ໃນວັນພະຫັດ ດັັດຊະນີຕະຫຼາດຫຼັກຊັບ ລົບລ້າງການປັບຕົວຂຶ້ນໃນກ່ອນໜ້ານັ້ນ ລົງມາຢູ່ທີ່ 982.76 ຈຸດ ທ່າມກາງການຊື້-ຂາຍ ແບບປະສົມ, ມູນຄ່າຕະຫຼາດທັງໝົດແມ່ນ 536,435,000 ກີບ ຈາກການຈັບຄູ່ກັນຂອງຮຸ້ນ EDL-Gen ແລະຮຸ້ນ BCEL ຈໍານວນ 110,800 ຮຸ້ນ ເຊິ່ງສູງກວ່າການຊື້-ຂາຍໃນມື້ທີ່ຜ່ານມາເລັກໜ້ອຍ. ຮຸ້ນEDL-Gen ຫຼຸດລົງເປັນມື້ທີສອງຂອງອາທິດນີ້, ຮຸ້ນພະລັງງານ ທີ່ມີການຈັບຄູ່ກັນ ຢູ່ໃນລະຫວ່າງລາຄາ 4,800 ກີບຫາ 4,850 ກີບ, ແຕ່ສຸດທ້າຍປິດໃນລາຄາ 4,800 ກີບດ້ວຍປະລິມານການຊື້-ຂາຍເຖິງ 108,500 ຮຸ້ນ, ໃນເວລາດຽວກັນນັ້ນ BCEL ຍັງຄົງຮັກສາລາຄາເກົ່າຢູ່ທີ່ 5,150 ກີບ, ເຊິ່ງມີພຽງແຕ່ 2,300 ຮຸ້ນທີ່ມີການຊື້-ຂາຍ ໂດຍມີ 11,853,000 ກີບຂອງມູນຄ່າການຊື້-ຂາຍ, ແຕ່ໜ້າເສຍດາຍທີ່ຮຸ້ນ LWPC, ຮຸ້ນ PTL ແລະຮຸ້ນ SVN ບໍ່ໄດ້ຮັບຄວາມໜ້າສົນໃຈຫຼາຍຈາກນັກລົງທຶນ ປິດທີ່ 6,100 ກີບ, 2,500 ກີບ ແລະ 3,000 ກີບ ຕາມລຳດັບ