ໄຂ່ໄກ່ ນັບວ່າເປັນອາຫານຊະນິດໜຶ່ງ ທີ່ຄົນລາວເຮົາມັກກິນ ເພາະເປັນອາຫານທີ່ເຮັດໄດ້ງ່າຍ, ໄວ ແລະສະດວກ ສຳລັບຄົນທີ່ຟ້າວ, ສາມາດເອົາມາເຮັດເປັນອາຫານ ແລະເປັນເຄື່ອງປະສົມຂອງອາຫານຫຼາຍຢ່າງ, ນອກຈາກນີ້ ຍັງມີຄຸນຄ່າ ທາງໂຄສະນາການສູງ, ໄຂ່ນີ້ຖ້າຫາກເຮົາເກັບໄວ້ບໍ່ດີ ຮັບຮອງວ່າເນົ່າໄດ້ ເຊິ່ງຄົນສ່ວນຫຼາຍມັກໃສ່ຕູ້ເຢັນ ຫຼືອຸນຫະພູມເຢັນ
ມື້ນີ້ເຮົາຈະມາແນະນຳເຄັບລັບ ການເກັບໄຂ່ໄວ້ດົນເຖິງ 1 ປີ ໂດຍທີ່ເຮົາບໍ່ຕ້ອງໄດ້ໃສ່ຕູ້ເຢັນ, ເຊິ່ງອາດຈະເປັນເລື່ອງທີ່ບໍ່ໜ້າເຊື່ອ ແຕ່ມັນກໍແມ່ນແທ້ ດ້ວຍວິທີການເຮັດດັ່ງຕໍ່ໄປນີ້: ເຈົ້າສາມາດເຮັດໄດ້ດ້ວຍການເຄືອບນໍ້າມັນພືດບາງໆ ເພື່ອບໍ່ໃຫ້ອົກຊີຊຶມເຂົ້າໄປໃນໄຂ່
# ວິທີການເຄືອບໄຂ່ໄກ່ດ້ວຍນໍ້າມັນພືດ
- ໃສ່ຖົງມືພາສຕິກກ່ອນ
- ຢອດນໍ້າມັນພືດລົງຖົງມືພາສຕິກທີ່ເຮົາໃສ່ນັ້ນ
- ຖູມື ໃຫ້ມີນໍ້າມັນໝາດໆ ທົ່ວຖົງມື
- ຈັບໄຂ່ຂຶ້ນມາ ແລ້ວຖູນໍ້າມັນຢູ່ມືເຮົານັ້ນໃຫ້ທົ່ວໄຂ່
- ເກັບໄຂ່ໄວ້ແຕະຄືເກົ່າ
ພຽງແຕ່ເຮັດເທົ່ານີ້ກໍສາມາດເກັບໄຂ່ໄວ້ໄດ້ດົນຮອດ 1 ປີ ໂດຍທີ່ບໍ່ຕ້ອງຢ້ານວ່າໄຂ່ນັ້ນຈະເນົ່າໄວອີກຕໍ່ໄປ, ລອງເອົາໄປເຮັດເບິ່ງຮັບຮອງວ່າໄດ້ຜົນ ແຖມຍັງເປັນວິທີແບບທຳມະຊາດ ບໍ່ເປັນອັນຕະລາຍຕໍ່ສຸຂະພາບໃນເວລາກິນອີກດ້ວຍ
ຕິດຕາມນານາສາລະ ກົດໄລຄ໌ເລີຍ!