ໃນຕອນຄ່ຳຂອງວັນທີ 18 ພະຈິກ 2016 ທີ່ຜ່ານມາ, ທ່ານ ຈິງໄຫເຜິງ ແລະ ທ່ານເສິນຕຸ່ງ ນັກບິນອາວະກາດທີ່ສຳເລັດໜ້າທີ່ໃນຫ້ອງທົດລອງທາງອາວະກາດ “ທ່ຽນກົ່ງ2″ ແລະ ການບິນບັນທຸກຄົກຂອງຍານອາວະກາດ “ເສີນໂຈ່ວ11” ໄດ້ຂີ່ຍົນພິເສດ ຈາກມົງໂກໄນກັບຄືນຮອດນະຄອນຫຼວງປັກກິ່ງ.
ນັກບິນອາວະກາດສອງທ່ານດັ່ງກ່າວຈະເຂົ້າສູ່ໄລຍະຖືກກັກຕົວທາງແພດສາດ, ເພື່ອດຳເນີນການກວດກາທາງແພດສາດ ແລະ ປະເມີນສຸຂະພາບຢ່າງຮອບດ້ານ.
ໃນເວລາ 13 ໂມງ 59 ນາທີຂອງວັນທີ 18 ພະຈິກນີ້, ຫ້ອງກັບຄືນຂອງຍານອາວະກາດ ”ເສີນໂຈ່ວ11″ ໄດ້ລົງຈອດຢູ່ເຂດທີ່ກຳນົດໄວ້ລ່ວງໜ້າທີ່ພາກກາງເຂດມົງໂກໄນຢ່າງສຳເລັດຜົນ.
ຍານອາວະກາດ”ເສີນໂຈ່ວ11″ໄດ້ຖືກສົ່ງຂຶ້ນສູ່ອາວະກາດຢູ່ສູນສົ່ງດາວທຽມຈິວຊວນໃນເວລາ 7 ໂມງເຄິ່ງວັນທີ 17 ຕຸລາແລ້ວນີ້, ຫຼັງຈາກນັ້ນໄດ້ເຊື່ອມຕໍ່ກັບຫ້ອງທົດລອງທາງອາວະກາດ”ທ່ຽນກົ່ງ2″, ນັກບິນອາວະກາດສອງທ່ານດັ່ງກ່າວໄດ້ເຂົ້າປະຈຳຢູ່ຫ້ອງທົດລອງ”ທ່ຽນກົ່ງ2″ ເປັນເວລາ 30 ວັນ, ໄດ້ສຳເລັດການທົດລອງວິທະຍາສາດ ແລະເຕັກນິກທາງອາວະກາດຫຼາຍຢ່າງໃນໄລຍະບິນຕາມໂຄຈອນ.
ຂ່າວສານປະເທດຈີນ
ທີ່ມາ: ສຳນັກຂ່າວເອບີຊີ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!