ສຳນັກຂ່າວຕ່າງປະເທດ ລາຍງານໃນວັນທີ 14 ພະຈິກຜ່ານມານີ້ວ່າ ທ່ານ ຟຣອງຊົວ ໂອລອງ ປະທານາທິບໍດີຝຣັ່ງ ໄດ້ເຂົ້າຮ່ວມໃນພິທີ ເປີດປ້າຍຈາລຶກເຫດການ ຄົບຮອບ 1 ປີ ກຸ່ມກໍ່ການຮ້າຍໄອເອັສ ໂຈມຕີນະຄອນຫລວງປາຣີ 6 ຈຸດພ້ອມກັນ ເປັນເຫດເຮັດໃຫ້ມີຜູ້ເສຍຊີວິດລວມ 130 ຄົນ ແລະ ບາດເຈັບອີກຫລາຍຮ້ອຍຄົນ.
ທ່ານ ມານູເອວ ວາສ ນາຍົກລັດຖະມົນຕີຝຣັ່ງ ໄດ້ໃຫ້ສຳພາດຜ່ານສະຖານີໂທລະພາບບີບີຊີວ່າ ການປະກາດພາວະສຸກເສີນ ນັບຕັ້ງແຕ່ໂສກນາຕະກຳຄັ້ງດັ່ງກ່າວ ອາດຈະມີການຂະຫຍາຍເວລາອອກໄປອີກ ປະມານ 2-3ເດືອນ ເພື່ອໃຫ້ລັດຖະບານໄດ້ເດີນໜ້າ ຫາສຽງເລືອກຕັ້ງປະທານາທິບໍດີ ໃນອີກບໍ່ພໍເທົ່າໃດອາທິດຂ້າງໜ້ານີ້ ຊຶ່ງຈະຕ້ອງໄດ້ລະມັດລະວັງຢ່າງສູງ ຈາກການໂຈມຕີຂອງກຸ່ມກໍ່ການຮ້າຍ.
ຕິດຕາມເຮົາທາງFacebook ກົດຖືກໃຈເລີຍ!