ເຈົ້າໜ້າທີ່ນິຕິເວດເນເທີແລນ ເຜີຍສົບຜູ້ເສຍຊີວິດຈາກ MH17 ຕົກ ຖືກສົ່ງມາພຽງແຕ່ 200 ສົບ
ບໍ່ແມ່ນ 282 ສົບ ຕາມທີ່ກຸ່ມແບ່ງແຍກດິນແດນຂອງອູແກຣນອ້າງ ພ້ອມປະກາດວ່າຈະບໍ່ກັບຄືນ
ປະເທດ ຈົນກ່ວາຈະພົບສົບຄົບຕາມຈຳນວນ.
ສື່ີຂອງຕ່າງປະເທດລາຍງານວ່າ ທ່ານ ແຍນ ທັນເດີ ຫົວໜ້າທີມນິຕິເວດຂອງປະເທດເນເທີແລນ
ເຜີຍວ່າ ສົບຂອງຜູ້ເສຍຊີວິດຈາກຖ້ຽວບິນ MH17 ທີ່ຖືກຍິງຕົກລົງທາງພາກຕາເວັນອອກຂອງ
ອູແກຣນ ທີ່ຖືກສົ່ງມາທາງລົດໄຟ ມີພຽງແຕ່ 200 ສົບເທົ່ານັ້ັນ ບໍ່ແມ່ນ 282 ສົບ ຕາມທີ່ກຸ່ມແບ່ງ
ແຍກດິນແດນຂອງອູແກຣນກ່າວອ້າງ ພ້ອມທັງກ່າວວ່າ ເຈົ້າໜ້າທີ່ທັງໝົດວາງແຜນທີ່ຈະເດີນ
ທາງກັບໄປຄົ້ນຫາໃນພື້ນທີ່ຈຸດທີ່ເຮືອບິນຕົກອີກຄັ້ງ ແລະ ປະກາດວ່າ ພວກເຂົາຈະບໍ່ອອກໄປຈາກ
ອູແກຣນ ຈົນຖ່ວາສົບຂອງຜູ້ເສຍຊີວິດທັງໝົດ ຈະຖືກຂົນຍ້າຍກັບຄືນປະເທດ.
ໃນຂະນະທີ່ ນາຍົກລັດຖະມົນຕີ ເດວິດ ຄາເມຣອນ ຂອງອັງກິດ ປະກາດຍອມຮັບຂໍ້ຮຽກຮ້ອງຂອງ
ເນເທີແລນຜ່ານທາງທະວິດເຕີ ໃນການຂໍຊຸດສືບສວນອຸບັດຕິເຫດທາງອາກາດຈາກອັງກິດ ເຂົ້າ
ມາຊ່ວຍກູ້ເອົາຂໍ້ມູນຈາກກ່ອງດຳ ຂອງຖ້ຽວບິນທີ MH17 ທີ່ຖືກຍິງຕົກ ເມື່ອວັນທີ 17 ກໍລະກົດຜ່ານ
ມາ ເຊິ່ງຜູ້ນຳອັງກິດໄດ້ສັ່ງການໃຫ້ເຈົ້າໜ້າທີ່ຂອງຕົນ ເດີນທາງໄປຍັງອູແກຣນ ຕາມທີ່ເນເທີແລນ
ຮ້ອງຂໍແລ້ວ.