ອີງຕາມການລາຍງານຂ່າວຈາກຕ່າງປະເທດ ເມື່ອວັນທີ 2 ຕຸລາຜ່ານມາວ່າ ໄດ້ມີເຫດການແຕ່ງງານທີ່ແປກຂຶ້ນທີ່ປະເທດລັດເຊຍ ໂດຍຄູ່ບ່າວສາວຕ້ອງການໃຫ້ໝີເປັນພະຍານຮັກໃຫ້, ທັງສອງມີຊື່ວ່າ Denis ແລະ Nelya ອາຍຸ 30 ປີ, ເຊິ່ງໃນວັນພິເສດນີ້ ພວກເຂົາເວົ້າວ່າ ຄືກັບຝັນທີ່ເປັນຈິງ ເພາະໝີ ມີຊື່ວ່າ ສະຕີເຟັ່ນ ມາຮ່ວມງານ ມາເຮັດໜ້າທີ່ແທນບາດຫຼວງ ແລະມອບຊໍ່ດອກໄມ້ໃຫ້ເຈົ້າສາວອີກ
ພາຍໃນບັນຍາກາດຂອງງານຖືກຈັດຂຶ້ນແບບນ່າຮັກ ຄືກັບວ່າຢູ່ກາງປ່າ ເຊິ່ງ Denis ເວົ້າວ່າ ພວກເຂົາຮູ້ກ່ອນແລ້ວວ່າສະຕີເຟັ່ນເປັນໝີທີ່ໃຈດີ ແຕ່ກໍຄິດຢ້ານໜ້ອຍໜຶ່ງ ແຕ່ວ່າພວກເຂົາກໍດີໃຈຫຼາຍ ເຊິ່ງທຸກຢ່າງຄືກັບຄວາມຝັນ ແລະຈະຈົດຈຳມື້ນີ້ຕະຫຼອດໄປ