spot_img
Homeຂ່າວຕ່າງປະເທດເສດຖະກິດຟິລິບປິນ ຂະຫຍາຍຕົວແຊງໜ້າຈີນ ໃນໄຕມາດ 3 ຫລັງດູເຕີເຕ ບໍລິຫານປະເທດໄດ້ 3 ເດືອນ

ເສດຖະກິດຟິລິບປິນ ຂະຫຍາຍຕົວແຊງໜ້າຈີນ ໃນໄຕມາດ 3 ຫລັງດູເຕີເຕ ບໍລິຫານປະເທດໄດ້ 3 ເດືອນ

Published on

ສຳນັກຂ່າວຕ່າງປະເທດ ລາຍງານໃນວັນທີ 17 ພະຈິກນີ້ວ່າ ຟິລິບປິນ ກາຍເປັນປະເທດທີ່ມີເສດຖະກິດຂະຫຍາຍຕົວໄວທີ່ສຸດ ໃນກຸ່ມປະເທດກຳລັງພັດທະນາຢູ່ອາຊີ ຫລັງຈາກທີ່ ປະທານາທິບໍດີ ໂຣດຣິໂກ ດູເຕີເຕ ເຂົ້າມາບໍລິຫານປະເທດໄດ້ພຽງ 3 ເດືອນ, ທ່ານ ໂຣສແມຣີ ອີດິນລອນ ຫົວໜ້າຫ້ອງການ ກະຊວງການວາງແຜນເສດຖະກິດຟິລິບປິນ ໄດ້ລະບຸວ່າ ເສດຖະກິດຂອງຟິລິບປິນ ໃນໄຕມາດທີ 3 (ກໍລະກົດ-ກັນຍາ) ຂອງປີນີ້ ຂະຫຍາຍຕົວ 7.1% ເມື່ອປຽບທຽບກັບໄລຍະດຽວກັນຂອງປີກາຍ ຊຶ່ງສູງກວ່າຕົວເລກແຜນການທີ່ວາງໄວ້ 6.8% ແລະ ແຊງໜ້າມະຫາອຳນາດຢ່າງຈີນ ທີ່ມີອັດຕາການຂະຫຍາຍຕົວພຽງ 6.7% ໃນໄລຍະດຽວກັນນີ້.

ດ້ານຜູ້ຊ່ຽວຊານເສດຖະກິດ ໄດ້ຕົກຕະລຶງກັບຕົວເລກການຂະຫຍາຍຕົວດັ່ງກ່າວ ຊຶ່ງສູງເກີນລະດັບຄາດໝາຍ ທັງທີ່ທົ່ວໂລກໄດ້ວິຕົກກັງວົນ ຕໍ່ກັບນະໂຍບາຍສົງຄາມກວາດລ້າງຢາເສບຕິດ ຂອງປະທານາທິບໍດີຟິລິບປິນ ອັນໄດ້ສ້າງຄວາມເປັນຫ່ວງໃຫ້ແກ່ນັກລົງທຶນ, ທ່ານ ອັສໂຕຣ ເດວ ກັສຕິໂຢ ນັກວິເຄາະດ້ານຄວາມໝັ້ນຄົງຈາກ ບໍລິສັດ ເຟີສຕ໌ເກຣດ ໂຮນດິ້ງ ໄດ້ເປີດເຜີຍວ່າ ຕົວເລກດັ່ງກ່າວນີ້ເປັນຂ່າວດີ ເປັນການສ້າງຄວາມແປກໃຈໃຫ້ຕະຫລາດເງິນ ແລະ ເປັນເຄື່ອງຢືນຢັນວ່າ ຮາກຖານທາງເສດຖະກິດຂອງເຮົາຍັງເຂັ້ມແຂງຢູ່ ເຖິງແມ່ນຈະມີສຽງລົບກວນທາງການເມືອງກໍຕາມ.

 

 

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ເຮັດໃຫ້ໄດ້ 220 ບັດຕໍ່ມື້ ກະຊວງປ້ອງກັນຄວາມສະຫງົບອອກແຈ້ງການ ໃນການເພີ່ມທະວີປະຕິບັດວຽກງານ ການອອກບັດປະຈຳຕົວດີຈີຕອນ

ກະຊວງປ້ອງກັນຄວາມສະຫງົບ ເລກທີ 01/ປສກ ນະຄອນຫຼວງວຽງຈັນ, ວັນທີ 07 ມັງກອນ 2026 ເຖິງ ບັນດາກອງບັນຊາການ ປກສ ແຂວງ, ກອງບັນຊາການ ນະຄອນຫຼວງວຽງຈັນ...

ເລັ່ງຟື້ນຟູຕົ້ນກາເຟ ແຂວງຈໍາປາສັກ ເລີ່ມເຄື່ອນໄຫວແນະນໍາ ຊາວສວນໃນການຮັບມື-ປ້ອງກັນ ນ້ຳໝອກ ທີ່ເປັນຕົ້ນເຫດ ເຮັດໃຫ້ຕົ້ນກາເຟເສຍຫາຍຈໍານວນຫຼາຍ

ພາຍຫຼັງທີ່ເມືອງ​ປາກຊ່ອງ​ ແຂວງ​ຈໍາປາສັກ​ ເກີດສະພາບອາກາດໜາວ​ເຢັນ​ ແລະ​ ເກີດນໍ້າໝອກເກືອ​ (ນໍ້າໝອກກ້າມ)​,​ ເຮັດໃຫ້ຕົ້ນກາເຟຂອງຊາວສວນ​ ໄດ້ຮັບຜົນກະທົບເປັນຈໍານວນຫຼາຍ.​ ຍ້ອນແນວນັ້ນ,​ ພະແນກກະສິກຳ ແລະ ສິ່ງແວດລ້ອມແຂວງຈໍາປາສັກ ຈິ່ງໄດ້ເຄື່ອນໄຫວແນະນໍາ ຊາວສວນໃນການປ້ອງກັນເກີດນ້ຳໝອກ...

ຊ້າງປ່າໂຕທໍາອິດ ໃນປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ ທີ່ໄດ້ສໍາເລັດການຕິດປອກຄໍດາວທຽມ (GPS) ຖືເປັນອີກບາດກ້າວໜຶ່ງທີ່ສໍາຄັນ ຕໍ່ວຽກງານອະນຸລັກຊ້າງປ່າໄລຍະຍາວ

ຊ້າງປ່າໂຕທໍາອິດ ໃນປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ ທີ່ໄດ້ສໍາເລັດການຕິດປອກຄໍດາວທຽມ (GPS) ຖືເປັນອີກບາດກ້າວໜຶ່ງທີ່ສໍາຄັນ ຕໍ່ວຽກງານອະນຸລັກຊ້າງປ່າໄລຍະຍາວ. ສໍາເລັດຕິດປອກຄໍດາວທຽມ (Elephant Collaring) ໃຫ້ກັບຊ້າງປ່າໂຕທໍາອິດ ທີ່ປ່າສະຫງວນແຫ່ງຊາດນໍ້າປຸຍ, ແຂວງໄຊຍະບູລີ. ນີ້ຖືເປັນອີກບາດກ້າວໜຶ່ງທີ່ສໍາຄັນຕໍ່ວຽກງານອະນຸລັກຊ້າງປ່າໄລຍະຍາວ ໃນເຂດນໍ້າປຸຍ...

ໄຂຂຶ້ນຢ່າງເປັນທາງການ ກອງປະຊຸມລັດຖະບານ ເປີດກວ້າງ ຄັ້ງທີ II ປະຈຳປີ 2025 ຈັດຂຶ້ນລະຫວ່າງ ວັນທີ 12-13 ມັງກອນ 2026

ໃນຕອນເຊົ້າວັນທີ 12 ມັງກອນ 2026 ທີ່ຫໍປະຊຸມແຫ່ງຊາດ, ລັດຖະບານ ໄດ້ໄຂກອງປະຊຸມເປີດກວ້າງ ຄັ້ງທີ II ປະຈໍາປີ 2025 ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ...