ລັດຖະບານລາວ ຍັງດຳເນີນການຕໍ່ໄປກ່ຽວກັບການສ້າງເຂື່ອນໃໝ່ຢູ່ໃນເຂດລຸ່ມແມ່ນໍ້າຂອງ ທີ່ພາໃຫ້ພວກນັກວິທະຍະສາດ ແລະ ນັກເຄື່ອນໄຫວອອກມາເຕືອນເຖິງໄພຂົ່ມຂູ່ ທີ່ເພີ່ມທະວີຂຶ້ນ ຕໍ່ຄວາມປອດໄພທາງດ້ານອາຫານຢູ່ໃນຂົງເຂດ.
ສປປ ລາວ ໄດ້ແຈ້ງໃຫ້ຄະນະກຳມາທິການແມ່ນໍ້າຂອງສາກົນ ຫຼື MRC ຊຶ່ງເປັນອົງການ ຈັດຕັ້ງ ຂອງສີ່ລັດຖະບານ ໃນຕົ້ນເດືອນນີ້ວ່າ ການກະກຽມເພື່ອສ້າງເຂື່ອນປາກແບ່ງທີ່ມີ ຄວາມແຮງ 912 ເມກາວັດຢູ່ແຂວງອຸດົມໄຊທາງພາກເໜືອຂອງລາວ ນັ້ນໄດ້ເລີ່ມລົງມືແລ້ວ.
ເຂື່ອນປາກແບ່ງ ຈະເປັນເຂື່ອນທີສາມ ໃນເຂດລຸ່ມແມ່ນໍ້າຂອງທີ່ສ້າງໃສ່ກະໂຕລຳແມ່ນ້ຳຂອງ ທີ່ຢູ່ໃນຄວາມຄວບຄຸມຂອງລາວ. ເຂື່ອນໄຊຍະບູລີທີ່ມີມູນຄ່າໃນການສ້າງ 3,500 ລ້ານໂດລາ ແລະ ເຂື່ອນດອນສະໂຮງ ທີ່ຕັ້ງຢູ່ໃກ້ຊາຍແດນກຳປູເຈຍເປັນສ່ວນຫນຶ່ງຂອງ 11 ເຂື່ອນ ທີ່ໄດ້ວາງແຜນໄວ້ ຈະສ້າງໃສ່ລຳແມ່ນໍ້າຂອງ.
ລັດຖະບານລາວໃຫ້ເຫດຜນວ່າ ການສ້າງເຂື່ອນເປັນກະແຈໃນການພັດທະນາເສດຖະກິດໄລຍະຍາວ ເພື່ອສົ່ງເສີມໃຫ້ປະເທດກາຍເປັນ “ໝໍ້ໄຟ” ຂອງເອເຊຍ
ຂ່າວຈາກ: ສຳນັກຂ່າວ ວີໂອເອລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!