ສຳນັກຂ່າວຕ່າງປະເທດ ລາຍງານໃນວັນທີ 15 ພະຈິກນີ້ວ່າ ເຮືອບິນສູ້ຮົບ MIG-29 ຂອງກອງທັບຣັດເຊຍ ໄດ້ຕົກລົງໃນທະເລເມດິແຕຣານຽນ ຂະນະທີ່ນັກບິນກຳລັງເຝິກຊ້ອມ ນຳເອົາເຮືອບິນລົງຈອດ ເທິງກຳປັ່ນບັນທຸກເຮືອບິນ Admiral Kuznetsov ຊຶ່ງເປັນໜຶ່ງໃນກອງເຮືອກຳປັ່ນສູ້ຮົບຂອງຣັດເຊຍ ທີ່ຖືກສົ່ງໄປປະຈຳການໃກ້ກັບຊາຍຝັ່ງປະເທດຊີຣີ.
ກະຊວງປ້ອງກັນປະເທດຣັດເຊຍ ໄດ້ອອກມາລະບຸວ່າ ສາເຫດທີ່ເຮັດໃຫ້ເຮືອບິນລຳດັ່ງກ່າວຕົກ ເກີດຈາກຄວາມຂັດຂ້ອງທາງເຕັກນິກ ລະຫວ່າງການເຝິກຊ້ອມບິນ ໂດຍເຮືອບິນຕົກຢູ່ຫ່າງຈາກກຳປັ່ນບັນທຸກເຮືອບິນ ພຽງບໍ່ພໍເທົ່າໃດກິໂລແມັດ, ສ່ວນນັກບິນ ສາມາດດີດຕົວອອກຈາກເຄື່ອງໄດ້ຢ່າງປອດໄພ ແລະ ໄດ້ຮັບການຊ່ວຍເຫລືອໂດຍໜ່ວຍກູ້ໄພແລ້ວ.
ຕິດຕາມເຮົາທາງFacebook ກົດຖືກໃຈເລີຍ!