ເລຂາທິການໃຫຍ່ສະຫະປະຊາຊາດ (UN) ໄດ້ຖະແຫຼງຢູ່ກອງປະຊຸມຄະນະມົນຕີຄວາມໝັ້ນຄົງແຫ່ງສະຫະປະຊາຊາດ
ໂດຍເຊື່ອໝັ້ນວ່າ ການສູ້ຮົບລະຫວ່າງປາເລດຕິນ ແລະ ອິດສະລາແອນນັ້ນ ໃກ້ຈະສິ້ນສຸດແລ້ວ.
ສື່ຕ່າງປະເທດລາຍງານວ່າ ທ່ານ ບັນ ກີ ມູນ ເລຂາທິການໃຫຍ່ ອົງການສະຫະປະຊາຊາດ (ສປຊ) ໄດ້ຖະແຫຼງໃນລະ
ຫວ່າງການປະຊຸມຜ່ານລະບົບວີດີໂອຄອນເຟີເຣັນ ຈາກເມືອງຣາມັນລາ ໃນເຂດເວດແບັງ ຂອງປາເລດຕິນ ເຖິງທີ່
ປະຊຸມຄະນະມົນຕີຄວາມໝັ້ນຄົງ ແຫ່ງສະຫະປະຊາຊາດວ່າ ເຂົາມີຄວາມຫວັງ ແລ ເຊື່ອໝັ້ນວ່າ ພາລະກິດຮີບດ່ວນ
ໃນການເດີນທາງມາຢ້ຽມຢາມພູມີພາກຕາເວັນອອກກາງ ຈະສາມາດຢຸຕິການສູ້ຮົບ ໃນເຂດກາຊາ ລະຫວ່າງກຸ່ມຮາ
ມັສຂອງປາເລດຕິນ ກັບກອງທັບຂອງອິດສະລາແອນ ໃນອານາຄົດອັນໃກ້ນີ້, ແຕ່ກໍຍັງບໍ່ສາມາດເປີດເຜີຍລາຍລະ
ອຽດ ເນື່ອງຈາກຍັງເປັນປະເດັນທີ່ລະອຽດອ່ອນ ເຊິ່ງໃນລະຫວ່າງການຖະແຫຼງຂອງບັນ ກີ ມູນ ນັ້ນ ກໍຍັງມີສຽງເປີດ
ໄຊເຣນເຕືອນໄພທາງອາກາດດັງສອດແຊກເຂົ້າມາອີກດ້ວຍ.
ເລຂາທິການໃຫຍ່ UN ໄດ້ເດີນທາງໄປຢ້ຽມຢາມປະເທດກາຕ້າ, ຄູເວດ, ກຸງໄຄໂລຂອງອີຢິບ ແລະ ກຸງຢາລູຊາເລັມ
ຂອງອິດສະລາແອນແລ້ວ ເຊິ່ງລຳດັບຕໍ່ໄປເຂົາຈະໄປຢ້ຽມຢາມປະເທດຈໍແດນ ແລະ ຊາອຸດິອາລາບີ ເຊິ່ງຖືເປັນພາ
ລະກິດເພື່ອຄວາມເປັນເອກະພາບ ແລະ ສັນຕິພາບ ໃນຂະນະທີ່ອິດສະລາແອນ ສູ້ຮົບກັບກຸ່ມຮາມັສເປັນຄັ້ງທີ 3
ແລ້ວ ໃນຮອບ 5 ປີທີ່ຜ່ານມາ.