spot_img
Homeຂ່າວພາຍ​ໃນແຈ້ງການ: ປິດເສັ້ນທາງແຄມຂອງຊົ່ວຄາວ (ຂອບເຂດ​ສວນ​ເຈົ້າ​ອາ​ນຸ​ວົງ).

ແຈ້ງການ: ປິດເສັ້ນທາງແຄມຂອງຊົ່ວຄາວ (ຂອບເຂດ​ສວນ​ເຈົ້າ​ອາ​ນຸ​ວົງ).

Published on

ກະຊວງ​ໂຍທາ​ທິ​ການ ແລະ ຂົນສົ່ງ ນວ ເລກ​ທີ 4004/​ຍທຂ.ນວ
ພະ​ແນກ​ໂຍທາ​ທິ​ການ ແລະ ຂົນສົ່ງ ນວ ວັນ​ທີ 02 ພະຈິກ 2016
ເຖິງ: ບັນດາ​ສຳນັກງານ ອົງ​ການຈັດຕັ້ງ​ລັດ-ສາກົນ ພະນັກງານ ທະຫານ ຕຳຫຼວດ ນັບ​ທັງ​ພໍ່​ແມ່​ປະຊາຊົນ ນັກທຸລະກິດ ຊາວ​ຄ້າຂາຍ ແລະ ຜູ້​ໃຊ້​ລົດ​ໃຊ້​ຖະໜົນ​ທັງ​ໝົດ.
ເລື່ອງ: ການ​ປິດ​ການ​ສັນຈອນ​ຊົ່ວຄາວ​ຢູ່​ຖະໜົນ​ແຄມ​ຂອງ (ຂອບເຂດ​ສວນ​ເຈົ້າ​ອາ​ນຸ​ວົງ).
– ອີງ​ຕາມ​ໃບ​ສະເໜີ​ຂອງ​ຫ້ອງ​ວ່າການ​ປົກຄອງ-ເມືອງ​ຈັນທະ​ບູ​ລີ ສະບັບ​ເລກ​ທີ 1881/​ຫປມ.​ຈລ ຄັ້ງ​ວັນ​ທີ 27/10/2016.
– ອີງ​ຕາມ​ຄຳ​ເຫັນ​ຊີ້​ນຳ​ຂອງ​ຫົວໜ້າ​ພະ​ແນກ​ໂຍທາ​ທິ​ການ ແລະ ຂົນສົ່ງ ນະຄອນຫຼວງ​ວຽງ​ຈັນ ຄັ້ງ​ວັນ​ທີ 27/10/2016.
– ອີງ​ຕາມ​ການ​ປຶກສາ​ຫາລື ຄົ້ນຄວ້າ ຮ່ວມ​ກັບ​ພະ​ແນກ​ຈະລາຈອນ ນະຄອນຫຼວງ​ວຽງ​ຈັນ ຄັ້ງ​ວັນ​ທີ 31/10/2016.
– ອີງ​ຕາມ​ການ​ລົງ​ກວດກາ​ຕົວ​ຈິງ​ຂອງ​ວິຊາ​ການ ຂະແໜງ​ຄຸ້ມຄອງ​ການ​ຂົນສົ່ງ ຄັ້ງ​ວັນ​ທີ 1/11/2016.
ພະ​ແນກ​ໂຍທາ​ທິ​ການ ແລະ ຂົນສົ່ງ ນະຄອນຫຼວງ​ວຽງ​ຈັນ ຈຶ່ງໄດ້​ອອກ​ແຈ້ງ​ການ​ມາ​ຍັງສຳນັກງານ ອົງ​ການຈັດຕັ້ງ​ລັດ-ສາກົນ ພະນັກງານ ທະຫານ ຕຳຫຼວດ ນັບ​ທັງ​ພໍ່​ແມ່​ປະຊາຊົນ ນັກ​ທຸລະກິດ ຊາວ​ຄ້າຂາຍ ແລະ ຜູ້ນຳ​ໃຊ້ລົດ​ໃຊ້​ຖະໜົນ​ທັງ​ໝົດ ​ຈົ່ງ​ໄດ້​ຮັບ​ຮູ້ ແລະ ປະຕິບັດ​ດັ່ງນີ້:

1. ນັບ​ແຕ່​ວັນ​ທີ 9/11/2016 ຫາວັນ​ທີ 10/11/2016 ຈະ​ໄດ້​ປິດການ​ສັນຈອນ​ຊົ່ວຄາວ​ຢູ່​ຖະໜົນແຄມ​ຂອງ (ຂອບ​ເຂດ​ສວນ​ເຈົ້າອາ​ນຸ​ວົງ) ເນື່ອງ​ຈາ​ກວ່າ ຈະ​ມີການ​ຈັດ​ງານ​ສະເຫຼີມສະຫຼອງ ວັນ​ປະດິດສະຖານ ອາ​ນຸ​ສາ​ວະລີ ເຈົ້າ​ອາ​ນຸ​ວົງ ຄົບຮອບ 6 ປີ.
2. ມອບ​ໃຫ້​ພາກສ່ວນກອງຮ້ອຍ​ຈະລາຈອນ ເມືອງ​ຈັນທະ​ບູລີ ປະຈຳການ​ປະຕິບັດ​ໜ້າທີ່ຕາມ​ຈຸດ​ທີ່​ໄດ້​ກຳນົດ​ໄວ້.
3. ມອບ​ໃຫ້​ຂະແໜງ​ຄຸ້ມ​ຄອງການ​ຂົນສົ່ງ​ ສົມທົບ​ກັບ​ພະ​ແນກຈະລາຈອນ ນວ ກອງຮ້ອຍ​ຈະລາຈອນ ເມືອງ​ຈັນທະ​ບູ​ລີ ແລະ ຫ້ອງການ​ໂຍທາ​ທິ​ການ ແລະ ຂົນສົ່ງ ປະຈຳເມືອງ​ຈັນທະ​ບູ​ລີ ລົງ​ຕິດຕາມ​ການ​ກວດກາ ແລະ ຈັດ​ຕັ້ງ​ເຜີຍແຜ່​ແຈ້ງ​ການ ​ໃຫ້​ທຸກຄົນ​ທີ່​ນຳ​ໃຊ້​ລົດ​ໃຊ້​ຖະໜົນ​ຮັບ​ຮູ້ຢ່າງ​ທົ່ວ​ເຖິງ.
4. ແຈ້ງ​ການ​ສະບັບ​ນີ້​ມີ​ຜົນ​ສັກສິດ ນັບ​ແຕ່​ມື້​ລົງ​ລາຍ​ເຊັນ​ເປັນຕົ້ນ​ໄປ ທຸກ​ພາກສ່ວນ​ທີ່​ກ່ຽວຂ້ອງຈົ່ງ​ຮັບ​ຮູ້ ແລະ ພ້ອມ​ກັນ​ຈັດ​ຕັ້ງປະຕິບັດ​ແຈ້ງ​ການ​ສະບັບ​ນີ້​ຢ່າງເຂັ້ມ​ງວດ.

 

ຂ່າວຈາກ: ສຳນັກຂ່າວເອບີຊີລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...