ຜັກກະລໍາປີມີປະໂຫຍດຕໍ່ສຸຂະພາບຫຼາຍ ຜັກຊະນິດນີ້ອຸດົມໄປດ້ວຍວິຕາມິນ     C, KແລະB6 ແລະເປັນແຫຼ່ງລວມຂອງໄຟເບີຣ,​ໂຟເລດ,​ທອງແດງ,​ ວິຕາມິນບີ1, ໂພແທກຊຽມ ແລະແມງການີສ.

ກະລໍາປີຂຶ້ນຊື່ວ່າມີວິຕາມິນB2, ແຄວຊຽວ,​ ເຫຼັກ, ແມກນີຊຽມ, ກົດແພນໂທເທນິກ,​ໄນອາຊິນ, ໂປຣຕີນ,​ ຟົດສະຟໍຣິກ ແລະແຄວຊຽມຢູ່ສູງຫຼາຍ ເນື່ອງຈາກວ່າໃບກະລໍາປີມີຄຸນສົມບັດຕ້ານການອັກເສບ ຊ່ວຍຫຼຸດອາການເຈັບຂໍ້ໄດ້ເປັນຢ່າງດີ ໃບກະລໍາປີໄດ້ຖືກນໍາມາໃຊ້ເປັນຢາທາງທໍາມະຊາດທີ່ມີລາຄາຖືກເໝາະສໍາຫຼັບການຮັກສາອາການເຈັບຂໍ້ ແລະການອັກເສບ ແມ້ວ່າປະໂຫຍດຂອງມັນບໍ່ໄດ້ຮັບການຢືນຢັ້ນຈາກຜູ້ຊ່ຽວຊາມກໍຕາມ.

ວິທີໃຊ້ໃບກະລໍາປີສໍາຫຼັບການຮັກສາອາການເຈັບຂໍ້: ເອົາໃບກະລໍາປີໃສ່ຖົງຢ່າງ ແລະແຊ່ໄວ້ໃນຕູ້ເຢັນ ເມື່ອໃດກໍຕາມທີ່ຮູ້ສຶກເຈັບຂໍ້ ພຽງແຕ່ເອົາໃບກະລໍາປີທີ່ແຊ່ເຢັນໄວ້ນັ້ນມາວາງໃສ່ບໍລິເວນທີ່ເຈັບ ແລະຫໍ່ດ້ວຍຜ້າອີກຊັ້ນ ສານຕ່າງໆ ໃນໃບກະລໍາປີຈະຊຶມເຂົ້າສູ່ຜິວ ແລະລະລາຍຜໍລີກຢູຣິດຫຼຸດອາການເຈັບໄດ້ຢ່າງມີປະສິດທິພາບ.

ໃບຜັກກະລໍາປີຮັກສາອາການບວມ: ໃຊ້ໃບກະລໍາປີເຢັນໆ ຫໍ່ໃຫ້ຈອດຕີນທີ່ບວມ ແລ້ວປະໄວ້ 30 ນາທີ ໃບກະລໍາປີຈະຊ່ວຍດູດຊຶມນໍ້າ ແລະດຶງຂອງແຫຼວສ່ວນເກີນໃນຕີນອອກໄປ.

ໝາຍເຫດ: ຖ້າຫາກມີອາການແພ້ໃບຜັັກກະລໍາປີ ໃຫ້ສັງເກດວ່າມີອາການບວມ ຫຼືຄັນບໍ ຫາກມີອາການເຫຼົ່ານັ້ນໃຫ້ລ້າງອອກ ແຕ່ຖ້າຫາກອາການແຫ່ງໜັກລົງຄວນໄປພົບແພດໝໍທັນທີ.