spot_img
Homeຂ່າວການພັດທະນາອຸດົມໄຊ ມີຊົນລະປະທານ 1,600 ແຫ່ງນໍາໃຊ້ເຂົ້າໃນການຜະລິດ

ອຸດົມໄຊ ມີຊົນລະປະທານ 1,600 ແຫ່ງນໍາໃຊ້ເຂົ້າໃນການຜະລິດ

Published on

ເນື່ອງໃນໂອກາດວັນຊົນ ລະປະທານແຫ່ງຊາດ (ວັນທີ 3 ພະຈິກ) ທີ່ໄດ້ໝູນວຽນມາອີກວາ ລະໜຶ່ງ  ທ່ານ ບຸນຍືມ ໄຊຍະເວັນ ຄະນະພັກຮາກຖານຮອງຫົວໜ້າ ພະແນກກະສິກຳ ແລະປ່າໄມ້ ແຂວງ ອຸດົມໄຊ ໄດ້ໃຫ້ສຳພາດວ່າ: ກົດໝາຍຊົນລະປະທານ ໄດ້ກຳນົດ ເອົາວັນທີ 3 ພະຈິກຂອງທຸກໆປີ ເປັນວັນຊົນລະປະທານແຫ່ງຊາດ ເປັນການປູກຈິດສຳນຶກກ່ຽວກັບ ຄວາມໝາຍສຳຄັນຂອງຊົນລະປະ ທານ ເພື່ອພ້ອມກັນສ້າງຂະບວນການອະນາໄມຄອງເໝືອງ ແລະ ປັບປຸງຊົນລະປະທານໃຫ້ດີຂຶ້ນ ກະກຽມສະໜອງນ້ຳໃຫ້ແກ່ການ ທຳການຜະລິດບໍ່ວ່າຈະເປັນລະດູ ຝົນ ຫຼື ລະດູແລ້ງກໍແມ່ນໃຫ້ມີຄວາມ ຮັບປະກັນດີຂຶ້ນ. ຍ້ອນເຫັນໄດ້ເຖິງ ຄວາມສຳຄັນຄືດັ່ງກ່າວ ຄະນະນຳ ພະແນກກະສິກຳ ກໍໄດ້ເອົາໄຈໃສ່ ໃນການຕິດຕາມກວດກາຊົນລະປະທານຈຸດທີ່ມີການເປ່ເພ ເພື່ອວາງແຜນປັບປຸງສ້ອມແປງ.

ທ່ານກ່າວອີກວ່າ ເນື່ອງໃນໂອກາດວັນຊົນລະປະທານແຫ່ງຊາດ 3 ພະຈິກ 2016 ນີ້ທາງພະແນກ ກະສິກຳ ແລະປ່າໄມ້ແຂວງ ກໍໄດ້ອອກແຈ້ງການໃຫ້ແຕ່ລະເມືອງ ໃຫ້ກະກຽມສ້າງຂະບວນການອະນາໄມຄອງເໝືອງ ປັບປຸງຊົນລະ ປະທານ ກະກຽມປ່ອຍນ້ຳ ເຂົ້າໃນການຜະລິດໃຫ້ໄດ້ຮັບໝາກຜົນ.

ທ່ານຍັງກ່າວຕື່ມວ່າ: ມາຮອດປະຈຸບັນທົ່ວແຂວງອຸດົມໄຊ ມີຊົນລະປະທານ ທັງໝົດ 1.600 ກວ່າແຫ່ງ ໃນນີ້ມີຝາຍນ້ຳລົ້ນ 500 ກວ່າແຫ່ງ, ມີອ່າງເກັບນ້ຳ 22 ແຫ່ງ, ຝາຍຊົນລະປະທານແບບປະຖົມປະຖານ 875 ແຫ່ງທີ່ເປັນທ່າແຮງໃນການຂັບເຄື່ອນ ວຽກງານກະສິກຳປ່າໄມ້ໃຫ້ປະສົບຜົນສຳເລັດ.

ໂອກາດດຽວກັນນີ້ທ່ານຍັງໄດ້ ຮຽກຮ້ອງໃຫ້ກຸ່ມການຊົມໃຊ້ ຊົນລະປະທານເອົາ​ໃຈໃສ່ໃນການປົກປັກຮັກສາ, ຄຸ້ມຄອງ ແລະນຳໃຊ້ ໃຫ້ຖືກຕ້ອງຕາມລະບຽບການ ແລະເກັບເງິນຄ່າຄຸ້ມຄອງຕາມທີ່ ໄດ້ກຳນົດໄວ້ເພື່ອບຳລຸງຮັກສາ ແລະສ້ອມແປງໃນເວລາເປ່ເພ່.

ຂ່າວ: ເສດຖະກິດ-ສັງຄົມ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...