ໝາກອຶ ເປັນໝາກໄມ້ຊະນິດໜຶ່ງ ທີ່ມີປະໂຫຍດຫຼາຍ, ມີຄຸນຄ່າສານອາຫານທີ່ດີ, ມີລົດຊາດຫວານແຊບ ໃຊ້ເປັນອາຫານໄດ້ຫຼາຍຢ່າງ ທັງອາຫານຄາວ, ອາຫານຫວານ ແລະມີຄຸນຄ່າທາງອາຫານທີ່ຄວນກິນ ເພື່ອບຳລຸງຮ່າງກາຍ
- ເໝາະສຳລັບແມ່ຍິງທີ່ຫາກໍ່ເກີດລູກ ເພາະຊ່ວຍຍ່ອຍອາຫານໄດ້ດີ, ບຳລຸງກຳລັງ, ຫຼຸດອາການອັກເສບ, ແກ້ປວດໄດ້ດີ
- ໃຫ້ພະລັງງານຕໍ່າ ມີການວິໄຈພົບວ່າ ໝາກອຶໃຫ້ພະລັງງານຕໍ່າ, ມີໄຂມັນໜ້ອຍ, ກິນໜ້ອຍອິ່ມດົນ, ຊ່ວຍໃຫ້ການຂັບຖ່າຍສະດວກ
- ໃຫ້ສານອາຫານປະເພດຄາໂບໄຮເດດ ທີ່ຊ່ວຍຮັກສາ ແລະບັນເທົາອາການ ບາດແຜໃນກະເພາະອາຫານ, ຮັກສາລຳໄສ້ໄດ້ດີ ເໝາະສຳລັບຜູ້ທີ່ເປັນພະຍາດກະເພາະ
- ສາມາດບັນເທົາພະຍາດຫອບຫືດໄດ້ ທີ່ເກີດຈາກຫຼອດລົມອັກເສບ ໃນຜູ້ອາຍຸສູງໄດ້
- ການກິນໝາກອຶທັງເປືອກ ຈະຊ່ວຍກະຕຸ້ນການຫຼັ່ງອິນຊູລິນ ເຊິ່ງສານນີ້ ເປັນສານທີ່ຄວບຄຸມລະດັບນໍ້າຕານໃນຮ່າງກາຍ, ປ້ອງກັນພະຍາດເບົາຫວານ, ຄວບຄຸມຄວາມດັນເລືອດ
- ມີຄໍລາເຈນຕາມທຳມະຊາດ ຊ່ວຍບຳລຸງຜິວໃຫ້ສົດໃສ
- ມີສັບພະຄຸນຊ່ວຍບຳລຸງຕັບ, ໝາກໄຂ່ຫຼັງ, ບຳລຸງຕາ ແລະສ້າງເຊວໃໝ່ທົດແທນເຊວເກົ່າ