ໃບໝາກຫຸ່ງມີຄວາມສາມາດຮັກສາພະຍາດໄຂ້ເລືອດອອກໄດ້ ເພາະມັນມີເອນໄຊທີ່ມີປະໂຫຍດເຊັ່ນ: ພາເພອິນ ແລະປາເປນ ເຊິ່ງມີສ່ວນສຳຄັນ ໃນການເພີ່ມເມັດເລືອດ, ນອກຈາກນີ້ ເອນໄຊ ໃນໃບໝາກຫຸ່ງ ຍັງມີວິຕາມິນຫຼາຍເຊັ່ນ ມີຄາໂບໄຮເດດ, ເຫຼັກ, ແຄວຊຽມ, ໂປຣຕີນ ແລະຟອດສະຟໍລັດ, ການທີ່ເຮັດນໍ້າໃບໝາກຫຸ່ງກິນຕ້ານໄຂ້ເລືອດອອກນັ້ນ ຕ້ອງໃຊ້ໃບໝາກຫຸ່ງດິບ ແລະເຮັດຕາມຂັ້ນຕອນ.
# ວິທີທີ່ 1:
ກະກຽມໃບໝາກຫຸ່ງດິບ 2 ໃບມາ ແລ້ວເອົາກ້ານ ແລະເສັ້ນໃຍອອກ, ຈາກນັ້ນເອົາມາຕໍາ ຫຼືຄັ້ນກັບນໍ້າ ຈົນໃຫ້ນໍ້າເປັນສີຂຽວ ແລ້ວຕອງເອົາແຕ່ນໍ້າ, ແລ້ວກິນນໍ້າໃບໝາກຫຸ່ງນັ້ນທັນທີ ເຊິ່ງມັນຈະຊ່ວຍຮັກສາອາການໃຫ້ດີຂຶ້ນ ແຕ່ຄວນກິນ 2 ເທື່ອຕໍ່ມື້ ຈົນກວ່າອາການຈະຄ່ອຍໆບັນເທົາລົງເຊົາ
# ວິທີທີ່ 2:
ການກະກຽມ ແມ່ນເອົາໃບໝາກຫຸ່ງດິບມາ 3 ໃບ ແລະນໍ້າໝາກໄມ້ (ເລືອກຕາມເຮົາມັກ) ມາ 2 ບ່ວງແກງ, ຫຼັງຈາກນັ້ນເອົາໃບໝາກຫຸ່ງທີ່ເອົາກ້ານ ແລະເສັ້ນໃຍອອກນັ້ນ ມາປັ່ນໃສ່ນໍ້າໃຫ້ແຫຼກ ແລະໜຽວ, ຈາກນັ້ນກໍເອົານໍ້າໝາກໄມ້ລົງ ປະສົມໃຫ້ເຂົ້າກັນ, ແລ້ວກໍຕອງເອົາແຕ່ນໍ້າມາກິນ, ໃນມື້ໜຶ່ງກິນ 2 ເທື່ອ ຕິດຕໍ່ກັນເປັນເວລາ 1 ອາທິດ ອາການຂອງໄຂ້ເລືອດອອກຈະຄ່ອຍໆຫຼຸດລົງທັນທີ
ຕິດຕາມນານາສາລະ ກົດໄລຄ໌ເລີຍ!