ສຳນັກຂ່າວຕ່າງປະເທດລາຍງານວ່າ ຄະນະຜູ້ພິພາກສາສານສະຫະລັດ ໄດ້ສັ່ງໃຫ້ບໍລິສັດ ອາຣ໌ ເຈ ເຣໂນລດ໌
ຜູ້ຜະລິດຢາສູບລາຍໃຫຍ່ອັນດັບ 2 ຂອງສະຫະລັດ ຈ່າຍເງິນຊົດເຊີຍແກ່ພັນລະຍາຂອງຊາຍຊາວອາເມລິກັນ
ຜູ້ໜຶ່ງ ໃນລັດຟໍລິດາ ທີ່ເສຍຊີວິດຈາກການສູບຢາ ດ້ວຍໂລກມະເຮັງປອດ ເປັນມູນຄ່າມະຫາສານ ຈຳນວນ
23,000,000 ໂດລາສະຫະລັດ ຫຼື ປະມານ 184 ຕື້ກ່ວາກີບ.
ໂດຍກ່ອນໜ້ານີ້ ບໍລິສັດດັ່ງກ່າວ ໄດ້ຖືກນາງ ຊິນເທຍ ໂຣບິນສັນ ຟ້ອງສານ ເມື່ອປີ 2008 ວ່າສາມີຂອງນາງ
ເປັນຜູ້ເຄາະຮ້າຍທີ່ເສຍຊີວິດຈາກການສູບຢາ ຂອງບໍລິສັດຍັກໃຫຍ່ຜູ້ຜະລິດລາຍດັ່ງກ່າວ ໃນຂະນະທີ່ພາຍ
ຫຼັງຄຳຕັດສິນຂອງສານ ທະນາຍຄວາມຂອງ ນາງຊິນເທຍ ກໍກ່າວວ່າ ທີ່ຜ່ານມາບໍລິສັດດັ່ງກ່າວນີ້ ຮູ້ດີເຖິງ
ພິດໄພຂອງຢາສູບທີ່ຕົນເອງຜະລິດ ແຕ່ກໍຍັງຂາຍຢາສູບໃຫ້ແກ່ຜູ້ບໍລິໂພກ ໂດຍບໍ່ໄດ້ແຈ້ງເຖິງອັນຕະລາຍ
ທີ່ຜູ້ບໍລິໂພກຈະໄດ້ຮັບ ແລະ ຄວາມຕັດສິນໃຈຂອງສານໃນຄັ້ງນີ້ ເທົ່າກັບເປັນການສົ່ງສັນຍານເຖິງບໍລິສັດ
ຍັກໃຫຍ່ຜູ້ຜະລິດຢາສູບວ່າ ຈະຕ້ອງຢຸດເຮັດໃຫ້ຊີວິດຜູ້ສູບຢາ ຕ້ອງສ່ຽງຕໍ່ກັບອັນຕະລາຍອີກ.