ມົດລູກ ເປັນບ່ອນຢູ່ສຳລັບລູກນ້ອຍໃນເວລາຖືພາ ເປັນອະໄວຍະວະສຳຄັນທີ່ສຸດສຳລັບແມ່ຍິງ, ດັ່ງນັ້ນ ແມ່ຍິງທຸກຄົນຄວນດູແລຮັກສາໃຫ້ດີ, ມາເບິ່ງນຳກັນວ່າ ພຶດຕິກຳແບບໃດທີ່ທຳຮ້າຍມົດລູກທີ່ສຸດ
- ຜ່າຕັດເກີດລູກ: ສຳລັບລູກແລ້ວ ອາດເປັນສາເຫດຂອງກະດູກແຕກຫັກ, ທັງກະດູກໝີດ, ກະດູກຂາ, ກະໂຫຼກຫົວ ແລະການໄດ້ຮັບບາດເຈັບຂອງເນື້ອເຍື່ອອ່ອນ ເມື່ອຜ່າມົດລູກ ເນື່ອງຈາກໜັງມົດລູກບາງເກີນໄປ ຫຼືອອກແຮງຫຼາຍເກີນໄປ ເຮັດໃຫ້ເຄື່ອງມືໄປກະທົບເດັກນ້ອຍ, ສຳລັບແມ່ແລ້ວ ນອກຈາກອັນຕະລາຍຈາກຢາຊາ ຂະນະຜ່າຕັດແລ້ວ, ລະຫວ່າງຜ່າຕັດ ຫຼືຜ່າຕັດແລ້ວອາດເກີດພາວະແຊກຊ້ອນເຊັ່ນ: ກະເພາະນໍ້າປັດສະວະ, ລຳໄສ້ໄດ້ຮັບບາດເຈັບ, ມົດລູກຈີກຂາດ, ການຕົກເລືອດຫຼັງເກີດ
- ແທ້ງລູກ: ໃນຊີວິດຂອງຜູ້ຍິງຄົນໜຶ່ງບໍ່ຄວນແທ້ງເກີນ 3 ເທື່ອ ແລະພາຍໃນໜຶ່ງປີບໍ່ຄວນເກີນສອງຄັ້ງ, ການທຳແທ້ງ ຕໍ່ເນື່ອງກັນໃນໄລຍະເວລາສັ້ນໆ ເປັນສາເຫດໃຫ້ມົດລູກ ໄດ້ຮັບອັນຕະລາຍຢ່າງໜັກ, ປົກກະຕິ ຖ້າຫາກວ່າໝໍທຳແທ້ງໃຫ້ ຕ້ອງເບິ່ງສະພາບຂອງໂພງມົດລູກ, ຕຳແໜ່ງຂະໜາດ, ຂະນະທີ່ທຳແທ້ງ ອຸປະກອນ ແລະແຮງທີ່ເຂົ້າໄປໃນໂພງມົດລູກ ກໍມີຜົນເຮັດໃຫ້ມົດລູກຕິດເຊື້ອ, ປາກມົດລູກຕິດໂພງມົດລູກ, ເຮັດໃຫ້ມີລູກຍາກ, ການກິນຢາເພື່ອຂັບລູກ ກໍມີຜົນເຖິງຊີວິດໄດ້
- ການເກີດລູກຍາກ ຫຼືຖືພາເກີນກຳນົດ: ເຮັດໃຫ້ເກີດພາວະມົດລູກແຕກ, ພາວະມົດລູກແຕກຖືວ່າເປັນອັນຕະລາຍທີ່ສຸດ ເພາະເປັນເຫດທີ່ເຮັດໃຫ້ແມ່ ແລະລູກເສຍຊີວິດ, ມີສາເຫດມາຈາກ ຊ່ອງຄອດ, ເດັກນ້ອຍ ຫຼືຕຳແໜ່ງຂອງເດັກຜິດປົກກະຕິ, ກະດູກຊ່ອງຄອດຕີບ, ເດັກນ້ອຍໂຕໃຫຍ່ ແລະອື່ນໆ
- ການຖືພາຫຼາຍກວ່າ 3 ຄັ້ງ: ຫຼາຍຄອບຄົວ ເມື່ອມີລູກຊາຍແລ້ວກໍຢາກໄດ້ລູກຊາຍ ເລີຍເຮັດໃຫ້ຖືພາຫຼາຍຄັ້ງ ຈື່ໄວ້ວ່າ ການຖືພາ ໜຶ່ງຄັ້ງ ເພີ່ມອັນຕະລາຍໜຶ່ງຄັ້ງ ແລະການຖືພາ 3ຄັ້ງຂຶ້ນໄປ ເຮັດໃຫ້ມີຄວາມສ່ຽງຫຼາຍຂອງມົດລູກ
- ທຳແທ້ງ ນຳໝໍເຖື່ອນ: ເປັນເຫດຂອງອາການຮຸນແຮງນຳມາ ເຮັດໃຫ້ມົດລູກເສຍຫາຍ ຫຼືຕິດເຊື້ອ, ການທຳແທ້ງ ໂດຍການໃຊ້ເຄື່ອງມືແພດ ທີ່ບໍ່ໄດ້ມາດຖານ, ບໍ່ມີຄວາມສະອາດ ບໍ່ໄດ້ຮັບການຂ້າເຊື້ອ ແລະໃນຂະນະຜ່າຕັດ ບໍ່ໄດ້ໃສ່ໃຈໃນເລື່ອງຄວາມສະອາດ ເກີດການປົນເປື້ອນຂອງແບັກທີເລຍ
- ບໍ່ໄປກວດການຖືພາຕາມກຳນົດ: ຜູ້ຍິງທີ່ຖືພາຄວນໄປພົບແພດຕາມກຳນົດເວລາ, ເວລາທີ່ໄປກວດອາດເປັນໄປຕາມ ທີ່ແພດນັດ ຫຼືຕາມອາການ ແຕ່ຖ້າເກີດພາວະຜິດປົກກະຕິ ສາມາດໄປກວດໄດ້ຕະຫຼອດເວລາ
- ຫ້າມມີເພດສຳພັນຊ່ວງມີລູກເດືອນທຳອິດ ແລະຊ່ວງກ່ອນເກີດ: ສາມເດືອນທຳອິດຂອງການຖືພາຫ້າມມີເຊັກສ໌ ເນື່ອງຈາກລູກຍັງບໍ່ຝັງໂຕໃນມົດລູກດີ ເປັນສາເຫດຂອງການແທ້ງລູກໄດ້, ເນື່ອງຈາກວ່າ ເມື່ອມີເຊັກສ໌ ເມື່ອຮອດຈຸດສຸດຍອດມົດລູກຈະຫົດໂຕ ເຮັດໃຫ້ເກີດອັນຕະລາຍ ໂດຍສະເພາະຜູ້ທີ່ເຄີຍແທ້ງມາກ່ອນ ຫຼືຖືພາເມື່ອອາຍຸຫຼາຍ ແລະໃນຊ່ວງ ສາມເດືອນກ່ອຍເກີດ ກໍຫ້າມມີເພດສໍາພັນ ເພາະມົດລູກຫົດໂຕ ເປັນເຫດເຮັດໃຫ້ແທ້ງ, ເກີດກ່ອນກໍານົດ, ເລືອດອອໃນມົດລູກ ຫຼືຕິດເຊື້ອຈົນເປັນອັນຕະລາຍ ໂດຍສະເພາະໃນຊ່ວງເດືອນສຸດທ້າຍ ເພາະເຊັກສ໌ ຈະເຮັດໃຫ້ນໍ້າຄາວປາຕິດເຊື້ອ, ຖົງນໍ້າຄາວປາແຕກ, ເກີດກ່ອນກຳນົດໄດ້
- ມີເພດສຳພັນຜິດປົກກະຕິ ແລະເປື້ອນ: ເຊັກສ໌ ທີ່ບໍ່ສະອາດເປັນສາເຫດຂອງ ຊ່ອງຄອດອັກເສບ, ປາກມົດລູກອັກເສບ, ທໍ່ນໍ້າໄຂ່ອັກເສບ ອາການເຫຼົ່ານີ້ ເປັນສາເຫດ ເປັນມະເຮັງປາກມົດລູກ, ມະເຮັງໃນຊ່ອງຄອດມະເຮັງໃນທໍ່ນໍາສົ່ງໄຂ່ ແລະມະເຮັງດ້ານນອກຂອງອະໄວຍະວະເພດ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ