ສຳນັກຂ່າວຣອຍເຕີ້ ລາຍງານໃນວັນທີ 9 ພະຈິກຜ່ານມານີ້ວ່າ ປະທານາທິບໍດີຄົນໃໝ່ຂອງ ສະຫະລັດອາເມຣິກາ ທ່ານ ໂດນັນ ທຣັມ ອາດພະຍາຍາມປັບປຸງຄວາມສຳພັນ ລະຫວ່າງ ສະຫະລັດອາເມຣິກາ ແລະ ຣັດເຊຍ ໂດຍທ່ານເຄີຍໄດ້ລະບຸໃນໄລຍະຜ່ານມາວ່າ ຕົນເອງຈະເປີດໃຈກວ້າງ ແລະ ຫັນເຂົ້າຫາ ປະທານາທິບໍດີ ວະລາດີເມຍ ປູຕິນ ໃນຂະນະທີ່ລັດຖະບານອາເມຣິກາຊຸດປັດຈຸບັນ ດຳເນີນນະໂຍບາຍທີ່ແຂງກະດ້າງ ແລະ ເຫັນຣັດເຊຍເປັນໄພຄຸກຄາມຂອງປະເທດ.
ທ່ານ ໂດນັນ ທຣັມ ໄດ້ໃຫ້ສຳພາດກັບສຳນັກຂ່າວຣອຍເຕີ ເມື່ອເດືອນຜ່ານມານີ້ວ່າ ” ຂ້າພະເຈົ້າຫວັງທີ່ຈະມີຄວາມສຳພັນທີ່ດີກັບຣັດເຊຍ ແລະ ຂ້າພະເຈົ້າຫວັງທີ່ຈະມີຄວາມສຳພັນໄມຕີທີ່ດີກັບປູຕິນ, ຖ້າຫາກເຮົາມີຄວາມສຳພັນທີ່ດີຣັບຣັດເຊຍ ມັນຈະກາຍເປັນເລື່ອງທີ່ວິເສດຫລາຍ ”
ຕິດຕາມເຮົາທາງFacebook ກົດຖືກໃຈເລີຍ!