ການຕໍ່ສູ້ລະຫວ່າງກຸ່ມຕິດອາວຸດອິດສະລາມິສ ກັບນັກຮົບຝ່າຍກົງກັນຂ້າມ ທີ່ຄວບຄຸມສະໜາມບິນຫຼັກຂອງລີເບຍ
ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 47 ຄົນ ພາຍໃນຮອບອາທິດນີ້ ຕາມການຖະແຫຼງຂອງກະຊວງສາທາລະນະສຸກ
ລິເບຍ ໃນວັນນີ້ (21 ກໍລະກົດ).
ການສູ້ຮົບ ເຊິ່ງເລີ່ມຂຶ້ນຕັ້ງແຕ່ວັນທີ 13 ກໍລະກົດຜ່ານມາ ຍັງຄົງເຮັດໃຫ້ມີຜູ້ບາດເຈັບອີກປະມານ 120 ຄົນ ຕາມ
ຂໍ້ມູນເມື່ອວັນເສົາ ແລະ ສົ່ງຜົນເຮັດໃຫ້ສະໜາມບິນສາກົນຕິໂປລີ ຕ້ອງປິດການໃຫ້ບໍລິການ.
ສະຫະພາບເອີລົບ ໄດ້ອອກມາຖະແຫຼງປະນາມເຫດຮຸນແຮງຄັ້ງລ່າສຸດ ເມື່ອວັນທີ 20 ກໍລະກົດ ຫຼັງຈາກທີ່ຂໍ້ຕົກລົງ
ຢຸດຍິງລະຫວ່າງກຸ່ມອິດສະລາມິສ ແລະ ກຸ່ມຕິດອາວຸດອີກກຸ່ມໜຶ່ງເຊິ່ງເປັນຄູ່ແຂ່ງ ບໍ່ໄດ້ຮັບການປະຕິບັດອີກຕໍ່ໄປ
ເມື່ອ 2 ມື້ທີ່ຜ່ານມາ.
ແນວຮ່ວມກຸ່ມຕິດອາວຸດ ເຊິ່ງນຳໂດຍນັກຮົບອິດສະລາມິສ ໄດ້ເປີດສາກໂຈມຕີສະໜາມບິນຕິໂປລີ ມື້ວານນີ້ ກ່ອນ
ທີ່ການຕໍ່ສູ້ຈະລຸກລາມອອກໄປຍັງຖະໜົນ ທີ່ມຸ່ງໜ້າເຂົ້າສູ່ເມືອງຫຼວງຂອງປະເທດ.
ເຫດຮຸນແຮງທີ່ເກີດຂຶ້ນ ສົ່ງຜົນໃຫ້ຖ້ຽວບິນບໍ່ສາມາດຂຶ້ນ – ລົງໄດ້ ແລະ ສ້າງຄວາມເສຍຫາຍຢ່າງໜັກ ຕໍ່ສະໜາມ
ແລະ ໂຄງສ້າງພື້ນຖານຕ່າງໆ ເຊິ່ງເຈົ້າໜ້າທີ່ການບິນຄາດວ່າ ສະໜາມບິນຕິໂປລີແຫ່ງນີ້ ອາດຈະຕ້ອງປິດເພື່ອປັບ
ປຸງອີກຫຼາຍເດືອນ.
ສາຍການບິນລິບຽນແອຣ໌ລາຍ ໄດ້ໂພສຕ໌ຂໍ້ຄວາມໃນເຟສບຸກວ່າ ເຮືອບິນບອມບາເດຍ CRJ 900 ລຳໜຶ່ງຖືກທຳ
ລາຍ ໃນຂະນະດຽວກັນກໍມີຜູ້ໂພສຕ໌ພາບເຮືອບິນລິບຽນແອຣ໌ລາຍລຳໜຶ່ງ ກຳລັງຖືກໄຟລຸກໄໝ້ລົງທາງສື່ສັງຄົມ
ອອນລາຍ ເຊິ່ງຕໍ່ມາກໍມີລາຍງານເພີ່ມເຕີມວ່າ ເຮືອບິນແອຣ໌ບັສ A330 ອີກລຳໜຶ່ງກໍຖືກໄຟໄໝ້ເຊັ່ນດຽວກັນ.