ອີງຕາມການລາຍງານຂອງສຳນັກຂ່າວຕ່າງປະເທດລາຍງານເມື່ອວັນທີ 16 ພະຈິກຜ່ານມາວ່າ ມີແມ່ຍິງຄົນໜຶ່ງ ເປັນຄົນອິນເດຍ ໄດ້ເກີດລູກເປັນຝາແຝດຊາຍ ເຊິ່ງຕົນໂຕຕິດກັນໃນບໍລິເວນທ້ອງ, ເຊິ່ງເດັກອີກຄົນໜຶ່ງບໍ່ມີລຳໂຕ, ບໍ່ມີຂາ ເຊິ່ງຍັງມີລະບົບພາຍໃນ ທີ່ມີການເຊື່ອມກັນແບບຊັບຊ້ອນ ເຮັດໃຫ້ທ່ານໝໍ ມີຄວາມຍາກທີ່ຈະຜ່າຕັດອອກຈາກກັນ

ສຳລັບເດັກນ້ອຍແຝດຄູ່ນີ້: ເດັກນ້ອຍຄົນທຳອິດມີສະພາບທີ່ສົມບູນ, ສ່ວນຝາແຝດນັ້ນ ບໍ່ມີຂາ ແລະອະໄວຍະວະເພດ ໂດຍທີ່ທັງສອງມີຫົວໃຈ ແລະປອດເປັນຂອງຕົນເອງ ແຕ່ໃຊ້ຕັບ ລວມເຖິງລະບົບທາງເດີນອາຫານ ແລະລະບົບເລືອດຮ່ວມກັນ, ແນວໃດກໍຕາມ ທາງທີມແພດໝໍ ຢືນຢັນວ່າ ມີໂອກາດສູງ ທີ່ຈະສາມາດຜ່າຕັດແຍກທັງສອງ ອອກຈາກກັນໄດ້, ເພາະທັງສອງບໍ່ໄດ້ໃຊ້ຫົວໃຈຮ່ວມກັນ ແຕ່ຂັ້ນຕອນໃນຕອນນີ້ ຄືຖ້າໃຫ້ເດັກນ້ອຍຢູ່ໃນສະພາວະຄົງທີ່ ຈຶ່ງຈະເລີ່ມການຜ່າຕັດ ເຊິ່ງອາດຕ້ອງໃຊ້ໄລຍະເວລາທີ່ດົນນານ ແລະຕ້ອງມີການວາງແຜນຜ່າຕັດທີ່ຊັບຊ້ອນ

ສຳລັບຝາແຝດທີ່ເກີດມາໂຕຕິດກັນ ເກີດຈາກຄວາມຊ້າໃນຂະບວນການແຍກໂຕ ຂອງເດັກນ້ອຍໃນທ້ອງ ໂດຍຝາແຝດເຫຼົ່ານີ້ ຈະເກີດຂຶ້ນໂດຍຢືດໜຶ່ງຄົນທີ່ສົມບູນ ແຕ່ໃນສ່ວນທີ່ແຍກໂຕບໍ່ສຳເລັດ ກໍຈະມີຮູບຮ່າງທີ່ຜິດລັກສະນະເຊື່ອມຕິດມານຳກັນແບບນີ້