ສຳນັກຂ່າວຕ່າງປະເທດ ລາຍງານໃນວັນທີ 3 ພະຈິກນີ້ວ່າ ທ່ານ ໂຣດຣິໂກ ດູເຕີເຕ ປະທານາທິບໍດີຟິລິບປິນ ໄດ້ມີຄຳສັ່ງໃຫ້ປ່ອຍຕົວ ຊາຍຊາວປະມົງຫວຽດນາມ ຈຳນວນ 17 ຄົນ ທີ່ຖືກເຈົ້າໜ້າທີ່ຟິລິບປິນຈັບກຸມຕົວ ເມື່ອວັນທີ 8 ກັນຍາທີ່ຜ່ານມາ ດ້ວຍຂໍ້ຫາລ່ວງລ້ຳນ່ານນ້ຳຂອງຟິລິບປິນ, ໃນພິທີປ່ອຍຕົວ ແລະ ສົ່ງຊາວປະມົງຫວຽດນາມກັບປະເທດ ທ່ານ ດູເຕີເຕ ໄດ້ໃຫ້ຄວາມສຳຄັນ ດ້ວຍການເດີນທາງມາສົ່ງດ້ວຍຕົນເອງ ຊຶ່ງເປັນທ່າທີ່ທີ່ສະແດງໃຫ້ເຫັນເຖິງ ຄວາມເອົາໃຈໃສ່ຕໍ່ການພົວພັນຮ່ວມມື ແລະ ມິດຕະພາບ ລະຫວ່າງ ຟິລິບປິນ ແລະ ຫວຽດນາມ.
ໃນພິທີກ່າວອຳລາ ທ່ານ ດູເຕີເຕ ໄດ້ກ່າວຕໍ່ນັກການທູດ ແລະ ເຈົ້າໜ້າທີ່ຂອງລັດວ່າ ທ່ານໄດ້ສັ່ງໃຫ້ມີການຖອນຂໍ້ກ່າວຫາ ຕໍ່ບັນດາຊາວປະມົງຫວຽດນາມກຸ່ມນີ້ ເນື່ອງຈາກຜົນການສືບສວນພົບວ່າ ທັງໝົດເດີນທາງເຂົ້ານ່ານນ້ຳຟິລິບປິນ ພຽງເພື່ອຫລີກລ່ຽງສະພາບອາກາດທີ່ຮຸນແຮງເທົ່ານັ້ນ.
ຕິດຕາມເຮົາທາງFacebook ກົດຖືກໃຈເລີຍ!