ຊ່ວງເວລາທີ່ເປັນປະຈໍາເດືອນ ຄວນລະວັງເລື່ອງອາຫານການກິນເປັນພິເສດ ເພື່ອໃຫ້ມົດລູກມີສຸຂະພາບແຂງແຮງ ໂດຍແນະນໍາໃຫ້ກິນອາຫານທີ່ຊ່ວຍຂັບສານພິດ ແລະເຮັດໃຫ້ປະຈໍາເດືອນມາເປັນປົກກະຕິນີ້ສໍາຄັນຫຼາຍ.
ມີການວິໄຈພົບວ່າ ຜູ້ຍິງທີ່ກິນໝາກອາໂວກາໂດ 1 ໜ່ວຍໃນທຸກອາທິດ ຈະມີປະລິມານຮອກໂມນທີ່ສົມດຸນກວ່າຜູ້ທີ່ບໍ່ໄດ້ກິນ. ໝາກອາໂວກາໂດຈະກິນຍາກ ແລະມີລົດຊາດທີ່ບໍ່ຖືກປາກ(ສຳລັບບາງຄົນ) ແຕ່ມີວິທີກິນແບບງ່າຍໆ.
ວິທີເຮັດ: ໝາກອາໂວກາໂດ ແລະນົມສົດ
- ຊອຍໝາກອາໂວກາໂດໃຫ້ເປັນຕ່ອນນ້ອຍໆ
- ປັ່ນລວມກັບນົມສົດ ອາດຈະໃສ່ໝາກໄມ້ທີ່ມັກລົງໄປນຳກໍໄດ້ເພື່ອເພີ່ມລົດຊາດ
ເມນູອາຫານງ່າຍໆ:
- ເອົາໝາກອາໂວກາໂດໃສ່ຕູ້ເຢັນປະມານ 2-3 ຊົ່ວໂມງ ເພື່ອລົດຊາດທີ່ແຊບຂຶ້ນ ແລ້ວຊອຍໃສ່ຈານ
- ໃສ່ນໍ້າມັນໝາກກອກ, ນໍ້າສົ້ມສາຍຊູ ແລະພິກໄທເລັກໜ້ອຍປະສົມລົງໄປໃນຊາມ
- ຕັດລາດໃສ່ໝາກອາໂວກາໂດເລັກໜ້ອຍ ຈະຊ່ວຍດຶງລົດຊາດຂອງໝາກອາໂວກາໂດໄດ້ເປັນຢ່າງດີ
ລະຫວ່າງຜູ້ຍິງເສຍເລືອດປະຈໍາເດືອນຮ່າງກາຍຈະສູນເສຍໂປຣຕີນ, ເຫຼັກ, ໂພແທດຊຽມ,ແຄວຊຽມ ແລະແມກນີຊຽມ ສະນັ້ນຄວນທົດແທນດ້ວຍການກິນແກງໝາກຖົ່ວແດງ ຄຸນສົມບັດຂອງໝາກຖົ່ວແດງນັ້ນມີຫລາກຫຼາຍທັງຍັງຊ່ວຍທົດແທນເລືອດທີ່ເສຍໄປ ເໝາະແກ່ຜູ້ຍິງເປັນຢ່າງຍິ່ງ.