ຜັກຕໍານິນມີຄຸນຄ່າທາງອາຫານສູງ ແລະມີສັບພະຄຸນທັງຈັດເປັນສະໝູນໄພຊັ້ນເລີດ ທີ່ຫາໄດ້ງ່າຍ ແລະລາຄາບໍ່ແພງ.
ຄຸນຄ່າທາງອາຫານຂອງຜັກຕໍານິນ: ຍອດຜັກຕໍານິນໃຊ້ແຕ່ງອາຫານ ຜັກຕໍານິນ 100 ກະລາມ ປະກອບໄປດ້ວຍໂປຣຕີນ 3.3 ກະລາມ, ວິຕາມິນບີ1 0.17 ມິນລີກະລາມ, ແຄວຊຽມ 126 ມິນລີກະລາມ ຟົດສະຟໍຣິກ 30 ມິນລີກະລາມ, ທາດເຫຼັກ 4.6 ມິນລີກະລາມ, ໄນອາຊີນ 1.2 ມິນລີກະລາມ, ວິຕາມິນຊີ 13 ມິນລີກະລາມ ໃຍອາຫານ 2.2 ກະລາມ ແລະເບຕ້າໂຣທີນສູງເຖິງ 699.88 ໄມໂຄຣກະລາມ ຫຼາຍກວ່າໝາກອຶ.
ປະໂຫຍດຂອງຜັກຕໍານິນ: ໃບຜັກຕໍານິນສາມາດດັບຜິດຮ້ອນ, ຖອນຜິດໄຂ້, ແກ້ໂຕຮ້ອນ, ດັບຜິດຝີ, ແກ້ເຈັບແສບເຈັບຮ້ອນ ແລະແກ້ຄັນ. ດອກຂອງມັນກໍສາມາດແກ້ຄັນໄດ້ ແລະແກ່ນຂອງມັນຕໍາປະສົມກັບນໍ້າມັນໝາກພ້າວທາແກ້ຫືດ, ໃສ່ຕາ, ແກ້ຕາຟາງ, ຕາແດງ, ຕາຊໍ້າ, ອັກເສບໃນຕາ, ດັບຜິດ, ແກ້ອັກເສບ ປະສົມກັບນໍ້າດື່ມແກ້ເມົາຫົວ, ປວດຮາກ ແລະທັງຕົ້ນ, ໃບ ແລະຮາກຂອງມັນຍັງສາມາດແກ້ພະຍາດເບົາຫຫວານ.
ສັບພະຄຸນທາງຢາ: ຊ່ວຍຮັກສາພະຍາດເບົາຫວານ ເອົາເຄືອແກ່ໆ ປະມານ 1 ກໍ້າມື ຕົ້ມກັບນໍ້າ ຫຼືຄັ້ນນໍ້າຈາກເຄືອດິບ ດື່ມມື້ລະ 2 ຄັ້ງເຊົ້າ-ແລງ ຈະສາມາດຊ່ວຍຫຼຸດນໍ້າຕານໃນເລືອດໄດ້ດີ.
ຮັກສາອາການແພ້: ຫຼຸດອາການຄັນ, ອາກອັກເສບເຊັ່ນ: ງູກັດ, ມົດ… ໂດຍການເອົາໃບຜັກຕໍານິນສົດ 1 ກໍາມື ( ຫຼາຍ ຫຼືນ້ອຍຕາມທີ່ຕ້ອງການ ) ລ້າງໃຫ້ສະອາດ ແລ້ວຕໍາໃຫ້ລະອຽດປະສົມກັບນໍ້າເລັກໜ້ອຍ ແລ້ວເອົາແຕ່ນໍ້າມາທາບໍລິເວນທີ່ມີອາການ ທາຊໍ້າຈົນກວ່າຈະດີ.
ຫຼຸດອາການທ້ອງອືດ: ຄວນກິນສົດໆ ເພາະເອນໄຊມໃນຜັກຕໍານິນຈະຍ່ອຍສະຫຼາຍງ່າຍເມື່ອຖືກຄວາຮ້ອນ.
ແກ້ຕາຊໍ້າຕາແດງ: ຕັດເອົາເຄືອເປັນທ່ອນຍາວປະມານ 2 ນິ້ວເອົາມາທັບໃຫ້ພໍປັ້ນເອົນນໍ້າມັນໄດ້ ແລ້ວເອົາມາຢາດໃສ່ຕາ, ແລະວິທີເຮັດໃຫ້ໃບໜ້າເຕັ່ງຕຶງ: ເອົາຍອດຜັກຕໍານິນ ½ ຖ້ວຍ, ນໍ້າເຜີ້ງສົດ ½ ຖ້ວຍ ເອົາມາປະສົມກັນປັ່ນໃຫ້ລະອຽດ ພອກໜ້າປະໄວ້ປະມານ 20 ນາທີ ແລ້ວລ້າງອອກ ເຮັດທຸກມື້ໄດ້ຍິ່ງເປັນການດີ.