ໂດນັນ ທຣັມ ປະຕິເສດບໍ່ຍອມຮັບຜູ້ສະໜັກສະໝູນທີ່ນິຍົມນາຊີ ກ່າວປະນາມຄົນກຸ່ມນີ້ດ້ວຍ.
ອີງຕາມສໍານັກຂ່າວຕ່າງປະເທດລາຍງານວັນທີ 23 ພະຈິກວ່າ: ໂດນັນ ທຣັມ ວ່າທີ່ປະທານາທິບໍດີສາຫະລັດຄົນໃໝ່ ປະຕິເສດບໍ່ຍອມຮັບກຸ່ມຜູ້ສະໜັບສະໝູນຂອງຕົນເອງຊຶ່ງເປັນກຸ່ມຂວາທາງເລືອກ ປະກອບໄປດ້ວຍກຸ່ມນີໂອນາຊີ ກຸ່ມຄົນຜິວຂາວຊາດນິຍົມ ແລະກຸ່ມຕໍ່ຕ້ານຊາວຢິວ ທີ່ສະເຫຼີມສະຫຼອງໄຊຊະນະການເລືອກຕັ້ງດ້ວຍການສະແດງຄວາມເຄົາລົບໃນແບບນາຊີເຢີຣາມານີ ເມື່ອວັນທີ 19 ພະຈິກຜ່ານມາ ແລະຍັງກ່າວປະນາມກຸ່ມນີ້ດ້ວຍ ເພາະແກນນໍາຂອງກຸ່ມດັ່ງກ່າວເວົ້າຕໍ່ສະມາຊິກໃນກຸ່ມວ່າ “ ອາເອລິກາເປັນປະເທດຂອງຊາວຜິວຂາວ ”
ການຊຸມນຸມຂອງກຸ່ມຂວາທາງເລືອກເມື່ອວັນເສົາທີ່ຜ່ານມາ ໄດ້ຈຸດຂະນວນໃຫ້ກຸ່ມຜູ້ປະທ້ວງທີ່ບໍ່ພໍໃຈ ທຣັມ ອອກມາລວມຕົວກັນປິດຖະໜົນຮອບສູນການປະຊຸມໂດນັນ, ເຣແກນ ແລະນາຍົກລັດຖະມົນຕີເຢີຣາມານີ ນາງອັງເກົາ ແມຣເຄິດ ອອກມາສະແດງຄວາມກັງວົນວ່າ ການທີ່ ທຣັມ ຊະນະການເລືອກຕັ້ງ ອາດເຮັດໃຫ້ກຸ່ມລັດທິຄົນຂາວສຸດໂຕ່ງໃນສາຫະລັດຍິ່ງໄດ້ໃຈ.
ທຣັມໃຫ້ສໍາພາດ ເຖິງກໍລະນີການແຕ່ງຕັ້ງນາຍສະຕີ ແບນນ່ອນ ເປັນຫົວໜ້າຝ່ານຍຸດທະສາດທໍານຽບຂາວວ່າ ແບນນ່ອນ ບໍ່ແມ່ນພວກເຊື້ອຊາດ ຫຼືພວກກຸ່ມຂວາທາງເລືອກ ບໍ່ເຊັນນັ້ນ ທຣັມ ຄົງບໍ່ໃຫ້ແບນນ່ອນເຂົ້າມາຮັບຕໍາແໜ່ງສໍາຄັນນີ້.