ຫຼາຍຄົນຮູ້ຢູ່ດີແລ້ວວ່າເມື່ອ ໃດກໍ່ຕາມທີ່ຖືກໝາ, ແມວ ຫຼື ສັດລ້ຽງຊະນິດອື່ນໆເຊັ່ນ:ກະຕ່າຍ ກັດຈົນເປັນບາດແຜ ແລ້ວໄປຫາ ໝໍເພື່ອສີດວັກແຊງປ້ອງກັນໂລກ ພິດຈາກໝາວໍ້ ແລ້ວກໍປອດໄພ, ແຕ່ຮັບຮອງໄດ້ວ່າຍັງມີບາງຄົນທີ່ຍັງ ເຂົ້າໃຈຜິດ ຄິດວ່າໂລກນີ້ຈະຮັກສາຫາຍໄດ້ ຫາກຖືກກັດແລ້ວຮັກສາຕາມປົກກະຕິ ບໍ່ມີອາການຫຍັງ ກໍ່ອາດຈະປອດໄພ…ເພາະຫຼ້າສຸດມີເຄດຄົນເຈັບຖືກໝາກັດຈາກປະເທດເພື່ອບ້ານ ເຮັດຄວາມສະອາດ ຄິດວ່າບໍ່ມີຫຍັງຜິດປົກກະຕິຈົນເວລາລ່ວງເລີຍໄປ 2 ເດືອນ ຈິ່ງເລີ່ມມີອາການຄ້າຍກັບໝາວໍ້ບ້າ ຫຼັງຈາກມີອາການ ຄົນເຈັບກໍເສຍຊີວິດພາຍໃນ 5-11 ມື້ ເພາະພິດວໍ້ ຈາກໝາ.
# ອາການຜູ້ຕິດເຊື້ອພິດຈາກໝາວໍ້:
- ມີໄຂ້ຕໍ່າ, ຄັນເນື້ອຄັນຕົວ, ປວດເມື່ອຍ, ເຈັບຄໍ ແລະໄອແຫ້ງໆກະວົນກະວາຍ, ໄວຕໍ່ສິ່ງຮອບຂ້າງເຊັ່ນ: ສຽງດັງ ແລະ ແສງຈ້າ ຊຶ່ງເປັນອາການຜິດປົກກະຕິຂອງລະບົບປະສາດ, ໂດຍອາການເຫຼົ່ານີ້ເກີດຂຶ້ນເປັນໄລຍະສະຫຼັບກັນໄປ, ມີອາການກະຕຸກ ເມື່ອເຫັນນໍ້າໄດ້ຍິນ ຫຼື ຢູ່ມໍ່ນໍ້າ ບໍ່ ວ່າຈະຈາກກັອກນໍ້າ, ນໍ້າໃນຈອກ ຫຼື ນໍ້າຕາມເໝືອງຕາມຄອງ ຊຶ່ງ ເປັນທີ່ມາຂອງອາການທີ່ເຮົາເອີ້ນວ່າ ຢ້ານນໍ້າ.
- ນອກຈາກຢ້ານນໍ້າແລ້ວ ອາດຈະຢ້ານສິ່ງອ້ອມຂ້າງໆອື່ນໆ ເຊັ່ນ: ຢ້ານລົມ ເພາະຈະມີອາການ ກະຕຸກທັງຕົວ ແລະຄໍ, ກືນນໍ້າກືນ ອາຫານລຳບາກ, ນໍ້າລາຍເລີ່ມຍ້ອຍ ເພາະຕ່ອມນໍ້າລາຍຈະຕິດເຊື້ອໄປດ້ວຍເຮັດໃຫ້ຕ່ອມນໍ້າລາຍອອກມາຫຼາຍຂຶ້ນ.
- ຮູມ່ານຕາເປີດ, ໄວຕໍ່ແສງ ແລະບໍ່ມີປະຕິກີລິຍາຕໍ່ແສງ ແລະ ສິ່ງຮອບຂ້າງສະຫຼັບກັນ ໄປເລື້ອຍໆ, ຫົວໃຈເຕັ້ນໄວສະຫຼັບຊ້າ ແລະມີອາການທໍລະມານໄປເລື້ອຍໆ ຈົນກວ່າຈະເສຍຊີວິດ.
ດັ່ງນັ້ນ ເມື່ອໃດກໍ່ຕາມທີ່ຖືກ ສັດລ້ຽງກັດຄວນຟ້າວຮັກສາບາດແຜ ດ້ວຍນໍ້າສະອາດ, ຢາຂ້າເຊື້ອ, ຢາ ທາບາດແຜ ຈາກນັ້ນຟ້າວໄປໂຮງໝໍເພື່ອສີດວັກແຊງພາຍໃນ 24 ຊົ່ວໂມງ ເພາະເຊື້ອໝາວໍ້ບ້າສາ ມາດຢູ່ໃນຕົວເຮົາຈົນກວ່າຈະສະແດງອາການໄດ້ເປັນເດືອນ ຫຼື ອາດເຖິງປີ.
ຂ່າວ: ເສດຖະກິດ-ສັງຄົມ