ໃນຊຸມປີມານີ້ຫນ່ວຍງານ ຂໍ້ມູນຕ້ານການຟອກເງິນສາມາດກວດເຫັນການເຄື່ອນໄຫວທຸລະກຳທີ່ສົງໄສເປັນການ
ຟອກເງິນ 1 ຮ້ອຍກວ່າກໍລະນີຢູ່ທະນາຄານທຸລະກິດຈາກສະພາບດັ່ງກ່າວໃນ 4 ປີກ່ອນໜ້ານີ້ອົງການຕ້ານການຟອກ
ເງິນສາກົນຈັດລາວເຂົ້າບັນຊີສີເທົາ ແນວໃດກໍດີວານນີ້ຜູ້ແທນປະຊາຊົນໄດ້ລົງຄະແນນສຽງຮັບຮອງແລ້ວ ຮ່າງກົດ
ໝາຍຕ້ານຂະບວນການນີ້ໂດຍສະເພາະ.
ເພື່ອໃຫ້ສອດຄ່ອງກັບຍັດຕິສະພາຄວາມໝັ້ນຄົງຂອງອົງການສະຫະປະຊາຊາດສະບັບເລກທີ 1267 ປີ 1999 ແລະ
ເລກທີ 1373 ປີ 2001 ໃນປີດຽວກັນລັດຖະບານກໍໄດ້ມອບໝາຍໃຫ້ທະນາຄານແຫ່ງ ສປປ ລາວ ຫຼື ທຫລ ເປັນເຈົ້າ
ການຈັດຕັ້ງປະຕິບັດວຽກງານຕ້ານການຟອກເງິນ ແລະ ສະໜອງທຶນໃຫ້ແກ່ການກໍ່ການຮ້າຍ ຈາກນັ້ນ ທຫລ ກໍໄດ້
ແຕ່ງຕັ້ງຄະນະກຳມະການສະເພາະກິດ ເພື່ອຄົ້ນຄວ້າຮ່າງດຳລັດວ່າດ້ວຍການຕ້ານການຟອກເງິນພ້ອມຖືກປະກາດ
ໃຊ້ໃນປີ 2006 ແລະ ປີຕໍ່ມາກໍໄດ້ແຕ່ງຕັ້ງຫນ່ວຍງານຂໍ້ມູນຕ້ານການຟອກເງິນມີຖານະທຽບເທົ່າກັບກົມທີ່ຂຶ້ນກັບ
ທຫລ.
ຜ່ານການຈັດຕັ້ງປະຕິບັດນັບແຕ່ນັ້ນມາເຖິງປະຈຸບັນຂໍ້ມູນຈາກ ທຫລ ລະບຸວ່າ: ໜ່ວຍງານດັ່ງກ່າວສາມາດເກັບກຳ
ຂໍ້ມູນກ່ຽວກັບການເຄື່ອນໄຫວທຸລະກຳທີ່ສົງໄສວ່າເປັນການຟອກເງິນໄດ້ 104 ກໍລະນີຈາກທະນາຄານທຸລະກິດ ແລະ
ໄດ້ສົ່ງຂໍ້ມູນດັ່ງກ່າວໃຫ້ແກ່ເຈົ້າໜ້າທີ່ສືບສວນສອບສວນຈຳນວນ 15 ກໍລະນີຂະນະທີ່ໃນປີ 2010 ອົງການຕ້ານການ
ຟອກເງິນສາກົນ ໄດ້ມາປະເມີນຜົນການຈັດຕັ້ງວຽກງານຕ້ານການຟອກເງິນ ແລະ ການສະຫນອງທຶນໃຫ້ແກ່ການ
ກໍ່ການຮ້າຍຢູ່ລາວ ໂດຍຜົນປະເມີນໄດ້ຈັດໃຫ້ລາວເຂົ້າບັນຊີສີເທົາ.
ແນວໃດກໍດີ ເພື່ອເປັນເຄື່ອງມືອັນສຳຄັນເຮັດໃຫ້ການຄຸ້ມຄອງວຽກງານການຕ້ານ ແລະ ສະກັດກັ້ນການຟອກເງິນ
ມີຄວາມໜັກແໜ້ນຂຶ້ນກວ່າເກົ່າ ພາຍຫຼັງທີ່ມີການກະກຽມມາແຕ່ປີ 2011 ເປັນຕົ້ນມາ ໃນຕອນເຊົ້າຂອງວັນທີ 21
ກໍລະກົດຜ່ານມາທ່ານ ດຣ. ສົມພາວ ໄຟສິດ ຜູ້ວ່າການທະນາຄານແຫ່ງ ສປປ ລາວ ໄດ້ນຳຮ່າງກົດໝາຍວ່າດ້ວຍ
ການຕ້ານ ແລະ ສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍຂຶ້ນສະເໜີຕໍ່ກອງປະຊຸມ
ສະພາ ເພື່ອໃຫ້ບັນດາຜູ້ແທນປະຊາຊົນໄດ້ປະກອບຄວາມຄິດເຫັນ, ເຮັດໃຫ້ຮ່າງກົດໝາຍສະບັບດັ່ງກ່າວມີຄວາມຮັດ
ກຸມ, ສົມບູນ ຈະແຈ້ງຂຶ້ນກວ່າເກົ່າ ແລະ ໃນຕອນບ່າຍຂອງວັນດຽວກັນຮ່າງກົດໝາຍສະບັບດັ່ງກ່າວກໍຖືກຮັບຮອງ
ເອົາດ້ວຍຄະແນນສຽງສ່ວນຫຼາຍຈາກສະມາຊິກສະພາ.
ກົດໝາຍໃໝ່ນີ້ຈະເປັນເຄື່ອງມືສຳຄັນໃນການຕ້ານ, ສະກັດກັ້ນ, ຈຳກັດ ແລະ ກຳຈັດການກະທຳຜິດຂອງຂະບວນ
ການດັ່ງກ່າວເຮັດໃຫ້ລະບົບເສດຖະກິດການ ເງິນຂອງປະເທດມີຄວາມເຂັ້ມແຂງ, ໝັ້ນຄົງ, ສັງຄົມມີຄວາມສະຫງົບ
ໃນຍຸກແຫ່ງການເຊື່ອມໂຍງກັບພາກພື້ນ ແລະ ສາກົນ. ໂດຍກົດໝາຍສະບັບນີ້ປະກອບມີ VII ພາກ, 7 ຫມວດ ແລ
ະ 72 ມາດຕາ.
ແຫຼ່ງຂ່າວ: ໜັງສືພິມເສດຖະກິດ – ສັງຄົມ