spot_img
Homeຂ່າວພາຍ​ໃນເຂດເສດຖະກິດພິເສດ ແລະ ເຂດເສດຖະກິດສະເພາະ (ຂພສ) ດຶງດູດການລົງທຶນໄດ້ 8 ພັນກ່ວາຕື້ກີບ

ເຂດເສດຖະກິດພິເສດ ແລະ ເຂດເສດຖະກິດສະເພາະ (ຂພສ) ດຶງດູດການລົງທຶນໄດ້ 8 ພັນກ່ວາຕື້ກີບ

Published on

tlsez1
ພາບຈຳລອງ ໂຄງການພັດທະນາເຂດເສດຖະກິດສະເພາະ ບຶງທາດຫຼວງ

 

ການ​ພັດທະນາ​ພື້ນຖານ​ໂຄງ​ລ່າງ​ທີ່​​ເອື້ອ​ອຳນວຍ​ ເປັນ​ຊ່ອງ​ທາງ​ໜຶ່ງ​ທີ່​ຈະສາມາດ​ສ້າງ​ຄວາມ​ເຊື່ອ​ໝັ້ນ

​ໃຫ້​ກັບ​ນັກ​ລົງທຶນທັງພາຍ​ໃນ ​ແລະ ຕ່າງປະ​ເທດ ​ເຊັ່ນ​ດຽວ​ກັບການ​ພັດທະນາ​ເຂດ​ເສດຖະກິດ​ພິ​ເສດ

​ແລະ ​ເຂດ​ເສດຖະກິດ​ສະ​ເພາະ (ຂພສ) ທີ່​ພະຍາຍາມ​ສ້າງ​ສິ່ງ​ອຳນວຍ​ຄວາ​ມສະດວກ​ຮອງ​ຮັບ​ການ​ລົງ

ທຶນ ​ເຮັດ​ໃຫ້​ຈຳນວນ​ບໍລິສັດ​ເຂົ້າ​ມາ​ດຳ​ເນີນ​ທຸ​ລະ​ກິດ ​ສືບຕໍ່​ຂະຫຍາຍຕົວ​ຢ່າງ​ຕໍ່​ເນື່ອງ ຮອດ​ປະຈຸບັນລະ

ດົມ​ທຶນ​ໄດ້​​ແລ້ວ​ 8​ ພັນ​ກວ່າ​ຕື້​ກີບ.

 

ອີງ​ຕາມ​ການ​ລາຍ​ງານ​ຂອງ​ທ່ານ ນາງ ບົວ​ທາ ຂັດ​ທິຍະ ລັດຖະມົນຕີ​ຊ່ວຍ ວ່າການ​ຫ້ອງ​ວ່າການ​ລັດຖະ

ບານ, ຮອງປະທານຫົວໜ້າກອງ​ເລຂາ​ຄະນະກຳມະການ​ແຫ່ງ​ຊາດ​ລາວ ​ເພື່ອ​ຄຸ້ມ​ຄອງ​ເຂດ​ເສດຖະກິດ

​ພິ​ເສດ ​ແລະ ​ເຂດ​ເສດຖະກິດ​ສະ​ເພາະ (ຂພສ) ​ໄດ້​ລາຍ​ງານ ​ຕໍ່ຄະນະ​ສະມາຊິກສະພາ​ແຫ່ງ​ຊາດວ່າ:

ເຖິງ​ແມ່ນ​ວ່າສະພາບ​ການ​ລວມຂອງ​ການ​ພັດທະ​ນາ​ເສດຖະກິດ-ສັງຄົມ ​ໂດຍສະ​ເພາະດ້ານ​ມະຫາ​ພາກ

ຂອງ​ລາວ ພວມ​ປະ​ເຊີນ​ກັນ​ສິ່ງ​ທ້າ​ທາຍ​ຫຼາຍ​ປະການ, ​ແຕ່​ໃນ​ຂະນະ​ດຽວ​ກັນການ​ພັດທະນາ​ໃນ​ຂົງ​ເຂດ

​ເສດຖະກິດ​ພິ​ເສດ ​ແລະ ​ເຂດ​ເສດຖະກິດ​ສະ​ເພາະ(ຂພສ) ຍັງ​ເປັນ​ຂະ​ແໜງ​ການ​ໜຶ່ງ​ທີ່​ສຶບຕໍ່​ຂະຫຍາຍ

ຕົວ​ຢ່າງ​ຕໍ່​ເນື່ອງ ​​ໂດຍ​ສະ​ເພາະໃນ​ດ້ານ​ການ​ດຶງ​ດູດ​ການ​ລົງທຶນ​ຈາກ​ຕ່າງປະ​ເທດ (FDI).

 

ມາ​ຮອດ​ປະຈຸ​ບັນ ລາວ​ເຮົາ​ມີ ຂພສ ທັງ​ໝົດ 10 ​ເຂດ, ​ໃນ​ນີ້ ມີ​ເຂດ​ເສດຖະກິດ ​ສະ​ເພາະ 8 ເຂດ ​ແລະ

ເຂດ ​​ເສດຖະກິດ​ພິ​ເສດ 2​ ເຂດ (​ໄດ້​ຍົກ​ລະດັບ​ຈາກ​ເຂດ​ສຳ​ປະທານ​ທົ່ວ​ໄປ​ຂຶ້ນ​ເປັນ ຂພສ ຈຳນວນ 7

​ເຂດ ແລະສ້າງ​ຕັ້ງ​ຂຶ້ນ​ໃໝ່​ຈຳນວນ 3 ​ເຂດ), ມີ​ຜູ້​ລົງທຶນ​ທັງ​ພາຍ​ໃນ ​ແລະ ຕ່າງປະ​ເທດ​ເຂົ້າມາ​ດຳ​ເນີນ​

ທຸລະ​ກິດ​ຢູ່​ບັນດາ ຂພສ ​ໃນ​ທົ່ວ​ປະ​ເທດ​ທັງ​ໝົດ​ຫຼາຍ​ກວ່າ 100​ ບໍລິສັດ ມີ​ມູນ​ຄ່າ​ການ​ລົງທຶນ​ຕົວ​ຈິງ

1,03 ຕື້​ໂດ​ລາ ຫຼື ປະມານ 8.240​ ຕື້​ກີບ, ​ໃນ​ນັ້ນ ​ເປັນ​ການ​ລົງທຶນ​ຂອງ​ລັດຖະບານ 10,56 ລ້ານ​ໂດ​ລາ,

ຜູ້​ພັດທະນາ 979,46 ລ້ານ​ໂດ​ລາ ​ແລະ ຜູ້​ລົງທຶນ​ລາຍ​ຍ່ອຍ ຈຳນວນ 40,47 ລ້ານ​ໂດ​ລາ, ພ້ອມ​ນັ້ນ ກໍ​

ຍັງສາມາດ​ສ້າງ​ວຽກ​ເຮັດ​ງານ​ທຳ​ທາງ​ກົງ​ໄດ້​ປະມານ 8 ​ພັນ​ຄົນ, ນອກຈາກ​​ແຮງ​ງານ​ທາງ​ກົງ​ແລ້ວ

ການ​ພັດທະນາ ຂພສ ຍັງ​ຊ່ວຍ​ສ້າງ​ວຽກ​ເຮັດ​ງານ​ທຳ​ທາງ​ອ້ອມ​ໄດ້​ຈຳນວນ​ໜຶ່ງ​ ໂດຍ​ສະ​ເພາະໃນ​ຂະ​

ແໜງ​ການ​ບໍລິການ, ການ​ຜະລິດ​ສະບຽງ​ອາຫານ ແລະ ອື່ນໆ.

 

ທ່ານ ນາງ ບົວ​ທາ ຂັດ​ທິຍະ ຍັງ​ກ່າວ​ໃຫ້​ຮູ້​ອີກ​ວ່າ: ຕະຫຼອດ​ໄລຍະ​ຂອງ​ການພັດທະນາ ກໍເຫັນ​ໄດ້​ວ່າ ບັນ

ດາ​ເຂດແມ່ນ​ໄດ້​ສຸມ​ໃສ່​ພັດທະນາ ​ເພື່ອ​ທີ່​ຈະ​ສາມາດດຶງ​ດູດ​ນັກ​ລົງທຶນ​ໃຫ້​ເຂົ້າມາລົງທຶນ​ນັບ​ມື້​ເພີ່ມ​ຂຶ້ນ

​ແລະ ໜຶ່ງ​ໃນນັ້ນ ກໍ​ລວມມີໂຄງການ​ກໍ່ສ້າງ​ເຂດ​ເສດຖະກິດ​ສະ​ເພາະບຶງ​ທາດຫຼວງ ຊຶ່ງ​ໂຄງການ​ໜຶ່ງ​ທີ່​

ລັດຖະບານ​ລາວ ​ແລະບໍລິສັດຫວາງ​ເຟີ້ງ ຊຽງ​ໄຮ ສປ ຈີນ ຮ່ວມກັນ​ພັດທະນາ ​ເພື່ອ​ນຳ​ໃຊ້​ດິນ​ເປົ່າວ່າງ

ທີ່​ເປັນບຶງ​ທາມ​ເປັນ​ບ່ອນ​ເຕົ້າ​ໂຮມນ້ຳ​ເປື້ອນຂອງ​ຕົວ​ເມືອງ​ຂອງ​ນະຄອນຫຼວງ​ວຽງ​ຈັນ ​ໃຫ້​ກາຍ​ເປັນ

​ເມືອງ​ໃໝ່, ເປັນ​ສູນ​ກາງ​ແຫ່ງ​ອະລິຍະ​ທຳ, ວັດທະນະທຳ ​ແລະ ໜອງ​ນ້ຳທຳ​ມະ​ຊາດ, ຮັກສາ​ສິ່ງ​ແວດ​ລ້ອມ,

ລະບົບ​ນິ​ເວດ​ວິທະຍາໂດຍ​ກົງຈັກ​ເກັບ​ນ້ຳ, ບຳບັດ​ນ້ຳ​ເສຍ ​ແລະ ປູກ​ຕົ້ນ​ໄມ້.

 

ໄປ​ຄຽງ​ຄູ່​ກັບ​ການ​ພັດທະນາ​ໂຄງ​ລ່າງ​ພື້ນຖານ ​ແລະ ອາຄານ, ສ້າງ​ທິວ​  ທັດ​ທີ່​ເປັນ​ເອກະ​ລັດ​ພິ​ເສດປະ

ກອບມີ​ຂອບຟ້າ ແລະ ​ເຂດ​ສີຂຽວ​ປະສົມ​ປະສານ​ກັນ, ສ້າງ​ໜອງ​ນ້ຳ​ໃຫຍ່​ໃຫ້​ກາຍ​ເປັນ​ສູນ​ລວມກິດຈະ

ກຳ​ທາງນ້ຳ ​ເປັນຕົ້ນ​ແມ່ນ​ການ​​ແຂ່ງ​ເຮືອປະ​ເພນີ ທີ່​ຕິດ​ພັນ​ກັບ​ວິຖີ​ຊີວິດ​ຂອງ​ປະຊາຊົນ​ລາວ, ນອກ​ນັ້ນ

ຢູ່​ຈຸດ​ໃຈກາງ​ຂອງ​ໜອງ​ນ້ຳ​ໃຫຍ່ ​ແມ່ນ​ຈະ​ສ້າງ​ເປັນ​ສວນ​ອຸທິຍານ​ປະ​ຫວັດສາດ​ທີ່​ມີ​ຫໍ​ຊົມ​ວິວສູງ​ເຖິງ 153

​ແມັດ ທີ່​ສະ​ແດງ​ເຖິງ​ຄວາມ​ສວຍງາມ ​ແລະ ​ເປັນ​ເອກະລັກ​ຂອງ​ຊາດ​ລາວ.

 

ມາ​ຮອດ​ປະຈຸ​ບັນ ​ໂຄງການ​ດັ່ງກ່າວ​ແມ່ນ​ໄດ້​ລົງທຶນ​ໄປ​ແລ້ວ 50​ ລ້ານ​ໂດ​ລາ ຫຼື ປະມານ 400 ຕື້​ກີບ, ​ໂດຍ

​ສຸມ​ໃສ່ບັນດາ​ໜ້າ​ວຽກ​ທີ່​ສຳຄັນ ​ແລະ ​ໃນ​ນີ້ ກໍ​ເຫັນ​ວ່າ​ມີ​ບາງ​ໜ້າ​ວຽກ​ທີ່​ໄດ້​ສຳ​ເລັດ​ແລ້ວ ​ເປັນຕົ້ນ​ແມ່ນ

ການ​ຈົກ​ໜອງນ້ຳ​ໃຫຍ່ ກວ້າງ 50 ​ເຮັກຕາ, ​ເລີກ 7​ ແມັດ, ຄອງ​ນ້ຳທີ່​ອ້ອມ​ຮອບ​ບຶງ, ການ​ກໍ່ສ້າງ​ສຳນັກ

ງານ​ຫ້ອງການ​ບໍລິຫານ​ພາຍ​ໃນ​ເຂດ, ການ​ສ້າງເສັ້ນທາງ​ປູເບ​ຕົງ​ພາຍ​ໃນ​ເຂດ, ການຈັດ​ສັນ​ຕອນ​ດິນ,

ການ​ປູກ​ຕົ້ນ​ໄມ້​ປະດັບ ​ແລະ ຕົ້ນ​ໄມ້​ຫາ​ຍາກ​ທີ່​ມີ​ຄຸນຄ່າ​ສູງ​ຂອງ​ລາວຢູ່​ພາຍ​ໃນເຂດ, ການ​ສ້າງ​ປະຕູ​ໂຂງ

​ເຂົ້າ​ເຂດ ​ແລະ ຂະນະ​ນີ້ ກໍກຳລັງ​ສຸມ​ໃສ່ວຽກກໍ່ສ້າງ​ອາຄານ​ໂຄ​ໂດ​ມິນ​ນຽມ ທ່ານລັດຖະມົນຕີ​ຊ່ວຍ​ວ່າການ

​ຫ້ອງ​ວ່າການ​ລັດຖະບານ, ຮອງ​ປະທານຫົວໜ້າກອງ​ເລຂາ​ຄະນະ​ກຳມະການ​ແຫ່ງ​ຊາດ​ລາວ ​ເພື່ອ​ຄຸ້ມ​ຄອງ

​ເຂດ​ເສດຖະກິດ​ພິ​ເສດ ​ແລະ ​ເຂດ​ເສດຖະກິດ​ສະ​ເພາະ (ຂພສ) ກ່າວ​ຕື່ມ.

 

ແຫຼ່ງຂ່າວ: http://www.sedthakid.la/khao/19798.spc

ບົດຄວາມຫຼ້າສຸດ

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...

ການສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ພ້ອມຂົວຂ້າມນໍ້າຂອງ 1 ແຫ່ງ

ສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ແຫຼ່ງຂ່າວຈາກ ແຂວງຫຼວພະບາງ ໃຫ້ຮູ້ວ່າ: ພິທີເຊັນສັນຍາໃນການສຳຫຼວດ-ອອກແບບ, ຄິດໄລ່ປະເມີນມູນຄ່າໂຄງການ, ຂຽນບົດວິພາກເສດຖະກິດ-ເຕັກນິກ, ສຶກສາຜົນກະທົບສິ່ງແວດລ້ອມ-ສັງຄົມ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ...

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...