ອີງຕາມການລາຍງານຂອງສຳນັກຂ່າວຕ່າງປະເທດເມື່ອວັນທີ 6 ພະຈິກວ່າ ມີລົດບູຮານປະມານ 600 ຄັນມາຮວມຕົວກັນໃນງານ Veteran Car Run ຄັ້ງທີ 120 ເຊິ່ງໄດ້ຈັດຂຶ້ນຢູ່ນະຄອນຫຼວງລອນດອນ, ລົດບູຮານເຫຼົ່ານັ້ນ ຈະແລ່ນອອກໄລຍະທາງ 60 ໄມ ຫຼືປະມານ 95 ກິໂລແມັດ, ຈາກບໍລິເວນສວນສາທາລະນະ Hyde park ໃນນະຄອນຫຼວງລອນດອນ ໄປຫາ Brighton ເຊິ່ງຢູ່ທາງໃຕ້ຂອງອັງກິດ, ລົດບູຮານດັ່ງກ່າວນີ້ ເປັນລົດທີ່ຖືກສ້າງຂຶ້ນມາ ໃນຊ່ວງປີ 1905 ເຊິ່ງເປັນລົດໃນສະໄໝປະຫວັດສາດ ແລະໄດ້ມາຮວມໂຕກັນແລ່ນໃນໂອກາດພິເສດ ເພື່ອເປັນການສະຫຼອງງານລົດບູຮານຄົບຮອບ 120 ປີ

ງານດັ່ງກ່າວ ໄດ້ຈັດຂຶ້ນທຸກປີ ໃນຊ່ວງອາທິດທຳອິດຂອງເດືອນພະຈິກໃສ່ຊື່ວ່າ Emancipation Run ໂດຍໄດ້ເລີ່ມມາຕັ້ງແຕ່ປີ 1896 ເຊິ່ງຜູ້ເລີ່ມຈັດງານນີ້ ເປັນກຸ່ມນັກຂັບລົດທີ່ຕ້ອງການເຮັດກິດຈະກຳຕອບຮັບ ກົດໝາຍການຂັບຂີ່ເທິງຖະໜົນໄອເວ ທີ່ອອກມາໃນປີ 1896 ເຊິ່ງມີການເພີ່ມຄວາມໄວ ໃຫ້ກັບການຂັບຂີ່ລົດປະເພດ Light vehicles ຈາກ 1-14 ກິໂລແມັດຕໍ່ຊົ່ວໂມງ ມາເປັນ 6-22.5 ກິໂລແມັດຕໍ່ຊົ່ວໂມງ