ອີງຕາມການລາຍງານຂ່າວຂອງສຳນັກຂ່າວ China News Service ເມື່ອວັນທີ 15 ພະຈິກຜ່ານມາວ່າ ບໍລິສັດແຫ່ງໜຶ່ງ ໃນເມືອງຫານຈົງ ມົນທົນ ສ່ານຊີ ຂອງປະເທດຈີນ ໄດ້ລົງໂທດພະນັກງານຂອງພວກເຂົາ ບໍ່ສາມາດເຮັດຍອດຂາຍຕາມເປົ້າ ຂອງບໍລິສັດ ດ້ວຍຫານບັງຄັບໃຫ້ກິນບົ້ງ ກັບເຫຼົ້າຂາວ
ບໍລິສັດດັ່ງກ່າວຕັ້ງຢູ່ ໃນໃຈກາງເມືອງຮານຈົງ ບັນດາພະນັກງານທັງໝົດ 60 ຄົນ ຖືກເອີ້ນໃຫ້ມາຮວມໂຕກັນ ຈາກນັ້ນຜູ້ຊາຍຄົນໜຶ່ງ ກໍຈັບຖົງພາສຕິກ ທີ່ມີບົ້ງ ພ້ອມກັບເຫຼົ້າຂາວໄປ໋ຈິວ ເປັນເຫຼົ້າຂາວຊະນິດໜຶ່ງຂອງຈີນ
ທາງຫົວໜ້າຂອງບໍລິສັດນີ້ ໄດ້ປະກາດລາຍຊື່ພະນັກງານທີ່ຖືກລົງໂທດ ເຊິ່ງມີຈຳນວນ 5-6 ຄົນ ໃນນັ້ນມີຄົນໜຶ່ງກຳລັງຖືພາ ເຊິ່ງລາວໄດ້ປະຕິເສດ ທີ່ຈະຮັບການລົງໂທດ ເພາະເປັນຫ່ວງລູກໃນທ້ອງ ໂຊກດີທີ່ພະນັກງານຄົນໜຶ່ງທີ່ຍິນດີຮັບໂທດແທນລາວ, ເຊິ່ງຄົນໜຶ່ງຕ້ອງກິນບົ້ງ 4 ໂຕຕໍ່ລູກຄ້າ 1 ຄົນທີ່ເຂົາເສຍໄປ ເຊິ່ງການລົງໂທດແບບນີ້ ບໍ່ໄດ້ຫາກໍ່ເກີດຂຶ້ນ ພະນັກງານເລົ່າໃຫ້ຟັງວ່າ ກ່ອນໜ້ານີ້ ພວກເຂົາເຄີຍຖືກລົງໂທດ ດ້ວຍການກິນປາມຶກສົດ ແລະມົດມາກ່ອນແລ້ວ