຫຼີກລຽງອາຫານຫວານ: ອາຫານທີ່ຫວານໂດຍສະເພາະເຂົ້າໜົມຫວານ, ນໍ້າຫວານ, ຈະເຮັດໃຫ້ເຮົາຢາກນອນ ແລະຍັງເຮັດໃຫ້ຕຸ້ຍງ່າຍ, ເປັນສາເຫດຂອງນໍ້າຕານໃນເລືອດເພີ່ມຂຶ້ນ
- ໝັ່ນເໜັງຕີງ: ເມື່ອຮູ້ສຶກຢາກນອນ ກໍໃຫ້ລຸກຍ່າງ ຫຼືແກວ່ງແຂນຂາໄປມາ ເພື່ອບໍ່ເຮັດໃຫ້ຢາກນອນ
- ການຟັງເພງ: ໂດຍການຟັງເພງ ຈະເຮັດໃຫ້ຮ່າງກາຍຕື່ນຕົວ ແລະມີສະມາທິເພີ່ມຂຶ້ນ ແຕ່ກໍບໍ່ຄວນຟັງເພງທີ່ຊ້າ ເພາະອາດເປັນການເພີ່ມອາການຢາກນອນຊໍ້າ
- ການທຳສະມາທິ: ລອງນັ່ງສະມາທິ ແລະຄວບຄຸມລົມຫາຍໃຈເຂົ້າອອກເບິ່ງ, ນອກຈາກຈະເຮັດໃຫ້ມີສະມາທິແລ້ວ ຍັງຊ່ວຍໃຫ້ຮ່າງກາຍມີພະລັງ ລວມທັງປັບສົມດູນການເຮັດວຽກຂອງລະບົບຕ່າງໆ ໃນຮ່າງກາຍໄດ້ອີກ
- ການອອກກຳລັງກາຍ: ການອອກກຳລັງກາຍເປັນວິທີໜຶ່ງທີ່ຫຼຸດການຢາກນອນ ເພາະນອກຈກາຈະເຮັດໃຫ້ຮ່າງກາຍມີພະລັງແລ້ວ ຍັງເຮັດໃຫ້ສຸຂະພາບດີອີກ
ຕິດຕາມນານາສາລະ ກົດໄລຄ໌ເລີຍ!