spot_img
Homeຍ້ອງຍໍຄົນດີເດັ່ນເປີດປະຫວັດແຈັກມ່າ ຈາກຄູສູ່ມະຫາເສດຖີລະດັບໂລກ

ເປີດປະຫວັດແຈັກມ່າ ຈາກຄູສູ່ມະຫາເສດຖີລະດັບໂລກ

Published on

ແຈັກມ່າ (Jack Ma) ຫຼືຊື່ແທ້ວ່າ ໝ່າ ຢຸນ ເກີດເມື່ອວັນທີ 10 ກັນຍາ 1964 ເປັນເຈົ້າຂອງທຸລະກິດແລະຜູ້ໃຈບຸນຊາວຈີນ ເຂົາເປັນຜູ້ກໍ່ຕັ້ງແລະປະທານບໍລິຫານຂອງກຸ່ມອາລີບາບາເຊິ່ງປະສົບຜົນສຳເລັດໃນທຸລະກິດອິນເຕີເນັດ ເຂົາເປັນຜູ້ປະກອບການຈີນຄົນທຳອິດທີ່ປາກົດເທິງໜ້າປົກຂອງວາລະສານຟອບ ໃນເດືອນພະຈິກ 2014 ເຂົາເປັນບຸກຄົນທີ່ລວຍທີ່ສຸດໃນປະເທດຈີນ (ບໍ່ລວມຮົງກົງ) ແລະເປັນບຸກຄົນລວຍທີ່ສຸດອັນດັບທີ 18 ຂອງໂລກ ໂດຍມີມູນຄ່າຊັບສິນປະມານ 29.7 ພັນລ້ານໂດລາສະຫະລັດ ຕາມ Bloomberg Billionaires Index (ດັດຊະນີມະຫາເສດຖີ ບລູມເບີກ).

ແຈັກມ່າເກີດທີ່ເມືອງຫາໂຈວ ມົນທົນເຈີ້ຈຽງ ເປັນຫຼານຊາຍຂອງນັກທຸລະກິດເຈົ້າຂອງທີ່ດິນລາຍໃຫຍ່ໃນຫາງໂຈວແລະເປັນລູກຊາຍຂອງສິລະປິນທີ່ທຳການສະແດງທ້ອງຖິ່ນບູຮານ ໃນໄວເດັກແຈັກມ່າມັກອ່ານໜັງສືປະເພດນິຍາຍກຳລັງພາຍໃນ ໂດຍສະເພາະກິມຢົ້ງ ທີ່ມີເນື້ອຫາກ່ຽວກັບຜູ້ກ້າທີ່ຊ່ວຍເຫຼືອປົກປ້ອງຊາວບ້ານແລະຜູ້ທີ່ອ່ອນແອກວ່າຈາກອັນຕະພານ ເພາະມັນເຮັດໃຫ້ແຈັກມ່າຈິນຕະນາການວ່າໂຕເອງເປັນເປັນວິລະບຸລຸດແບບນັ້ນ ເນື່ອງຈາກເຂົາມັກຖືກໝູ່ເພື່ອນດູຖືກແລະແກ້ງ ເນື່ອງຈາກມີຮູບຮ່າງນ້ອຍກວ່າຜູ້ອື່ນ ແມ່ນແຕ່ຄອບຄົວຂອງເຂົາເອງກໍຍັງວ່າຈັ່ງຊັ້ນ.

ຫຼັງຈາກການເຖິງແກ່ອະສັນຍະກຳຂອງເໝົາເຈີຕຸງ ປະເທດຈີນເປີດປະຕູສູ່ພາຍນອກ ມີນັກທ່ອງທ່ຽວໂດຍສະເພາະຊາວຕາເວັນຕົກຫຼັ່ງໄຫຼເຂົ້າໄປທ່ຽວຫຼາຍຂຶ້ນ ໂດຍສະເພາະຢູ່ຫາງໂຈວ ເຊິ່ງເປັນເມືອງທີ່ສວຍງາມ ມີທະເລສາບທີ່ຂຶ້ນຊື່ ຢູ່ບ່ອນນີ້ໆເອງ ທີ່ແຈັກມ່າໄດ້ເຝິກຝົນທັກສະພາສາອັງກິດຈົນຊ່ຽວຊານກວ່າໝູ່ເພື່ອນໃນລຸ້ນດຽວກັນ ເຂົາຂີ່ລົດຖີບເປັນເວລາ 45 ນາທີທຸກເຊົ້າເພື່ອໄປຍັງໂຮງແຮມທີ່ຢູ່ໃກ້ຄຽງແລະໂອ້ລົມກັບຊາວຕ່າງປະເທດ ໂດຍສະເຮັດໜ້າທີ່ເປັນຄົນພາທ່ຽວອ້ອມຮອບເມືອງຟຣີໆ ເພື່ອທີ່ຈະເຝິກຝົນແລະພັດທະນາທັກສະພາສາອັງກິດຂອງເຂົາ.

ຕໍ່ມາໃນໄວໜຸ່ມ ເຖິງແມ່ນວ່າຈະປະສົບຄວາມລົ້ມແຫຼວໃນການສອບເສັງເຂົ້າມະຫາວິທະຍາໄລເຖິງສອງເທື່ອ ແຕ່ແລ້ວເຂົາກໍໄດ້ເຂົ້າສຶກສາຕໍ່ທີ່ສະຖານບັນຄູຫາງໂຈວ (ມະຫາວິທະຍາໄລເຝິກຫັດຄູຫາງໂຈວ) ແລະສຳເລັດການສຶກສາໃນປີ 1988 ໃນລະດັບປະລິນຍາຕີພາສາອັງກິດ ໂດຍເມື່ອຕອນທີ່ຢູ່ໃນໂຮງຮຽນ ແຈັກມ່າຍັງໄດ້ຮັບເລືອກຕັ້ງເປັນປະທານນັກຮຽນ. ຫຼັງຈາກນັ້ນ ເຂົາກໍກາຍເປັນອາຈານຜູ້ສອນໃນວິຊາພາສາອັງກິດແລະການຄ້າລະຫວ່າງປະເທດທີ່ມະຫາວິທະຍາໄລຫາງໂຈວຕ້ຽນຈື່ ໃນການເປັນອາຈານນັ້ນ ແຈັກມ່າໄດ້ຊື່ວ່າເປັນອາຈານທີ່ບໍ່ສອນຕາມຕຳລາຫຼືລະບຽບວິທີສອນທົ່ວໄປ ບໍ່ເຄີຍແມ່ນແຕ່ຈະແຕ່ງບົດສອນຊ້ຳ ເຂົາມັກໃຊ້ວິທີສອນສົດໆ ແຕ່ນັ້ນກໍເຮັດໃຫ້ເຂົາກາຍເປັນຂວັນໃຈຂອງນັກສຶກສາເປັນຢ່າງຍິ່ງ ແຈັກມ່າເປັນອາຈານສອນຢູ່ 5 ປີ ຈຶ່ງລາອອກ ເນື່ອງຈາກເຂົາເຫັນວ່າສົມຄວນໄດ້ເວລາທີີ່ຕົນເອງຈະໄປເຮັດທຸລະກິດ.

m23321201-696x370

ວິໄສທັດຂອງແຈັກມ່າເລິ່ມຕົ້ນຈາກການທີ່ເຂົາໄປຢາມໝູ່ຢູ່ອາເມລິກາແລະເຂົາລອງໃຫ້ໝູ່ຄົ້ນຫາສິນຄ້າເປັນພາສາຈີນປາກົດວ່າບໍ່ພົບຜົນການຄົ້ນຫານັ້ນ ເຮັດໃຫ້ເຂົາໄດ້ຄົ້ນພົບຊ່ອງວ່າງທາງທຸລະກິດທີ່ມະຫາສານ ໃນປີ 1995 ເຂົາໄດ້ກໍ່ຕັ້ງບໍລິສັດໄຊນ່າເຢນໂລ່ເພຈເຈສ ເຊິ່ງເຊື່ອວ່ານ່າຈະເປັນບໍລິສັດອິນເຕີເນັດທຳອິດໃນປະເທດຈີນ ຫຼັງຈາກນັ້ນປີ 1999 ໄດ້ກໍ່ຕັ້ງບໍລິສັດ ອາລີບາບາ ດ້ວຍວິໄສທັດດ້ານອີຄອມເມີສ ຕໍ່ມາໄດ້ຂະຫຍາຍເປັນທຸລະກິດກ່ຽວຂ້ອງອອກໄປເລື້ອຍໆ ໜຶ່ງໃນນັ້ນທີ່ຫຼາຍຄົນຮູ້ຈັກດີກໍຄື Taobao.com ເຊິ່ງເປັນເວັບໄຊລັກສະນະທີ່ໃຫ້ຄົນທົ່ວໄປສາມາດເອົາເຄື່ອງມາປະກາດຂາຍໄດ້. ນອກຈາກນີ້ຍັງມີບໍລິສັດຍ່ອຍເດັ່ນໆ ເຊັ່ນ: Tmall, Aliexpress, Aplipay, Juhuasuan, 1688.com, eTao, Alibaba Cloud Computing

ສາເຫດທີ່ເຮັດໃຫ້ເຂົາປະສົບຜົນສຳເລັດ ກໍຍ້ອນຕະຫຼາດຜູ້ບໍລິໂພກຈີນທີ່ມີເອກະລັກສະເພາະໂຕນັ້ນເອງ ເຮັດໃຫ້ຫຼາຍບໍລິສັດຈາກຕ່າງປະເທດທີ່ເຂົ້າມາເຮັດທຸລະກິດຕ້ອງປັບໂຕຢ່າງໃຫຍ່ ຈົນເຖິງຂັ້ນຖອນໂຕກັບບ້ານກໍມີ ໂອກາດຈຶ່ງເປັນຂອງແຈັກມ່າ ເຂົ້າກັບທຳນອງທີ່ວ່າ “ຄົນຈີນ ເຂົ້າໃຈຄົນຈີນ” ຫຼາຍກວ່າ ໂດຍບໍລິສັດ ອາລີບາບາກຣຸບ ມີ 3 ເວັບ ຄື:
alibaba.com ທີ່ມີລັກສະນະທຸລະກິດແບບຂາຍສົ່ງລະຫວ່າງບໍລິສັດ ( B2B)
taobao.com ທີ່ມີລັກສະນະທຸລະກິດແບບຂາຍຍ່ອຍລະຫວ່າງລູກຄ້າ
tmall.com ທີ່ມີລັກສະນະທີ່ໃຫ້ແບຣນສິນຄ້າຕ່າງໆ ມາເປີດຮ້ານເທິງເວັບໄຊ

#ແຈັກມ່າ #ມະຫາເສດຖີ #ອີຄອມເມີສ #ອາລີບາບາ #ປະຫວັດແຈັກມ່າ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...