spot_img
Home​ຂ່າວທ່ອງທ່ຽວ6 ເດືອນຕົ້ນປີ ນັກທ່ອງທ່ຽວເຂົ້າເຊກອງ 13 ພັນກ່ວາຄົນ

6 ເດືອນຕົ້ນປີ ນັກທ່ອງທ່ຽວເຂົ້າເຊກອງ 13 ພັນກ່ວາຄົນ

Published on

tareing-ethnic-house-2
ພາບນັກທ່ອງທ່ຽວຕ່າງປະເທດ ກັບຮູບຊົງເຮືອນຂອງເຜົ່າຕະຫຼ່ຽງ ອັນເປັນເອກະລັກທີ່ມີສະເໜ່ ຂອງແຂວງເຊກອງ

 

ເຊກອງແມ່ນໜຶ່ງໃນ 4 ແຂວງພາກໃຕ້ທີ່ມີຄວາມຫຼາກຫຼາຍໃນເລື່ອງຂອງສະຖານທີ່ທ່ອງທ່ຽວ ເປັນຕົ້ນ:

ທາງດ້ານທຳມະຊາດ, ປະຫວັດສາດ ແລະ ວັດທະນະທຳ ຊຶ່ງໃນແຕ່ລະປີມີນັກທ່ອງທ່ຽວ ເຂົາມາຢ້ຽມຊົມຫຼາຍ

ພັນຄົນ ແລະ ມີທ່າກ້າວຂຶ້ນທຸກໆປີ ເວົ້າໄດ້ວ່າເປັນຂະແໜງການໜຶ່ງທີ່ສຳຄັນຂອງແຂວງ ໃນການສ້າງລາຍ

ຮັບ, ຊຶ່ງເຫັນໄດ້ໃນ 6 ເດືອນຕົ້ນປີນີ້ ສາມາດສ້າງລາຍຮັບໄດ້ 2 ລ້ານກວ່າໂດລາສະຫະລັດ ສ່ວນດ້ານພື້ນຖານ

ຮອງຮັບນັກທ່ອງທ່ຽວ ແມ່ນໄດ້ຮັບການພັດທະນາ ແລະ ປັບປຸງຂຶ້ນຕາມລຳດັບ.

 

ທ່ານ ອຸໄທ ນິນດາສັກ ຫົວໜ້າຫ້ອງການບໍລິຫານ, ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ

ເຊກອງໃຫ້ຮູ້ໃນວັນທີ 15 ກໍລະກົດຜ່ານມານີ້ວ່າ: ຜ່ານການຈັດຕັ້ງປະຕິບັດວຽກງານ (ຖວທ) ໃນ 6 ເດືອນຜ່ານ

ມານີ້ ພວກເຮົາມີຜົນສຳເລັດຫຼາຍດ້ານ, ຊຶ່ງໃນນີ້ດ້ານວຽກງານການທ່ອງທ່ຽວພວກເຮົາໄດ້ເອົາໃຈໃສ່ຄຸ້ມຄອງ

ພັດທະນາ ແລະ ສົ່ງເສີມ ການທ່ອງທ່ຽວທີ່ມີທ່າແຮງຕິດພັນກັບການມີສ່ວນຮ່ວມຂອງປະຊາຊົນ, ເຊື່ອມໂຍງ

ການທ່ອງທ່ຽວໃນບັນດາ 4 ແຂວງພາກໃຕ້ ແລະໃນຂອບສາມຫຼ່ຽມພັດທະນາ (CLV), ໄດ້ຂຽນໂຄງການພັດທະ

ນາການທ່ອງທ່ຽວເຂົ້າແຜນບັນຊີຮຽກການລົງທຶນຂອງລັດ (2011-2020) ມີ 20 ກວ່າ ໂຄງການ ແລະ ຂຽນໂຄງ

ການລົງທຶນຂອງລັດພັດທະນາແຫຼ່ງທ່ອງທ່ຽວສົກ (2014 – 2015), ປະສານງານກັບພາກສ່ວນກ່ຽວຂ້ອງໃນການ

ຄຸ້ມຄອງແຫຼ່ງທ່ອງທ່ຽວແຫ່ງຕ່າງໆໃຫ້ມີຄວາມຍືນຍົງ, ສຸມໃສ່ຂະຫຍາຍ ແລະ ພັດທະນາການ ທ່ອງທ່ຽວອະນຸ

ລັກແບບປະຊາຊົນມີສ່ວນຮ່ວມ, ພ້ອມນັ້ນກໍ ໄດ້ມີການໂຄສະນາດ້ານການທ່ອງທ່ຽວຜ່ານ ສື່ຕ່າງໆເພື່ອດຶງດູດ

ນັກທ່ອງທ່ຽວເຂົ້າມາທ່ຽວຊົມແຂວງໃຫ້ນັບມື້ນັບຫຼາຍຂຶ້ນເລື້ອຍໆ.

 

ຜ່ານການລົງເກັບກຳສະຖິຕິນັກທ່ອງທ່ຽວໃນໄລຍະ 6 ເດືອນຕົ້ນປີ (2013 – 2014) ນີ້ມີນັກທ່ອງທ່ຽວເຂົ້າມາຢ້ຽມ

ຊົມແຂວງພວກເຮົາຢູ່ 13.140 ຄົນ, ໃນນີ້ນັກທ່ອງທ່ຽວພາຍ ໃນມີ 4.211 ຄົນ, ນັກທ່ອງທ່ຽວຕ່າງປະເທດ 2.753 ຄົນ

ແລະ ນັກທ່ອງທ່ຽວຊາຍແດນ 6.176 ຄົນ, ຊຶ່ງສາມາດສ້າງລາຍຮັບແກ່ຜູ້ປະກອບທຸລະກິດດ້ານການບໍລິການ ແລະ

ປະຊາຊົນ ໄດ້ 2.628.000 ໂດລາສະຫະລັດ.

 

ທ່ານ ອຸໄທ ນິນດາສັກ ໃຫ້ຮູ້ອີກວ່າ: ສ່ວນພື້ນຖານຮອງຮັບນັກທ່ອງທ່ຽວ ແມ່ນໄດ້ມີການພັດທະນາ ແລະ ປັບປຸງດີ

ຂຶ້ນ ຊຶ່ງປະຈຸບັນມີໂຮງແຮມ 9 ແຫ່ງ, ເຮືອນພັກ 27 ແຫ່ງ, ຮ້ານອາຫານ 23 ແຫ່ງ, ຮ້ານບັນເທີງ 25 ຮ້ານ ແລະ ບໍລິສັດ

ທ່ອງທ່ຽວມີ 1 ບໍລິສັດ.

 

(ໂດຍ: ສັນຍາ ແກ້ວໄຊຍະວົງ ຈາກໜັງສືພິມປະຊາຊົນ)

 

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...