ເຄີຍເຫັນບໍຄຣີມກັນແດດ SPF, UVA, UVB ແລະ PA ຕ່າງກັນຈັ່ງໃດ?

ມາຮອດຊູ່ມື້ນີ້ມີຄຣີມກັນແດດທີ່ມີປະສິດທິພາບການປົກປ້ອງໄປເຖິງ P+++ ອອກມາໃຫ້ໃຊ້ຢ່າງຫຼວງຫຼາຍ ຈະຊື້ເພາະຄວາມບໍ່ຮູ້ກໍຄືເປັນຈັ່ງໃດໆ ມື້ນີ້ລາວໂພສຕ໌ ເລີຍຕ້ອງມາໄຂຂໍ້ຂ້ອງໃຈໃຫ້ສາວໄດ້ຮູ້ວ່າ ຄຣີມກັນແດດ P+++ ນີ້ ບວກ 1 ມີຄວາມສຳຄັນຈັ່ງໃດ

ຮູ້ເອົາໄວ້ເລີຍວ່າ ຄ່າ PA ສຳຄັນກວ່າທີ່ເຮົາຄິດ

ເລົ່າໃຫ້ຈື່ເອົາໄວ້ເລີຍວ່າ SPF ໃຊ້ປ້ອງກັນລັງສີ UVB ສ່ວນຄ່າ PA ໃຊ້ປ້ອງກັນລັງສີ UVA ເຊິ່ງຖ້າເວົ້າເຖິງເລື່ອງການປົກປ້ອງຜິວຈາກແສງແດດ ແຕ່ເກົ່າສາວໆ ຈະໃຫ້ຄວາມສຳຄັນກັບການປ້ອງກັນລັງສີ UVB ເພາະວ່າ ລັງສີ UVB ສະແດງຜົນທັນທີ ຄືເຮັດໃຫ້ຜິວແດງໄໝ້ແລະໝອງເສົ້າ ເຊິ່ງຈຸດນີ້ຈະປ້ອງກັດໄດ້ດ້ວຍ SPF30-50 ແຕ່ສິ່ງທີ່ສາວໆມັກເບິ່ງຂ້າມ ຄືລັງສີ UVA ທີ່ຄວາມຈິງແລ້ວມີປະລິມານຫຼາຍກວ່າ ຄື້ນຍາວກວ່າ ລົງເລິກເຖິງຊັ້ນຜິວໄດ້ຫຼາຍກວ່າ ແລະຮ້າຍແຮງກວ່າ ໂດຍຈະສົ່ງຜົນເສຍຕໍ່ຜິວ ຕັ້ງແຕ່ຜິວຂາດຄວາມຊຸ່ມຊື່ນ ເສົ້າໝອງ ມີຮ່ອງຮອຍ ແລະເປັນມະເຮັງຜິວໜັງໄດ້ເລີຍ.

ເປັນຫຍັງມີແຕ່ຄ່າ PA ທີ່ເພິ່ມຂຶ້ນ ແລ້ວ SPF ເດລະ?

ດ້ວຍລັງສີ UVA ມີປະລິມານໃນອາກາດຫຼາຍເຖິງ 75% ແລະມີຄວາມຍາມຄື້ນທີ່ຫຼາຍກວ່າລັງສີ UVB ທີ່ມີພຽງ 25% ປະກອບກັບອົງການອາຫານແລະຢາຂອງສະຫະລັດອາເມລິກາ ກຳນົດຄ່າ SPF ສູງສຸດໄວ້ທີ່ 50+ ເພາະຍັງບໍ່ມີລັກຖານພຽງພໍທີ່ຈະສະໜັບສະໜຸນວ່າຄຣີມກັນແດດທີ່ມີ SPF ຫຼາຍກວ່າ 50 ຈະໃຫ້ປະສິດທິພາບຫຼາຍຂຶ້ນ ການພັດທະນາຄຣີມກັນແດດໃນປັດຈຸບັນຈຶ່ງມຸ່ງໄປທີ່ການເພິ່ມຄ່າ PA ເພື່ອປົກປ້ອງທີ່ດີກວ່າເກົ່າ.

 ຄ່າ PA ທີ່ມີຢູ່ ບໍ່ພຽງພໍຫວາ?

ຕົ້ນໄມ້ຈະເຕີບໂຕແລະສວຍງາມກໍຕ້ອງໃສ່ຝຸ່ນ ອາຫານຈະແຊບກໍຕ້ອງພັດທະນາລົດຊາດ ເຊັ່ນດຽວກັນກັບຜະລິດຕະພັນຄວາມງາມຈະສົມບູນຍິ່ງຂຶ້ນ ກໍຕ້ອງພັດທະນາຢ່າງຕໍ່ເນື່ງ ສະນັ້ນ ບໍ່ວ່າຄ່າ PA ທີ່ມີຢູ່ໃນປັດຈຸບັນບໍ່ພຽງພໍຕໍ່ການປ້ອງກັນລັງສີ UVA ແຕ່ສຳລັບສາວໆ ທີ່ມີກິດຈະກຳກາງແຈ້ງຫຼາຍໆ ການປົກປ້ອງຈຶ່ງຈຳເປັນຕ້ອງເພິ່ມຂຶ້ນ ຈາກເກົ່າຄ່າ PA+ ຈະມີຄ່າ PPD ຢູ່ທີ່ 2-4, PA++ ຈະມີຄ່າ PPD ຢູ່ທີ່ 4-8 ແຕ່ຄ່າ P+++ ຈະໃຫ້ຄ່າຫຼາຍກວ່າ 8 ຄື ຈະຢູ່ທີ່ 16 ຂຶ້ນໄປ ເທົ່າກັບວ່າສາມາດປ້ອງກັນລັງສີ Long-UVA ໄດ້ (ຄ່າ PDD ຫຼື Persirtent Pigment Darkening ຄືຄ່າຄວາມສາມາດໃນການປ້ອງກັນລັງສີ UVA.

ແລ້ວ Long-UVA  ຄືຫຍັງ?

ຄືໃຈຄົນຫັ້ນລະ ມີທັງຢັ່ງເຖິງແລະບໍ່ເຖິງ ລັງສີ UVA ກໍມີທັງທີ່ປ້ອງກັນໄດ້ແລະຍັງປ້ອງກັນບໍ່ໄດ້ ແຕ່ມື້ນີ້ການພັດທະນາວິໄຈ ໄດ້ດຳເນີນເຖິງຈຸດທີ່ Long-UVA ສາມາດປ້ອງກັນໄດ້ ເຊິ່ງຈະອະທິບາຍໃຫ້ເຂົ້າໃຈງ່າຍື້ວ່າ… Long-UVA ຄື ຄື້ນທີ່ທະລຸຜ່ານຊັ້ນຜິວໜັງໄດ້ເລິກຫຼາຍ ສົ່ງຜົນຕໍ່ສີຜິວທີ່ໝອງຂຶ້ນ ລະດັບການເຮັດວຽກ ແລະໂຄງສ້າງຜິວ ເຮັດໃຫ້ຜິວສູນເສຍຄອລລາເຈນ ອີລາສຕິນ ຄວາມຢືດຫຍຸ່ນຫຼຸດລົງ ແລະເກີດຮ່ອງຮອຍກ່ອນໄວ.

PA+++ ຈຳເປັນໃນກໍລະນີໃດ?

ກ່ອນທີ່ຄຣີມກັນແດດ PA+,PA++ ຈະຂາຍບໍ່ອອກ ຂໍຊີ້ແຈງວ່າ ການເລືອກຊື້ຄຣີມກັນແດດນັ້ນ ຂຶ້ນຢູ່ກັບການໃຊ້ງານຂອງແຕ່ລະຄົນ ຖ້າເຮົາບໍ່ໄດ້ເຮັດວຽກກາງແດດ ຫຼືຖືກແດດຕະຫຼອດເວລາ ການໃຊ້ຄຣີມກັນແດດທີ່ມີຄ່າປົກປ້ອງຫຼາຍໆກໍບໍ່ຈຳເປັນ ແຕ່ວິທີທີ່ຖືກຕ້ອງສຳລັບການໃຊ້ຄຣີມກັນແດດ ຄື ການເລືອກຄຣີມກັນແດດທີ່ເໝາະກັບຜິວ ແລະທາໃນປະລິມານທີ່ພຽງພໍ ທີ່ສຳຄັນການທາຊ້ຳທຸກໆ 2-3 ຊົ່ວໂມງ ຍັງເປັນວິທີທີ່ຫຼາຍຄົນບໍ່ຄ່ອຍສົນໃຈ.

ລອງຊອກເບິ່ງເດີວ່າ ຕອນນີ້ມີຄຣີມກັນແດດແບຣນໃດພັດທະນາ PA ໄປເຖິງ +++ ແລ້ວຫຼືຍັງ

ຂໍຂອບໃຈຂໍ້ມູນດີໆ ຈາກເພຈ: ໄລລາ ປະເທດລາວ