ສຳນັກຂ່າວຕ່າງປະເທດ ລາຍງານໃນໍວັນທີ 10 ພະຈິກຜ່ານມານີ້ວ່າ ທ່ານ ເລຫາຍບິ່ງ ໂຄສົກກະຊວງການຕ່າງປະເທດຫວຽດນາມໄດ້ຖະແຫລງເນື່ອງໃນໂອກາດທີ່ ທ່ານ ໂດນັນ ທຣັມ ໄດ້ຮັບການເລືອກຕັ້ງເປັນປະທານາທິບໍດີ ສະຫະລັດອາເມຣິກາ ເມື່ອວັນທີ 09 ພະຈິກທີ່ຜ່ານມານີ້, ທ່ານປະທານປະເທດຫວຽດນາມ ເຈິ່ນດາຍກວາງ ແລະ ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ສົ່ງໂທລະເລກຊົມເຊີຍເຖິງ ທ່ານ ທຣັມ ໂດຍໃນໂທລະເລກມີເນື້ອໃນບາງຕອນຂຽນວ່າ “ ຍາມໃດຫວຽດນາມ ກໍຖືເປັນສຳຄັນການພົວພັນມິດຕະພາບ, ການຮ່ວມມືກັບອາເມຣິກາ ແລະ ປາດຖະໜາວ່າ ສອງປະເທດຈະສືບຕໍ່ຊຸກຍູ້, ເຮັດໃຫ້ການພົວພັນຄູ່ຮ່ວມມືຮອບດ້ານໃຫ້ເລິກເຊິ່ງກວ່າເກົ່າ ຕາມທິດແທດຈິງ, ໝັ້ນຄົງ, ຍາວນານ, ພິເສດແມ່ນໃນຂົງເຂດເສດຖະກິດ, ການຄ້າ ແລະ ການລົງທຶນ, ວິທະຍາສາດ-ເຕັກໂນໂລຊີ ແລະ ການສຶກສາ-ບຳລຸງສ້າງ, ການປ້ອງກັນຊາດ-ປ້ອງກັນຄວາມສະຫງົບ, ກໍຄືເພີ່ມທະວີການຮ່ວມມື ກ່ຽວກັບບັນດາບັນຫາພາກພື້ນ ແລະ ສາກົນ”.
ຕິດຕາມເຮົາທາງFacebook ກົດຖືກໃຈເລີຍ!