ຢືນດົນ ຫຼື ຍ່າງຫຼາຍຈົນປວດຂາປວດຕີນ ເມື່ອກັບມາຮອດເຮືອນຈະບີບນວດກໍ່ຍັງບໍ່ດີຂຶ້ນ ໃນຄໍລຳ ສຸຂະພາບ ວັນນີ້ເຮົາຈະມາບອກວິທີຮັກສາອາການປວດຂາ, ປວດຕີນ ຍ້ອນຍ່າງຫຼາຍ ຫຼື ຢືນດົນ ໃຫ້ຫາຍດີໄວມາຝາກກັນ ລອງເຮັດເບິ່ງເດີ້ຮັບຮອງວ່າໄດ້ຜົນຕາມທີ່ຄິດໄວ້ແນ່ນອນ ແຕ່ຈະເຮັດແບບໃດນັ້ນເຮົາມາຮູ້ຈັກນຳກັນເລີຍ
- ນວດຝາຕີນດ້ວຍຕຸກນ້ຳເຢັນ ໂດຍການຢຽບຕຸກນ້ຳເຢັນແລ້ວເຄື່ອນໄປມາ ວິທີນີ້ຈະຊ່ວຍອາການປວດບໍລິເວນຝາຕີນໄດ້
- ແຊ່ຕີນລົງໃນນ້ຳເກືອອຸ່ນໆ ປະມານ 30ນາທີ ຈະຊ່ວຍຜ່ອນຄາຍອາການເຄັ່ງຕິງຂອງເສັ້ນເອັນບໍລິເວນຂໍ້ຕີນ ແລະ ຫຼຸດອາການບວມຂອງຕີນໄດ້
- ນອນລົງແລ້ວເອົາຂາທັງສອງເບື້ອງພາດຂາໃສ່ໜອນໃຫ້ຂາສູງຂຶ້ນ ປະມານ 5-10 ນາທີ ຈະຊ່ວຍຫຼຸດອາການປວດຂາ ແລະ ຊ່ວຍໃຫ້ເລືອດຈາກຂາກັບສູ່ຫົວໃຈໄດ້ສະດວດຂຶ້ນ
- ແກ້ເມື່ອສົ້ນນ່ອງດ້ວຍການຍຽດຂາອອກໄປຊື່ໆຈົນຂາຕຶງ ປະຄ້າງໄວ້ປະມານ 10-30 ວິນາທີ ຈາກນັ້ນກໍ່ສະລັບເບື້ອງເຮັດ
- ນອນຫງາຍເອົາຂາທັງສອງເບື້ອງຊັນກຳແພງ ປະມານ 5 ນາທີ ວິທີນີ້ຈະຊ່ວຍໃຫ້ເລືອດຢູ່ຕີນ ແລະ ຂາໄຫລວຽນດີຍິ່ງຂຶ້ນ
ຖ້າຮູ້ສຶກປວດເມື່ອຍທີ່ບໍລິເວນຕີນ ແລະ ຂາກໍ່ລອງເອົາວິທີທີສະໜີໄປຂ້າງເທິງນີ້ລອງໄປເຮັດເບິ່ງເດີ້
ຂໍ້ມູນຈາກ: http://health.kapook.com/view159793.html
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!