ສຳນັກຂ່າວຕ່າງປະເທດ ລາຍງານໃນວັນທີ 16 ພະຈິກນີ້ວ່າ ສື່ອອນລາຍຂອງຈີນ ໄດ້ເຜີຍແຜ່ພາບຊຸດ ກຳປັ່ນບັນທຸກເຮືອບິນ ຫລຽວໜິງ ໃນວັນທີ 15 ພະຈິກ 2016 ທີ່ຜ່ານມາ ພາຍຫລັງທີ່ ທ່ານ ພົນເອກ ວະລາດີເມຍ ໂຄໂລເລບ ຜູ້ບັນຊາການກອງທັບເຮືອ ແຫ່ງ ສະຫະພັນຣັດເຊຍ ໄດ້ເຂົ້າຢ້ຽມຊົມກຳປັ່ນບັນທຸກເຮືອບິນລຳດັ່ງກ່າວນີ້.
ກຳປັ່ນບັນທຸກເຮືອບິນ ຫລຽວໜິງ ເປັນກຳປັ່ນບັນທຸກເຮືອບິນ ລຳທຳອິດຂອງກອງທັບຈີນ ໂດຍໄດ້ດັດແປງມາຈາກ ກຳປັ່ນບັນທຸກເຮືອບິນ ບາຢັກ (Varyag) ຂອງອະດີດສະຫະພາບໂຊວຽດ ໄດ້ຖືກນຳເຂົ້າປະຈຳການ ເມື່ອເດືອນກັນຍາປີ 2012 ຊຶ່ງມີຄວາມກວ້າງທັງໝົດ 74.4 ແມັດ, ຍາວ 306.4 ແມັດ ສາມາດບັນທຸກນ້ຳໜັກໄດ້ເຖິງ 50,000 ໂຕນ ແລະ ເດີນທາງດ້ວຍຄວາມໄວສູງສຸດ ຫລາຍກວ່າ 28 ນ໊ອດ.
ຕິດຕາມເຮົາທາງFacebook ກົດຖືກໃຈເລີຍ!