ແມ່ນຢູ່ວ່າລິ້ວລອຍ ຕ້ອງເພີ່ມຂຶ້ນຕາມໄວອາຍຸ ຖ້າອາຍຸຫຼາຍຂຶ້ນ ລິ້ວລອຍກໍຕ້ອງເພີ່ມຂຶ້ນ ແຕ່ຮູ້ບໍວ່າ ມີພຶດໃນຊີວິດປະຈຳວັນຂອງທ່ານ 9 ຢ່າງ ທີ່ຊ່ວຍໃຫ້ລິ້ວລອຍເທິງໃບໜ້າເກີດຂຶ້ນກ່ອນໄວ ລອງມາເບິ່ງນໍາກັນວ່າມີຫຍັງແດ່ ເພື່ອທີ່ຈະກຳຈັດພຶດຕິກຳດັ່ງກ່າວ
- ສູບຢາ: ແນ່ນອນວ່າ ການສູບຢາ ເປັນສາເຫດສຳຄັນ ຂອງການເກີດລິ້ວລອຍ, ແພດຜູ້ຊ່ຽວຊານດ້ານຜິວໜັງ ແລະໄສຍະກຳຕົບແຕ່ງ ເວົ້າວ່າ ຖ້າບໍ່ຢາກມີລິ້ວລອຍ ໜ້າແກ່ກ່ອນໄວ ຄວນເຊົາສູບຢາ
- ການກິນນໍ້າຕານຫຼາຍ: ຖ້າຕ້ອງການໃຫ້ຜິວພັນເບິ່ງແລ້ວອ່ອນກວ່າໄວ ແລະມີສຸຂະພາບດີ ບໍ່ຄວນກິນນໍ້າຕານຫຼາຍ ເພາະການກິນນໍ້າຕານ ຫຼືສິ່ງທີ່ຫວານຫຼາຍ ຈະເຮັດໃຫ້ຕຸ້ຍ ແລະຄວາມຕຸ້ຍນັ້ນ ຈະເຮັດໃຫ້ແກ່ກ່ອນໄວອັນຄວນ
- ກິນທາດແອວກໍຮໍ: ແພດຜູ້ຊ່ຽວຊານດ້ານການໄສຍະກຳຕົບແຕ່ງ ບອກວ່າ ການກິນທາດແອວກໍຮໍທຸກຊະນິດ ຈະເຮັດໃຫ້ຜິວແຫ້ງ, ເຮັດໃຫ້ຕື່ນໃນຕອນເຊົ້າບໍ່ສົດຊື່ນ, ຫາກກິນຕະຫຼອດຈະເຮັດໃຫ້ຜິວໜັງ ເກີດລິ້ວລອຍໄດ້ງ່າຍ, ເນື່ອງຈາກຂາດຄວາມຊຸ່ມຊື່ນ, ນອກຈາກນັ້ນ ແອວກໍຮໍ ຍັງສົ່ງຜົນກະທົບຕໍ່ ລະດັບວິຕາມິນໃນຮ່າງກາຍ ເຊິ່ງວິຕາມິນດັ່ງກ່າວ ມີຄວາມສຳພັນຕໍ່ອະນຸມູນອິດສະລະ ແລະການສ້າງເຊວໃໝ່ ຂອງຜິວໜັງ ແລະຮ່າງກາຍ
- ບໍ່ລ້າງເຄື່ອງສຳອາງ: ຫາກເຈົ້າຕ້ອງນອນ ໂດຍບໍ່ລ້າງເຄື່ອງສຳອາງອອກໃຫ້ໝົດເສຍກ່ອນ ແນ່ນອນວ່າ ຈະເຮັດໃຫ້ເກີດລິ້ວລອຍ, ດັ່ງນັ້ນ ຖ້າຢາກຮັກສາໜ້າໃຫ້ອ່ອນເຍົາດົນໆ ຄວນລ້າງເຄື່ອງສຳອາງອອກໃຫ້ໝົດກ່ອນເຂົ້ານອນທຸກຄັ້ງ
- ແກະສິວ: ຄວນເຊົາການແກະສິວ ຄວນປ່ອຍໃຫ້ມັນຫຼຸດອອກມາເອງ ຫຼືອາດຈະໃຊ້ຜະລິດຕະພັນຈາກທຳມະຊາດ ເພື່ອຫຼຸດການເກີດສິວ ໃຫ້ຄິດໄວ້ສະເໝີວ່າ ທຸກເທື່ອທີ່ເຮົາແກະສິວ ຈະເຮັດໃຫ້ເກີດການລະຄາຍເຄືອງ ເຮັດໃຫ້ເກີດເປັນແຜ ແລະລິ້ວລອຍເວລາຕໍ່ມາ
- ວິທີແຕ່ງໜ້າ: ທີ່ຕ້ອງອາໄສການດຶງ, ການຍືດ ຜິວໜັງສ່ວນຕ່າງໆ ເທິງໃບໜ້າ, ການດຶງ ຫຼືການຢືດໜ້າ ຈະເຮັດໃຫ້ຜິວໜັງເກີດລິ້ວລອຍໄດ້ງ່າຍ
- ບໍ່ໃຊ້ຄີມກັນແດດ: ມີຫຼາຍຄົນບໍ່ມັກໃຊ້ຄີມກັນແດດ ເພາະເສຍເວລາ ແຕ່ເຊື່ອວ່າ ການຖືກແສງແດດແຮງໆ ບໍ່ພໍເທົ່າໃດນາທີ ຈະສ້າງຄວາມເສຍຫາຍໃຫ້ກັບຄໍລາເຈນ ແລະແສງແດດກໍເປັນສາເຫດໜຶ່ງ ທີ່ສຳຄັນຂອງການເກີດລິ້ວລອຍ
- ການນອນຂວໍ້າ: ເວເຮົານອນຂວໍ້າໃບໜ້າຂອງເຮົາຖືກເຕັງກັບໝອນ ເຊິ່ງນັ້ນກໍເປັນສາເຫດໜຶ່ງຂອງການເກີດລິ້ວລອຍ ທາງທີ່ດີຄວນນອນໝອນທີ່ໜຸ້ມ ຫຼືຄວນນອນຫງາຍຈະດີທີ່ສຸດ
ຕິດຕາມນານາສາລະ ກົດໄລຄ໌ເລີຍ!