ອີງຕາມການລາຍງານຂອງສຳນັກຂ່າວຕ່າງປະເທດລາຍງານເມື່ອວັນທີ 12 ພະຈິກຜ່ານມານີ້ວ່າ ກຸ່ມຜູ້ປະທ້ວງຄົນເກົາຫຼີໃຕ້ ເປັນແສນຄົນໄດ້ອອກມາຮວມໂຕກັນ ໃນໃຈກາງກາງກຸງໂຊນ ເມືອງຫຼວງຂອງປະເທດ ເພື່ອຮຽກຮ້ອງ ແລະຂັບໄລ່ ທ່ານນາງ ປາກກຶນເຮ ປະທານາທິບໍດີຂອງປະເທດ ໃຫ້ລາອອກຈາກຕຳແໜ່ງ ຫຼັງເກີດເລື່ອງທີ່ບໍ່ດີເກີດຂຶ້ນຫຼາຍຢ່າງ ນັບວ່າເປັນການປະທ້ວງຄັ້ງຍິ່ງໃຫຍ່ທີ່ສຸດໃນຮອບຫຼາຍສິບປີ
ຕາມການລາຍງານ ໄດ້ບອກວ່າ ບັນຍາກາດໃຈກາງກຸງໂຊນ ແມ່ນມີປະຊາຊົນຈຳນວນຫຼາຍແສນຄົນ ທີ່ໄດ້ກໍພ້ອມກັນອອກມາປະທ້ວງຕໍ່ຕ້ານລັດຖະບານ ແລະຕ້ອງການໃຫ້ ທ່ານນາງ ປາກກຶນເຮ ຜູ້ນຳຂອງປະເທດ ໃຫ້ລາອອກຈາກຕຳແໜ່ງ ປະທານາທິບໍດີ, ໃນມື້ນັ້ນ ເປັນວັນພັກວຽກ ຈຶ່ງເຮັດໃຫ້ມີປະຊາຊົນຈຳນວນຫຼາຍ ມາຮ່ວມຊຸມນຸມໃນຄັ້ງນີ້, ມີກໍາລັງເຈົ້າໜ້າທີ່ຕໍາຫຼວດມາປ້ອງກັນ 30.000 ຄົນ ເພື່ອບໍ່ໃຫ້ເກີດອັນຕະລາຍຂຶ້ນ. ກຸ່ມຜູ້ປະທ້ວງ ຕ່າງພາກັນຮ້ອງຂັບໄລ່ຜູ້ນຳປະເທດ ພ້ອມທັງຊູປ້າຍປະທ້ວງ ແລະຫຸ່ນເຊີດຕ່າງໆຂຶ້ນ.
